Thola i AppUgxiliswe Ethembeni: Ukufundwa KweTestamente ElishaIsampula
Zindla ngokufunda kwanamuhla usebenzisa le mibuzo:
- Lisho ukuthini igama elithi “ukubola” noma “ukonakala” kulesi siqephu?
- Ithemba lingasisiza kanjani phakathi nokuhlupheka?
Ukububula Ngenkazimulo
Yonke indalo ihlangabezana nemiphumela yokuhlupheka nobuhlungu. Amahlathi ayancipha, ulwandle luyangcoliswa, izilwane ziqothulwe, futhi imizimba iyagula nokuhlupheka. Njengomama onemihelo, umhlaba uyabubula ngenxa yemiphumela yesono (8:22). Nokho njengoba sibubula, siphinde sibe nethemba elijabulisayo ekuhlengweni okuzayo (8:24). Leli themba lisekelwe esithembisweni sikaNkulunkulu sokuthi ukuhlupheka nokulahlekelwa ngeke kuqhubeke phakade, nokuthi uNkulunkulu uzohlenga futhi avuse indalo. Leli themba lisisiza ukuba sikhuthazelele ubunzima njengoba singalindela inkazimulo yesikhathi esizayo ngokulangazela.
Cabanga ngendaba yakho:
- Ngisho nendalo ibeka ithemba layo mhla iyokhululeka ekufeni nasekuboleni. Ungalubona ngeso lengqondo lolo suku olukhazimulayo lapho kukhululwa indalo? Ucabanga ukuthi izobukeka kanjani?
- Nathi futhi, sibheke ngabomvu usuku lapho siyothola khona amalungelo ethu aphelele njengabantwana bokutholwa nemizimba ekhululekile ekuhluphekeni. Yini lena oyilindele ngesineke nangokuzethemba?
UmBhalo
Mayelana naloluHlelo
Sivame ukuthembela ezweni elisizungezile—ukukhushulwa esikhundleni, ubuhlobo obungcono, umkhndeni oqinile, nokweluleka kwabagulayo. Kodwa ukuthembela emiphumeleni yasemhlabeni kuphela kuyosehlula. IBhayibheli lithi siyobhekana nokulahlekelwa nokudumala emhlabeni, kodwa sigcinwe othandweni lukaNkulunkulu lwaphakade. Kulolu hlelo, uzofunda ngokunakekela kukaNkulunkulu futhi ubone ukuthi ithemba likamoya lingawaletha kanjani amandla phakathi kwezivunguvungu zempilo.
More
