Ẹk. Jer 5:15-22

Ayọ̀ ọkàn wa ti dá; a yi ijo wa pada si ọ̀fọ. Ade ṣubu kuro li ori wa: ègbe ni fun wa, nitori awa ti ṣẹ̀. Nitori eyi li ọkàn wa rẹ̀wẹsi; nitori nkan wọnyi oju wa di baibai. Nitori oke Sioni, ti dahoro, awọn kọ̀lọkọlọ nrin lori rẹ̀. Iwọ, Oluwa, li o wà lailai; itẹ́ rẹ lati iran de iran! Ẽṣe ti iwọ fi gbagbe wa lailai, ti o si kọ̀ wa silẹ li ọjọ pipẹ? Oluwa, yi wa pada sọdọ rẹ, awa o si yipada; sọ ọjọ wa di ọtun gẹgẹ bi ti igbãni. Tabi iwọ ha ti kọ̀ wa silẹ patapata, tobẹ̃ ti iwọ si binu si wa gidigidi?