Umhloli WeBhayibheli Lentsha (AmaHubo - Ingxenye 1)

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s1">Ukuyalezwa kuka-Abrahama kokunikela ngo-Isaka</div><div class="p"> 1 Kwathi emva kwalezo zinto uNkulunkulu wamvinvinya u-Abrahama, wathi kuye: &#8220;Abrahama!&#8221; Yena wathi: &#8220;Ngilapha.&#8221; 2 Wayesethi: &#8220;Thatha manje indodana yakho eyodwa oyithandayo, u-Isaka, uye ezweni laseMoriya, unikele khona ngaye abe ngumnikelo wokushiswa entabeni ethile engizakukutshela yona.&#8221;</div><div class="p"> 3U-Abrahama wavuka ekuseni, wabophela imbongolo yakhe, wathatha ezimbili ezincekwini zakhe, no-Isaka indodana yakhe; wacanda izinkuni zomnikelo obuzakushiswa, wasuka waya endaweni uNkulunkulu abemtshele yona. 4Ngosuku lwesithathu u-Abrahama waphakamisa amehlo akhe, wayibona indawo isekude. 5U-Abrahama wathi ezincekwini zakhe: &#8220;Hlalani lapha nembongolo; mina nomfana sisaya laphaya, sikhuleke, sibuye size kini.&#8221;</div><div class="p"> 6U-Abrahama wathatha izinkuni zomnikelo obuzakushiswa, wazibeka phezu kuka-Isaka indodana yakhe, waphatha esandleni sakhe umlilo nomese; bahamba bobabili kanyekanye. 7U-Isaka wathi ku-Abrahama uyise: &#8220;Baba.&#8221;</div><div class="p">Wathi yena: &#8220;Ngilapha, ndodana yami.&#8221;</div><div class="p">Wayesethi: &#8220;Bheka, nanku umlilo nezinkuni, kepha iphi imvu yomnikelo ezakushiswa na?&#8221;</div><div class="p"> 8U-Abrahama wathi: &#8220;UNkulunkulu uzakuzibonela imvu yomnikelo ezakushiswa, ndodana yami,&#8221; bahamba bobabili kanyekanye.</div><div class="p"> 9Bafika endaweni uNkulunkulu abemtshele yona; u-Abrahama wakha khona i-altare, walungisa izinkuni, wambopha u-Isaka indodana yakhe, wambeka e-altare phezu kwezinkuni. 10U-Abrahama waselula isandla sakhe, wathatha umese ukuba ahlabe indodana yakhe. 11Kwase kumemeza kuye ingelosi kaJehova isezulwini, ithi: &#8220;Abrahama, Abrahama!&#8221;</div><div class="p">Yena wathi: &#8220;Ngilapha.&#8221;</div><div class="p"> 12 Yayisithi: &#8220;Ungabeki isandla sakho kumfana, ungenzi lutho kuye, ngokuba ngiyazi manje ukuthi uyamesaba uNkulunkulu, lokhu ungagodlanga kimi nandodana eyodwa yakho.&#8221;</div><div class="p"> 13U-Abrahama waphakamisa amehlo akhe, wabona; bheka, ngemuva yinqama, ibhajiwe esihlahleni ngezimpondo zayo; u-Abrahama waya wayithatha inqama, wanikela ngayo umnikelo wokushiswa esikhundleni sendodana yakhe. 14U-Abrahama waqamba igama laleyo ndawo ngokuthi uJehova uyabonelela, njengalokhu kuthiwa nanamuhla: Entabeni kaJehova kuyakubonelelwa.</div><div class="p"> 15Ingelosi kaJehova yayisimemeza ku-Abrahama ngokwesibili isezulwini, 16 ithi: &#8220;Ngizifungile, usho uJehova, ukuthi njengokuba ukwenzile lokhu, ungagodlanga indodana yakho eyodwa, 17 ngiyakukubusisa nokukubusisa, ngandise nokwandisa inzalo yakho, ibe ngangezinkanyezi zezulu nangangesihlabathi sasogwini lolwandle, inzalo yakho inqobe isango lezitha zayo, 18 nangenzalo yakho ziyakubusiswa izizwe zonke zomhlaba, ngokuba ulalele izwi lami.&#8221;</div><div class="p"> 19U-Abrahama wayesebuyela ezincekwini zakhe; basuka, baya eBeri Sheba; u-Abrahama wakha eBeri Sheba.</div><div class="s1">Inzalo kaNahori</div><div class="p"> 20 Kwathi emva kwalokho kwabikwa ku-Abrahama ukuthi: &#8220;Bheka, naye uMilka umzalele uNahori umfowenu abantwana: 21Ngu-Use izibulo lakhe, noBusi umfowabo, noKemuweli uyise ka-Aramu, 22noKesede, noHazo, noPilidashe, noJidilafe, noBetuweli,&#8221; 23uBetuweli wazala uRebeka; laba abayisishiyagalombili uMilka wabazalela uNahori umfowabo ka-Abrahama. 24Nesancinza sakhe esigama laso lalinguRewuma sazala oTheba, noGahamu, noTahashi, noMahakha.</div>
 </div>
 </div>
</div>

Ukhisimusi Wezingane: Izinsuku Ezingu-12 ZokuthulaIsampula

Uhlelo LukaNkulunkulu Lokuthula

Ngu-Nick W.

UmBhalo

Mayelana naloluHlelo

Izinhlelo zohlobo olufanayo

Umhloli WeBhayibheli Lentsha (AmaHubo - Ingxenye 1)