Ìdánilẹ́kọ̀ọ́ Ṣáájú ÌgbéyàwóÀpẹrẹ

Ìfaramọ́

Ṣíṣe ìfaramọ́ á máa mú kí a lè jẹ́rìí ara wa, yóò múu rọrùn láti fọkàn tán ẹnìkejì pẹ̀lú sísọ èrò ọkàn wa tó jinlẹ̀ jùlọ; ìṣòótọ́ a máa fún wa láyè láti fọwọ́sowọ́pọ̀ fún ètò ọjọ́ iwájú; yóò gbà wá láàyè láti gbìyànjú ohun titun, láti ṣe àṣìṣe, láti dáríjì, fún ìgboyà láti mẹ́nuba àwọn ọ̀rọ̀ tí ẹ ní láti ṣe àṣàrò lé lórí -- ìfaramọ́ ni ‘adùn ìgbéyàwó’, òhun ni ìyèe rẹ̀.

Àwọn àbájáde méjì tí ìfaramọ́:

1. Ìbárẹ́
   Ìfaramọ́ nínú ìgbéyàwó ló ń tán òùngbẹ fún ìbáṣepọ̀ tímọ́tímọ́. Ìgbéyàwó nìkan kọ́ ni ọ̀nà tó wà láti kojú ìdàwà, àmọ́ òhun ni ìbàrẹ̀ tó fẹ́rẹ̀ẹ́ rinlẹ̀ jù.
2. Ìgbé ayé nínú ẹbí
   Ìfẹ́ tó ní ìfaramọ́ láàárín àwọn òbí túmọ̀ sí wípé àwọn ọmọ wọn ma ní àpẹrẹ rere fún ìbáṣepọ̀ ọlọ́jọ́-pípẹ́ tóní ìfaramọ́. Ara àwọn ọ̀nà tí àwọn òbí fi lè fẹ́ràn ọmọ ni kí lọ́kọ-láyà fẹ́ràn ara wọn. Ìgbéyàwó tó fẹsẹ̀ múlẹ̀ lè já ìdè àwọn ìbáṣepọ̀ míràn tó ní ìkùnọ̀ nínú ẹbí.

Ṣètò àsopọ̀ orí-kò-jorí láàárín ẹ̀yin méjèèjì

Gbogbo lọ́kọ-láyà gbọ́dọ̀ ṣíṣe lórí àwọn ǹkan wọ̀nyí:

• ẹni tí yóò máa ṣe ǹkan pàtó
• ẹni tí yóò máa ṣe ìpinnu
• ẹni tí yóò dárí àwọn iṣẹ́ tó ka iwájú yín

A lè ti ní àwọn ìrírí kan látọ̀dọ̀ àwọn òbí wa (tàbí ẹni tó tọ́ wa) nípa ojúṣe ọkọ àti aya nínú ìgbéyàwó, ó sì ṣeé ṣe kí ìrírí ẹnìkejì wa má bàá tiwa mu. 

Ẹ ṣe ìtàkùrọ̀sọ nípa ìrètí yín fún ẹni tí yóò máa ṣe àwọn ǹkan nínú ìbáṣepọ̀ àti bí èyí ti lè yàtọ̀ sí ìrírí tìrẹ nínú ẹbí tí a bí ọ sí.

Ẹ tẹríba fún ara yín (Éfésù 5:21)

Ìlànà Májẹ̀mú Titun nípa ìtẹríba

• ó fún àwọn Kristẹni ní ọ̀nà titun kedegbe láti máa bá ara wa gbé
• nílò ìfifúnni láti apá méjèèjì
• àìka ìdarí ọkọ sí

Ìkọ́ni Kristẹni ti mú kí a rí ìgbéyàwó gẹ́gẹ́bí ìbáṣepọ̀ tó nílò ìfifúnni ní orí-kò-jorí.

‘Ìtẹríba’ kò túmọ̀ sí àìlè-sọ̀rọ̀

• ìtẹríba ni ìdàkejì jíjẹ gàba
• ó túmọ̀ sí fífi ẹnìkejì wa ṣáájú
• ipele ìfẹ́ tí yóò fi àìní ẹnìkejì ṣáájú tiwa

Ẹ jùmọ̀ ṣàwárí ojúṣe tí ó rọrùn jù fún ẹnìkààǹkan

• ẹ lo àwọn ìyàtọ̀ yín láti ran ẹnìkejì lọ́wọ́
• ní àwọn ipele ayé tí ẹ ti ní ǹkan papọ̀, gbìyànjú láti ṣiṣẹ́ adarí
• ní àwọn ipele mìíràn, ṣe ìrànlọ́wọ́ fún ẹnìkejì rẹ

Níní ìfẹ́ báyìí jẹ́ iṣẹ́ ojojúmọ́ ó sì nílò ṣíṣe ìfarajìn fún ẹnìkejì.

Ìtẹríba ẹnìkan fún èkejì ṣe pàtàkì fún ìfẹ́ nínú ìgbéyàwó.

Májẹ̀mú ìgbéyàwó náà

Májẹ̀mú tí a máa ńṣe nígbà ìgbéyàwó jẹ́ ìpinnu láti fi ara wa jìn ní kíkún sí ẹnìkejì pẹ̀lú ìfẹ́, ó sì jẹ́ ìpinnu tí a ní láti máa sọ dọ̀tun lójojúmọ́.

Májẹ̀mú ìgbéyàwó ló ń di lọ́kọ-láyà mú nígbà tí wọ́n bá ní ìpèníjà, èyí tí ọkọ àti ìyàwó kan kò lè sára fún.

Ẹ̀jẹ́ tí ẹnìkààǹkan wá bá dá ló ń ró ìgbéyàwó lágbára pẹ̀lú àǹfààní láti lè fi ọkàn wa hàn pẹ̀lú ìṣòótọ́ sí ẹnìkejì.

• àwọn ǹkan wọ̀nyí ló ma fún wa ní ìgboyà láti ṣe àfihàn ara wa fún ẹnìkejì gẹ́lẹ́ bí a ti rí (pẹ̀lú àwọn apá a ìṣẹ̀dá wa tí kò hàn sí ẹnikẹ́ni) èyí tí yóò wá mú kí ìrẹ́pọ̀ dùn
• àwọn ẹ̀jẹ́ yìí kò dá lórí ǹkan tí ẹnìkejì lè ṣe fún wa bí kò ṣe ǹkan tí a lè ṣe fún wọn