Verlies Het Nie Die Finale Sê NieVoorbeeld

God Is Besig Om Iets Te Doen

Elkeen van die verhale wat ons gelees het, help ons om God se karakter te sien. Ons weet nou dat herstel bloot deel is van wie Hy is en hoe Hy te werk gaan. Hierdie verhale bied ons egter selfs meer as om ons hoop te gee en te inspireer, hulle wys op 'n nog groter herstelfase wat God besig is om uit te voer.

In dag een van hierdie leesplan, het ons gesien dat die dood, droefheid en lyding nie in die begin van God af gekom het nie. Alle bose dinge het saam met sonde gekom, en die koms van sonde in hierdie verhaal, het die wêreld al hoe meer gebroke gelaat. God is egter nie deur sonde verslaan nie, en Hy het 'n plan gemaak om nie net individue nie, maar die hele skepping te herstel.

Ons volmaakte God het in ons onvolmaakte verhaal ingetree. Hy het sy Seun gestuur om te sterf en vrywilliglik intense verlies ter wille van sy volk te ervaar. Hy weet ook hoe verlies voel, maar Hy het daardie pyn verduur sodat ons ons s'n kon oorkom. Nou, na Christus se opstanding, kan ons ons hoop in sy krag vind, wetende dat Hy in oorwinning oor alle pyn regeer. 

Die laaste bladsye van die Skrif gee vir ons 'n blik op die volmaakte, herstelde wêreld wat kom. Ons sien 'n pragtige nuwe hemel en aarde waar God alle trane afdroog en die dood ophou bestaan. Net soos in die begin, sal God weer saam met sy volk woon en volmaakte waarheid, skoonheid en vrede met Hom saambring. Mense uit alle volke sal bymekaar wees, verenig terwyl hulle God verheerlik en mekaar se geselskap sonder probleme geniet.

Dit is die hoop wat ons in ons droefheid het: dat God deur Christus alle dinge herstel. Alle pyn sal weggaan, alle droefheid sal eindig, en ons sal vir ewig volmaakte vrede ervaar by die Skepper van lewe, liefde en vreugde.

As jy verder met iemand wil praat oor hoe dit sal lyk klik hier.