eyo-1 neye-2 kaTimoti

KumaHebhere

eyo-1 neye-2 kaPetros

EkaYakobi

Isityhilelo

ITestamente eNdala - abaProfeti abakhulu

ITestamente Endala - Iincwadi zikaMoses

ITestamente eNdala - Iincwadi zeMbali

ITestamente eNdala - abaProfeti abancinci

<div class="version vid281 iso6393xho" data-vid="281" data-iso6393="xho">
 <div class="book bk1TH">
 <div class="chapter ch5" data-usfm="1TH.5">
 <div class="label">5</div><div class="s1">Ukuza kweNkosi nemfuneko yokulinda</div><div class="p"> 1Ke kaloku ngawo amaxesha namathuba, bazalwana, akufuneki nganto ukuba ndinibhalele; 2kuba nani ngokwenu niyazi ngokucacileyo, ukuba imini yeNkosi, njengesela ebusuku, yenjenjalo ukuza kwayo. 3Kuba xenikweni baya kuthi, Luxolo nokunqaba, oko baya kufikelwa yintshabalaliso ngebhaqo, kwanjengenimba komithiyo; baye bengayi kukha basinde. 4Ke nina, bazalwana, &#224;nisebumnyameni, ukuba imini leyo iniqubule njengesela. 5Nonke nina ningabokukhanya, abemini; asingabobusuku, asingabobumnyama.</div><div class="p"> 6Ngoko ke masingalali, njengabanye aba; masiphaphe sibe ziingcathu. 7Kuba abaleleyo balala ebusuku; nabanxilayo banxila ebusuku. 8Ke thina bangabemini masibe ziingcathu; masinxibe isigcina-sifuba sokholo nothando, nesigcina-ntloko esilithemba losindiso. 9Ngokuba uThixo akasimiselanga ngqumbo; usimisele ukuzuza usindiso ngayo iNkosi yethu uYesu Kristu; 10owasifelayo, ukuze nokuba sihleli, nokuba silele, sidle ubomi kwakunye naye.</div><div class="p"> 11Kungoko ndithi, Thuthuzelanani, n&#225;khane, kwanjengokuba nisenjenjalo.</div><div class="s1">Iziyalo ngeziyalo kwanesiphelo</div><div class="p"> 12Ke kaloku siyanicela, bazalwana, ukuba nibazi ababulalekayo phakathi kwenu, abanongamelayo eNkosini, abanilulekayo, 13nibabeke ngokugqithiseleyo kakhulu ukubathanda, ngenxa yomsebenzi wabo. Hlalani ninoxolo phakathi kwenu. 14Siyanivuselela ke, bazalwana, balulekeni abanxaxhayo; bakhuzeni abamxhelo mncinane; basekeleni abathambileyo; yibani nokuzeka kade umsindo kubantu bonke. 15Lumkani, kungabikho bani ubuyekeza ububi ngobubi nakubani; hlalani niphuthuma okulungileyo omnye komnye, nakubantu bonke. 16Hlalani nivuya. 17Thandazani ningayeki. 18Ezintweni zonke bulelani; kuba oko kukuthanda kukaThixo kuKristu Yesu ngani.</div><div class="p"> 19UMoya musani ukumcima. 20Iziprofeto musani ukuzenza into engento. 21Izinto zonke zicikideni, nibambe leyo intle. 22Khumkani kuzo zonke iintlobo zenkohlakalo.</div><div class="p"> 23Wanga ke uThixo woxolo ngokwakhe anganingcwalisa niphelelisekile; uthi, ugqibelele owenu umoya nomphefumlo nomzimba, ugcinwe ngokungenakusoleka ekufikeni kweNkosi yethu uYesu Kristu. 24Uthembekile onibizayo, oya kukwenza nokukwenza oko.</div><div class="p"> 25Bazalwana, sithandazeleni.</div><div class="b"></div><div class="p"> 26Babuliseni abazalwana bonke ngolwango olungcwele. 27Ndiyanifungisa iNkosi ukuba le ncwadi ileswe kubo bonke abazalwana abangcwele.</div><div class="p"> 28Ubabalo lweNkosi yethu uYesu Kristu malube nani. Amen.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bk2TH">
 <div class="chapter ch1" data-usfm="2TH.1">
 <div class="label">1</div><div class="s1">Umbuliso nombulelo</div><div class="p"> 1UPawulos noSilvano noTimoti babhalela ibandla labaseTesalonika, elikuThixo uBawo wethu, neNkosi yethu uYesu Kristu; 2bathi, Makube lubabalo kuni, noxolo oluvela kuThixo uBawo, neNkosi yethu uYesu Kristu.</div><div class="b"></div><div class="p"> 3Simelwe kukuhlala sibulela kuThixo ngenxa yenu, bazalwana, njengokuba kufanelekile, ngokuba lukhula ngokugqithiseleyo ukholo lwenu, lusanda uthandano lwenu nonke ngabanye; 4ngokokude thina ngokwethu siqhayise ngani emabandleni kaThixo, ngenxa yonyamezelo lwenu, nokholo lwenu, ezintshutshisweni zenu zonke, nasezimbandezelweni enizinyamezelayo; 5umbonakaliso ke lowo womgwebo onobulungisa kaThixo, ukuze nibalelwe ekuthini nibufanele ubukumkani bukaThixo, enithi ngenxa yabo nive nokuva ubunzima; 6ukuba kanti yinto ebubulungisa kuThixo ukubabuyekeza ngembandezelo abanibandezelayo; 7athi, nina babandezelwayo, anibuyekeze ngokuniphumza kunye nathi, ekutyhilekeni kweNkosi uYesu, ivela emazulwini inezithunywa zamandla ayo; 8inomlilo odangazelayo, ibaphindezela abangamaziyo uThixo, nabangazilulameliyo iindaba ezilungileyo zeNkosi yethu uYesu Kristu; 9bona abo baya kuva ukubethwa, intshabalalo engunaphakade ke leyo, bemke ebusweni beNkosi, nasebuqaqawulini bokomelela kwayo; 10xa ithe yeza kuzukiswa kubangcwele bayo, imangaliseke kubo bonke abakholwayo (ngokuba nakholwa bubungqina bethu kuni), ngaloo mini.</div><div class="p"> 11Ngoko ke sihlala sithandaza nokuthandaza ngenxa yenu, ukuba uThixo wethu anibalele ekuthini nilufanele ubizo lwenu, azalise ngokunamandla konke ukukholiswa kukulunga, nomsebenzi wokholo; 12ukuze lizukiswe igama leNkosi yethu uYesu Kristu kuni, nani nizukiswe kuye, ngokobabalo lukaThixo wethu, neNkosi yethu uYesu Kristu.</div>
 </div>
 </div>
</div>

eyo-1 neye-2 KwabaseTesalonikaIsampulu

IsiBhalo

Malunga nesi Sicwangciso

Izicwangciso eziyeleleneyo