Skep ruimteVoorbeeld

Rus

Sommige van ons rus nie, want ons besef nie dat die sabbat nie 'n dag is nie, dit is 'n persoon. Die sabbat is Jesus. Hy is ons rus. Leer om in sy werk vir jou ontwil te rus. Jesus se werk was volmaak, want Hy het gedurende sy aardse lewe gerus wanneer Hy gewerk het. Hy het gerus in dit wat die Vader oor Hom gesê het.

Jesus het nooit enige werk gedoen om aanvaar te word nie. Jesus het al sy werk gedoen omdat Hy aanvaar is. Hy wil hê jy moet ingaan in daardie rus deur te bevestig dat die Vader deur Jesus Christus vir jou lief is, vir jou gesterf het om jou sondes te vergewe, insluitende al die geleenthede toe jy sonder rus gelewe het en toe jy na die verkeerde plekke gegaan het om rus te soek. Jesus het gesterf sodat jy in sy werk vir jou ontwil kan rus, in die wete dat die Vader oor jou sê: "Dit is My geliefde kind, in wie Ek 'n welbehae het.”

Jesus het meer vir jou lewe en siel bereik as waaroor jy ooit strategieë kan uitwerk, planne kan beraam of waarvoor jy kan werk. Staan 'n oomblik af om in die waarheid te rus.

Die diepste behoefte van elke menslike hart is om in God rus te vind. Die rus waarna ons verlang is vir ons gegee deur die herstellende krag van die evangelie. "In Christus Jesus het Hy ons saam met Hom opgewek uit die dood en ons saam met Hom 'n plek in die hemel gegee" (sien Efesiërs 2:1-10). Jy is nou vir ewig en altyd lewend saam met Christus. Daarom het Jesus jou "sabbatsrus geword" (sien Hebreërs 4:9-10). Psalms 126 kan jou gebed en jou lied wees want jou siel is rustig by God.