JosuaVoorbeeld

Lees: Josua 18:1-10; Spreuke 10:4

SOAP: Spreuke 10:4

Vir verdere nalees: Josua 18:11-28; Josua 19

Toe Josua die kampplek verskuif het van Gilgal na Silo, het net vyf van die twaalf stamme hulle land opgeeïs. Sewe stamme moes nog hul deel van hul erfenis opeïs. En blykbaar, het hulle nie gevoel om die eerste stap te neem nie.

"Anders as Kaleb en die dogters van Selofgad, het hierdie stamme nie geloof en geestelike geesdrif gehad nie. Hierdie stamme het gehelp veg in die oorloë en die vyand oorwin, maar nou was hulle huiwerig om die erfporsie wat God hulle gegee het, op te eis." Wiersbe, Warren. Wees Sterk.

Spreuke 10:4 herinner ons dat ‘n lui hand armoede veroorsaak. Ons pas hierdie vers gewoonlik toe op materiëre armoede. As jy nie werk nie, het jy nie wat jy nodig het om van te lewe nie. Maar ons kan dit ook toepas op ons geestelike lewe.

Soms is ons in ‘n geestelike sin “lui”. Ons skeep die dinge af wat ons nodig het vir ons geestelike welsyn. Daar is vyf geestelike dissiplines waarin ons opgelei behoort te wees – gebed, Bybel lees en meditasie, memorisering, kerkbywoning en diens. Hierdie is die vyf basiese beginsels wat ons nodig het om te groei in ons geestelike lewe. Ons moet tyd daarvoor maak om te verhoed dat ons geestelik stilstaan.

Dierbare Vader, vergewe my vir al die kere wat ek my tyd met U afgeskeep het. Ek wil U graag die prioriteit in my lewe maak. Vul my hart met geesdrif vir U.

In Jesus se naam.

Amen.