Gewilde Bybelverse vanaf ZAWHÂNA 15

Deel

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

Keima liata y thlâh ha teh u, kei chhao nâmo liata ei y thlâh ha aw. A chiah cha kre zôh liata a y thlâh ha leipa khiahta cha, ano dei ta a pathei thei leipa hawhta, nâmo chhao keima liata nama y thlâh ha leipa khiahta cha, pathei thei aw veih ei chi.

Keima liata y thlâh ha u la, ei bie nâmo liata a y thlâh ha khiahta cha, nama khopa maih hiah teh u, nama châta taopa a châ aw.

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

Chyhsa ta a viasazy châta a hrona a piepa hleikhô ta kyhpachâna rônah viapa ahy hmahta hnei veih ei.

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

“He he ei biepiepa cha a châ. Kei ta nama kyh ei cha pachâpa hawhna heta, nâmo chhao kyh a pachâ raihrie teh u.

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

“Kei kre zôh hmeiseihpa châ na ta, ei Paw sadô mohôhtuhpa a châ.

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

Ei lyna nâmo liata y thlâh ha sala, namâ lyna â ki nawpa ta, he biezy he nama hnohta ei reipa a châ.

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

Kyh namâ pachâ raihrie thei nawpa ta, he biezy he ei cha pie ei.

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.