Gewilde Bybelverse vanaf San Juan 15

Deel

’Ʉ̱ as̈am tʉ-uvapoj mit mijchat as̈am mi-awecwájat. Jeme tampay mit ʉ̱, mit ʉ̱ mit je', ayé iwatáj may itʉjm. Ni'c te miniju'pcʉjʉp de ʉ̱, ca-oyáj is̈watca neti.

Tánga mit ʉ̱, mit tʉtanáj mit mijchat. As̈am tu'c awec ca-oyap iguiwat itʉjm itu'gumu te catamp uvapojni'c, we'ney mijchat ca-oyap is̈watca neti te migatangap mit ʉ̱.

’Te mitangap mit ʉ̱, mit inmutangap lo que tʉnyʉmpay, yo'tca nu'pʉjʉn inwangámpay, mit is̈mingajáj.

Mijchat is̈cacupiugawu ʉ̱, po ʉ̱ tʉcupiugʉs̈ mijchat, mit tʉyajcʉs̈ pa inyʉs̈cawa'n is̈watca puru oyway yos̈, mit ma tan lo que inwatcapay. Pa we'n nu'pʉjʉn inyo'tcajámpay tʉnte̱t Dios, je' is̈acmingajáj ni'c ʉ̱ is̈cupʉjcap.

Te tu'c jayau iyacp ivida pa i-amigujat, ayé más jayawano'cp.

Mit nu'pʉjʉn tʉn-awec igawatámpay itʉjm, itsuctujcáj. Mit nu'pʉjʉn tʉn-awec iwatámpay itʉjm, iculimpia̱táj pa ma wat más itʉjm.

Ayʉ̱́j tʉmanda̱tcʉs̈p pi watca: Pi niwangʉjʉ minu'pʉjʉjnat as̈am ʉ̱ tʉwangʉs̈.

Wename tsʉ̱náj mʉjninʉmic tʉnte̱t Dios te inwatcap puru oyway yos̈ as̈am ayé uvapoj iguiwat itʉjm, mit wename mijatcáj tʉ̱pʉctampajyat.

’Ʉ̱ as̈am tu'c uvapoj iyacs̈ta'cway, mit tʉnte̱t Dios ayé jeme iyos̈wajtapay.

Jeme catampay mit ʉ̱, i-acpichingáj pe'ta̱m as̈am iguicucáchiga tu'c awec, mit tʉ'tsáj, mit i-apiumujcáj, mit icomgáj jʉngʉtʉm pa ma tinin.

’Tʉnʉmgʉs̈au we'n pa ma ji'c injo̱jtat as̈am ʉ̱ iji'c tʉnjo̱jt, pa we'n ji'gáj injo̱jtat iyacs̈ta'cway.

Tʉwangʉs̈áj te injayaumaygap lo que tʉnyʉmpay, as̈am ʉ̱ tʉs̈jayaumayey lo que inʉmpay tʉnte̱t Dios, mit je' siempre tʉs̈wampey.

Ayʉ̱́j tʉnʉmgʉs̈ap pi watca: Pi niwangʉjʉ minu'pʉjʉjnat.

Pi watca-ate as̈am iwatcapay jayajwat ayʉ̱́j mundujway, is̈wangájate je'jat. Po ingajamunipʉjcʉjʉp jayajwat ayʉ̱́j mundujway ni'c tʉcupiugʉs̈way de je'jat, jemni'c is̈-angap je'jat.