JosuaVoorbeeld

Lees: Josua 17:12-18; 1 Korintiërs 5:6-8; Jakobus 4:16

SOAP: 1 Korintiërs 5:6-8

Vir verdere nalees: Josua 16; 17:1-11

Die volk van Josef, die stamme van Efraim en Manasse, het by Josua gekla oor hulle erfenis. Hulle het gesê dat hulle net een toewysing gekry het en hulle het geredeneer dat hulle baie mense was en baie geseën was deur God. Wat hulle nie mee geseën was nie, was nederigheid!

Jakobus herinner ons daaraan dat om met arrogansie te spog boos is. Wanneer arrogansie en trots ons harte vul, dink ons te veel van onsself. Trots laat ons dink dat ons kan staatmaak op wat ons is, wat ons doen, of wat ons besit in plaas daarvan om op God te vertrou. Grootpratery laat ons dink dat ons God nie nodig het nie en dat ons ons lewens kan lei sonder Hom. Ons begin dink dat ons sekere goed verdien. Ons sien die dinge wat ons oorwin, bereik en verdien as prestasies wat ons op ons eie bereik het. Ons vergeet dat alles van God af kom.

Die stamme van Efraim en Manasse het gedink dat hulle te belangrik was om beperk te word tot ‘n land wat nie groot genoeg was nie. Toe Josua vir hulle gesê het om na die woud te gaan en self die grond skoon te maak, het hulle verskonings gevind. Hulle was vol trots gewees.

Trots is nie ‘n klein dingetjie nie. Trots is ‘n sonde. Ons moet van trots ontslae raak en Jesus se voorbeeld volg. Hy het “Homself verder verneder. Hy was gehoorsaam tot in die dood.” (Filippense 2:8).

Hemelse Vader, help my om te sien dat my trots my van U af weg hou. Moet my nie toelaat om my hart met arrogansie te vul en te spog in wie ek is of wat ek het nie. Alles in my lewe is afhanklik van U.

In Jesus se naam.

Amen