Gewilde Bybelverse vanaf Yoane 15

Deel

Minyi rungwa ru isin ru namp, binu bungwak tampa. Ntshu uwar u kat ami, ntshu wara minyi ake u kat ante, ya itshu ntompa sia buiki ; mpe bapamps nto ami binu bak yeb uker iket bo.

War ana u kat ami, minyi ake rapawar u kat abinu. Nko tampa yinta uyeb utsho ntompa yamet bo, mpe yinta unamt nto isina ru namp bo, nkos binu ake bakeyeb utsho mpe binu unamt nto ami bo.

Mpe bawara u kat ami, mey mami ake mpe mawar u kat a binu, romp ana bikima biwont binu, bapabirab.

Ka binu bamasor minyi bo, di minyi ramabisor, ramabitom isina binu buwe butshu ntompa, keka ntompa a binu iwar sera sera ; isina makima muromp binu Tata i rukompua rami, apabiweke.

Rek a muot ngwa i nsong munene muareka yone ntshu uwus bampayi bante.

Tampa siami sikima si wara rek utsho ntomp bo, yante ikes keka tampa ikima ntshi itsho ntompa, yante itotor sues isina yinta itshui ntompa sekra.

Ikin rami ri rine, binu buwonts binu a binu, nko ama-biwont minyi.

Mpe batsho ntompa sia buiki, keka Tata aton, keka binu buwar baronki bami.

Minyi ru isin ru namp mua barabara muantompa sia vinyo, Tata angwak nonto a munta.

Mpe muot awar rek uwar u kat ami, yebumpis busuebe nko tampa ; ya iom, keka banta bitori, bibok u tshiya, inamat.

Minyi rumabiror mey mene, isina nianko muami muwar u kat a binu keka nianko mua binu murek.

Mpe binu baront bikin biami, binu bupawar kat nsong muami, nko aronto minyi bikin bia Tata, minyi rungwa kat nsong muante.

Mey mumabiror minyi, isin binu buwonts binu a binu.

Mpe binu baruwar bat ba man, bat ba man barak biwont; di isina binu rek bawar bat ba man, minyi ramabisor u nteng a bat, isina kankos bat ba man bu biwok pis.