UMARKO 6:1-29
UMARKO 6:1-29 IZIBHALO EZINGCWELE (XHO75)
Waphuma apho ke weza kwelakowabo; bamlandela abafundi bakhe. Uthe kwakubakho isabatha, waqala ukufundisa endlwini yesikhungu; baza abaninzi, bakuva, bakhwankqiswa, besithi, Lo uzizuze phi na ezi zinto? Bubulumko buni na obu abunikiweyo, le nto nemisebenzi yamandla enjengale yenzekayo ngezandla zakhe? Lo akayiyo na ingcibi yokwakha, unyana kaMariya, umzalwana ke kaYakobi noYose noYuda noSimon? Noodade babo àbakuthi apha na? Baye bekhubeka kuye. Wayesithi ke uYesu kubo, Umprofeti akasweli mbeko, kungaba kukowabo, nakwizizalwana zakhe, nakokwabo. Wayengenako ukwenza namnye umsebenzi wamandla khona apho, kwakuphela ukubeka izandla phezu kwemilwelwe embalwa, wayiphilisa. Wamangaliswa kukungakholwa kwabo. Wayeyihambahamba imizana ejikeleza, efundisa. Ubabizele kuye abalishumi elinababini, waqala ukubathuma ngababini, ngababini; wayebanika igunya koomoya abangcolileyo; wabathethela ngelithi, mabangaphathi nto yandlela, ibe ngumsimelelo wodwa; bangaphathi ngxowa, nasonka, namali embhinqweni; bathi kodwa banxibe izixathula; bangambathi neengubo zangaphantsi ngambini. Wayesithi kubo, Apho nithe nangena endlwini, hlalani khona nide nimke kuloo ndawo. Abo sukuba benganamkeli, benganiva nokuniva, nakuphuma kuloo ndawo, vuthululani uthuli oluphantsi kweenyawo zenu, kube bubungqina oko kubo. Inene ndithi kuni, Koba nokunyamezeleka okweSodom nokweGomora ngomhla womgwebo, kunokwaloo mzi. Baphuma bavakalisa ukuba mabaguquke abantu. Bakhupha needemon ezininzi, bayithambisa ngeoli imilwelwe emininzi, beyiphilisa. Ke kaloku wakúva oko ukumkani uHerode (kuba igama lakhe lalithe laduma); wayesithi, Uvukile kwabafileyo uYohane umbhaptizi; ngenxa yoko le misebenzi yamandla iyenzeka ngaye. Baye abanye besithi, NguEliya; baye ke abanye besithi, Ngumprofeti, nokuba ufana nomnye wakubaprofeti. Ekuvile ke oko uHerode, wathi, Lo nguYohane, lowa ndamnqamla intloko mna; uvukile kwabafileyo. Kuba uHerode ngokwakhe wabethé wathuma, wambamba uYohane, wambopha entolongweni, ngenxa kaHerodiya, umfazi kaFilipu umzalwana wakhe; kuba ebemzekile. Kuba wayesithi uYohane kuHerode, Akuvumelekile ukuba ube nomfazi womzalwana wakho. Ke kaloku uHerodiya waba nenqala ngakuye, wafuna ukumbulala; kodwa akabanga nako; kuba uHerode wayemoyika uYohane, emazi ukuba uyindoda elilungisa, engcwele, wayemgcinile; wayesithi ke akumva, enze iindawo ezininzi, amve kamnandi. Kwathi, kwakufika umhla owamlungelayo uHerodiya, xeshikweni uHerode ngemini yokuzalwa kwakhe wayezenzela isidlo izidwangube zakhe, nabathetheliwaka, namanene elaseGalili, yakubon' ukuba ingene intombi kaHerodiya lowo, yangqungqa, yamkholisa uHerode nabo babehleli ndawonye naye. Wathi ukumkani kwintombazana leyo, Ndícele into osukuba uyithanda; ndokupha. Wayifungela ngelithi, Into othe wayicela kum ndokupha, kude kube kwisiqingatha sobukumkani bam. Iphumile ke yathi kunina, Ndicèle ntoni na? Wathi ke yena, Intloko kaYohane umbhaptizi. Yeza kungena kwaoko ngokungxama kuye ukumkani, yacela, isithi, Ndithanda ukuba undinike kalokunje ngesitya intloko kaYohane umbhaptizi. Waba buhlungu kakhulu ukumkani; noko, ngenxa yezifungo zakhe, nangenxa yabo babehleli ndawonye naye, akathandanga kuyilandulela. Uthe kwaoko ukumkani wasusa umsiki, wamthethela ngelithi, mayiziswe intloko yakhe. Wesuka waya ke lowo, wamnqumla intloko entolongweni. Wayizisa intloko yakhe ngesitya, wayinika intombazana leyo; yaza intombazana yayinika unina. Bekuvile oko abafundi bakhe, beza basithabatha isidumbu sakhe, basibeka engcwabeni.
UMARKO 6:1-29 IZIBHALO EZINGCWELE (XHO75)
Waphuma apho ke weza kwelakowabo; bamlandela abafundi bakhe. Uthe kwakubakho isabatha, waqala ukufundisa endlwini yesikhungu; baza abaninzi, bakuva, bakhwankqiswa, besithi, Lo uzizuze phi na ezi zinto? Bubulumko buni na obu abunikiweyo, le nto nemisebenzi yamandla enjengale yenzekayo ngezandla zakhe? Lo akayiyo na ingcibi yokwakha, unyana kaMariya, umzalwana ke kaYakobi noYose noYuda noSimon? Noodade babo àbakuthi apha na? Baye bekhubeka kuye. Wayesithi ke uYesu kubo, Umprofeti akasweli mbeko, kungaba kukowabo, nakwizizalwana zakhe, nakokwabo. Wayengenako ukwenza namnye umsebenzi wamandla khona apho, kwakuphela ukubeka izandla phezu kwemilwelwe embalwa, wayiphilisa. Wamangaliswa kukungakholwa kwabo. Wayeyihambahamba imizana ejikeleza, efundisa. Ubabizele kuye abalishumi elinababini, waqala ukubathuma ngababini, ngababini; wayebanika igunya koomoya abangcolileyo; wabathethela ngelithi, mabangaphathi nto yandlela, ibe ngumsimelelo wodwa; bangaphathi ngxowa, nasonka, namali embhinqweni; bathi kodwa banxibe izixathula; bangambathi neengubo zangaphantsi ngambini. Wayesithi kubo, Apho nithe nangena endlwini, hlalani khona nide nimke kuloo ndawo. Abo sukuba benganamkeli, benganiva nokuniva, nakuphuma kuloo ndawo, vuthululani uthuli oluphantsi kweenyawo zenu, kube bubungqina oko kubo. Inene ndithi kuni, Koba nokunyamezeleka okweSodom nokweGomora ngomhla womgwebo, kunokwaloo mzi. Baphuma bavakalisa ukuba mabaguquke abantu. Bakhupha needemon ezininzi, bayithambisa ngeoli imilwelwe emininzi, beyiphilisa. Ke kaloku wakúva oko ukumkani uHerode (kuba igama lakhe lalithe laduma); wayesithi, Uvukile kwabafileyo uYohane umbhaptizi; ngenxa yoko le misebenzi yamandla iyenzeka ngaye. Baye abanye besithi, NguEliya; baye ke abanye besithi, Ngumprofeti, nokuba ufana nomnye wakubaprofeti. Ekuvile ke oko uHerode, wathi, Lo nguYohane, lowa ndamnqamla intloko mna; uvukile kwabafileyo. Kuba uHerode ngokwakhe wabethé wathuma, wambamba uYohane, wambopha entolongweni, ngenxa kaHerodiya, umfazi kaFilipu umzalwana wakhe; kuba ebemzekile. Kuba wayesithi uYohane kuHerode, Akuvumelekile ukuba ube nomfazi womzalwana wakho. Ke kaloku uHerodiya waba nenqala ngakuye, wafuna ukumbulala; kodwa akabanga nako; kuba uHerode wayemoyika uYohane, emazi ukuba uyindoda elilungisa, engcwele, wayemgcinile; wayesithi ke akumva, enze iindawo ezininzi, amve kamnandi. Kwathi, kwakufika umhla owamlungelayo uHerodiya, xeshikweni uHerode ngemini yokuzalwa kwakhe wayezenzela isidlo izidwangube zakhe, nabathetheliwaka, namanene elaseGalili, yakubon' ukuba ingene intombi kaHerodiya lowo, yangqungqa, yamkholisa uHerode nabo babehleli ndawonye naye. Wathi ukumkani kwintombazana leyo, Ndícele into osukuba uyithanda; ndokupha. Wayifungela ngelithi, Into othe wayicela kum ndokupha, kude kube kwisiqingatha sobukumkani bam. Iphumile ke yathi kunina, Ndicèle ntoni na? Wathi ke yena, Intloko kaYohane umbhaptizi. Yeza kungena kwaoko ngokungxama kuye ukumkani, yacela, isithi, Ndithanda ukuba undinike kalokunje ngesitya intloko kaYohane umbhaptizi. Waba buhlungu kakhulu ukumkani; noko, ngenxa yezifungo zakhe, nangenxa yabo babehleli ndawonye naye, akathandanga kuyilandulela. Uthe kwaoko ukumkani wasusa umsiki, wamthethela ngelithi, mayiziswe intloko yakhe. Wesuka waya ke lowo, wamnqumla intloko entolongweni. Wayizisa intloko yakhe ngesitya, wayinika intombazana leyo; yaza intombazana yayinika unina. Bekuvile oko abafundi bakhe, beza basithabatha isidumbu sakhe, basibeka engcwabeni.
UMARKO 6:1-29 IBHAYIBHILE (XHO96)
Wemka apho uYesu, wabuyela kowabo, elandelwa ngabafundi bakhe. Uthe ke, kwakuba *nguMhla woPhumlo, wafundisa *endlwini yesikhungo. Kwakukho abantu abaninzi apho, abathe, bakuva, bamangaliswa, besithi: “Lo uyithathe phi na yonke le nto? Bulumko buni na obu abunikiweyo ukuze enze imimangaliso elolu hlobo? Lo akanguye na umchweli, unyana kaMariya, umntakwabo-Yakobi noYose noJuda noSimon? Noodade wabo abakho na apha phakathi kwethu?” Ngenxa yale nto ke bambukula. Ke uYesu wathi kubo: “Kakade *umshumayeli uyayinikwa imbeko; kukowabo kuphela, kwizizalwana zakhe, ekhayeni lakhe, apho angayifumaniyo khona.” Wayengenako ke ukwenza namnye ummangaliso apho, ngaphandle kokuba abeke izandla kwimilwelwe embalwa, ayiphilise. Wayemangaliswa kukungakholwa kwabo. Wayejikeleza uYesu ezityhutyha iidolophana efundisa. Wababizela kuye abafundi abalishumi elinambini, waza wabathuma ngababini, ebanike igunya lokoyisa iindimoni. Wabayalela ukuba bangaphathi nto ngaphandle komsimelelo. Wayesithi mabangaphathi nangxowa, nasonka, namali embhinqweni; bathi noko banxibe izihlangu, kodwa bangaphathi zambatho zingazibini. Ngaphezu koko wathi kubo: “Kuloo ndlu nithe naya kungena kuyo, hlalani kuyo nide nimke kuloo dolophu. Ukuba nithe nafika endaweni apho sukuba ningàmkelwa khona, okanye ningàphulaphulwa nokuphulaphulwa oku, mkani apho, nivuthulule uthuli olusezinyaweni zenu, ukuze oko kube bubungqina bokuba abanamkelanga.” Baphuma ke, bashumayela besithi abantu mabaguquke. Bakhupha iindimoni ezininzi, bayithambisa ngeoyile imilwelwe emininzi, bayiphilisa. Wakuva ke oko ukumkani uHerode, kuba igama likaYesu lalithe laduma, kusithiwa: “UnguYohane umbhaptizi ovusiweyo kwabafileyo; kungoko ayenzayo le mimangaliso.” Abanye babesithi: “ÚnguEliya;” abanye besithi: “*Úngumshumayeli ofana nabashumayeli bamandulo.” Ekuvile ke oko uHerode, wathi: “Lo nguYohane, lowa ndamnqumla intloko. Naku evukile ngoku!” Kuba uHerode ngokwakhe wayethumele ukuba abanjwe uYohane, afakwe entolongweni. UHerode wakwenza oku ngenxa kaHerodiya awayethe wamzeka nangona angumka-Filipu, umninawe wakhe. Kaloku uYohane wayethe kuHerode: “Akuvumelekanga ukuba umthathe umfazi womntakwenu.” UHerodiya ke wamxhiba, wazungula ukumbulala. Kodwa wayengenako, kuba uHerode wayemoyika uYohane, emazi ukuba uyindoda elungileyo, engcwele, waza wambeka elugcinweni. UHerode wayethanda ukumphulaphula uYohane, nangona wayedideka kakhulu akumva. Lada ke lafika ithuba elihle kuHerodiya. Yayisisikhumbuzo sokuzalwa kukaHerode, waza wazenzela itheko izikhulu zakhe, neenjengele zakhe, namanene elaseGalili. Yangena ke intombi kaHerodiya, yangqungqa yamkholisa uHerode nabo babesethekweni kunye naye. Waza ukumkani wathi kwintombi leyo: “Cela nantoni na oyifunayo; ndokupha.” Wafunga esithi: “Into othe wayicela kum ndokupha, nokuba sisiqingatha sobukumkani bam.” Yaphuma ke intombi, yaya kunina, yathi: “Ndicelè ntoni, mama?” Wathi yena: “Cela intloko kaYohane umbhaptizi.” Kwangoko intombi leyo yaya kungena ngokungxama kukumkani, yacela isithi: “Ndifuna undinike intloko kaYohane umbhaptizi ngesitya ngoku.” Waba buhlungu kakhulu ukumkani, kodwa akabanga nakulandula, kuba wayefunge phambi kwabo bonke ababesethekweni. Kwangoko ke ukumkani wathuma umxhomi, emyalela ukuba azise intloko kaYohane. Waya ke, wamnqumla intloko entolongweni apho, waza wayizisa ngesitya intloko yakhe, wayinika intombi leyo; yaza yona yayinika unina. Bekuvile oko abafundi bakaYohane, beza basithatha isidumbu sakhe, baya kusingcwaba.
UMARKO 6:1-29 Contemporary Xhosa Bible 2024 (CXB24)
Ephumile ke apho, weza kwelakowabo; bamlandela ke abafundi bakhe. Kwathi kwakubakho isabatha, waqala ukufundisa endlwini yesikhungu; baza abaninzi, bakuva, bakhwankqiswa, besithi, Lo uzizuze phi na ezi zinto? Bubulumko buni na obu abunikiweyo, le nto nemisebenzi yamandla engaka yenziwe ngezandla zakhe? Lo akayiyo na ingcibi yokwakha, unyana kaMariya, umzalwana ke kaYakobi noYose noYuda noSimon? Noodade wabo abakho kuthi na apha? Baye bekhubeka kuye. Wathi ke uYesu kubo, Umprofeti akasweli mbeko, kungaba kukowabo, nakwizizalwana zakhe, nakokwabo. Wayengenako ukwenza namnye umsebenzi wamandla khona apho, kwakuphela ukubeka izandla phezu kwemilwelwe embalwa, wayiphilisa. Wamangaliswa kukungakholwa kwabo. Waye ejikeleza imizana, efundisa. Ubabizele kuye abalishumi elinababini, waqala ukubathuma ngababini, ngababini; ebanika igunya koomoya abangcolileyo; Wabathethela ngelithi, mabangaphathi nto yandlela, ibe ngumsimelelo wodwa; nangxowa yamphako, nasonka, namali enxilini; Banxibe iimbadada; ningambathi neengubo zangaphantsi ngambini. Wayesithi kubo, Apho nithe nangena endlwini, hlalani khona nide nimke kuloo ndawo. Abo sukuba benganamkeli, benganiva nokuniva, nakuphuma kuloo ndawo, vuthululani uthuli oluphantsi kweenyawo zenu, kube bubungqina oko kubo. Inene ndithi kuni, Koba nokunyamezeleka okweSodom neGomora ngomhla womgwebo, kunokwaloo mzi. Baphuma bavakalisa ukuba mabaguquke abantu. Bakhupha needemon ezininzi, bayithambisa ngeoli imilwelwe emininzi, beyiphilisa. Wakuva ukumkani uHerode; (kuba lalithe laduma igama lakhe;) wayesithi, Uvukile kwabafileyo uYohane umbhaptizi; ngenxa yoko le misebenzi yamandla iyenzeka ngaye. Baye abanye besithi, NguEliya; Babesithi ke abanye, Ngumprofeti, nokuba ufana nomnye wakubaprofeti. Ekuvile ke oko uHerode, wathi, Lo nguYohane, lowa ndamnqamla intloko mna; uvukile kwabafileyo. Kuba uHerode ngokwakhe wabethe wathuma, wambamba uYohane, wambopha entolongweni, ngenxa kaHerodiya, umfazi kaFilipu umninawa wakhe; kuba ebemzekile. Kuba wayesithi uYohane kuHerode, Akuvumelekile ukuba ube nomfazi womzalwana wakho. Ke kaloku uHerodiya waba nenqala ngakuye, wafuna ukumbulala; kodwa akabanga nako: kuba uHerode wayemoyika uYohane, emazi ukuba uyindoda elilungisa, engcwele, wayemgcinile; wayesithi ke akumva, enze iindawo ezininzi, amve kamnandi. Ke kaloku, kwakufika umhla owamlungelayo, uHerode ngemini yokuzalwa kwakhe wayebenzela isidlo izikhulu zakhe, namabamba akhe amakhulu, namagqala elaseGalili; yakubon’ ukuba ingene intombi kaHerodiya lowo, yangqungqa, yamkholisa uHerode nabo babehleli ndawonye naye. Wathi ukumkani kwintombazana leyo, Ndicele into osukuba uyithanda; ndokupha. Wayifungela ngelithi, Into othe wayicela kum ndokupha, kude kube kwisiqingatha sobukumkani bam. Iphumile ke yathi kunina, Ndicele ntoni na? Wathi ke yena, Intloko kaYohane umbhaptizi. Yena kungena kwaoko ngokungxama kuye ukumkani, yacela, isithi, Ndithanda ukuba undinike kalokunje ngesitya intloko kaYohane umbhaptizi. Ukumkani waba buhlungu kakhulu; noko, ngenxa yesifungo sakhe, nangenxa yabo babehleli ndawonye naye, akathandanga kuyilandulela. Ukumkani ke wasusa umsiki, wamthethela ngelithi, mayiziswe intloko yakhe. Wayizisa intloko yakhe ngesitya, wayinika intombazana leyo; yaza intombazana yayinika unina. Bekuvile oko abafundi bakhe, beza basithabatha isidumbu sakhe, basibeka engcwabeni.
UMARKO 6:1-29 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Kekaloku wapuma apo, weza emzini wakowabo; bamlandela ke abadisipile bake. Kwati kwakufika isabata, waqala ukufundisa endlwini yentlanganiso: baza abaninzi bakuva bamangaliswa, besiti: Uzuze pina lo ezizinto? kanjalo bubulumko obunina anikwe bona, ukuba nezizenzo zamandla ezingaka zenziwa ngezandla zake? lo asi nguye na oyincibi yemiti, unyana ka‐Mariya, umzalwana ka‐Yakobi, no‐Jose, no‐Jude, no‐Simone? abako na nodade bake apa kuti? Baza baxakaniswa ngaye. Kuloko wabesiti kubo u‐Yesu: Umprofite akangongenakubekwa, kupela ungonjalo emzini wakowabo, nasezalamaneni zake, nasendlwini yake. Waza wakohlwa ukwenza izenzo zamandla kona apo; kwapela wabeka izandla pezu kwento encinane yabafayo, wabapilisa. Wakutela nqa ke ukungakolwa kwabo. WATI kekaloku wajikajikela imizi epahlayo, efundisa. Waza wababiza abalishumi linababini, waqala ukubatuma ngababini ngababini, wabanika igunya pezu kwomoya abanco̔lileyo, wabayalela, ukuba bangapati nto ibe yeyendlela, kupela ibe yintonga yodwa; bangapati inxowa, nesonka, nemali embinqweni; koko mabafakwe izihlangu; ize bangambati ingubo ezimbini. Wayesiti kubo: Apo nisukuba ningena kona endlwini, hlalani apo nide nimke kona. Nabasukuba benganamkeli nina, bengaweva namazwi enu, niti nakupuma kona, nivutulule utuli olupantsi kwenyawo zenu, kube sisinqi̔no kubo. Ngokwenene nditi kuni: Kwonyamezelekela i‐Sodome ne‐Gomora ngomhla womgwebo, ngapezu kwesosixeko. Baza bemka, bashumayela ukuba mabaguquke abantu. Bati kanjalo baku̔pa idemoni ezininzi, babatambisa ngeoli abaninzi ababesifa, babapilisa. Waza ukumkani u‐Herodi weva ngaye, (ngokuba igama lake libe lazekile,) wati: u‐Johane umbapitizeshi uvukile ekufeni; kungako oku ezizenzo zamandla zisebenzeka kuye. Bati abanye: Ngu‐Elija; bati nabanye: Ngumprofite, umhlaumbi ngonjengomnye wabaprofite. Kodwa akuva u‐Herodi, wati: Lo unguye u‐Johane, endandimnqumla intloko; uvukile yena ekufeni. Ngokuba ebete u‐Herodi ngokwake watuma wambamba u‐Johane, wamnxiba entolongweni, ngenxa ka‐Herodiya, umfazi ka‐Filipi umninawe wake, ukuba ebemzekile. Ngokuba u‐Johane ebesiti ku‐Herodi: Akufanelekile kuwe ukuba ube nomfazi womninawe wako. Waza u‐Herodiya wanenzondo ngakuye, wafuna ukumbulala; kanti ebekohliwe: ngokuba u‐Herodi ebemoyika u‐Johane, emazi ukuba uyindoda elungileyo nengcwele, wamgcina ke; wati akumva, wenza izinto ezininzi, wamva ngokuvuya. Kwaza kwati kwakufika imini efanelekileyo, xeshekweni u‐Herodi ngomhla wokuzalwa kwake wabenzela isidlo imiduna yake, nenkosiwaka, nabakulu base‐Galili; yakuti kanjalo yangena intombi ka‐Herodiya lowo, yaduda, yamkolisa u‐Herodi nabo babehleli ekutyeni ndawonye naye, wati ukumkani kuyo intombazana leyo: Cela kum into usukuba utanda ukuyicela, ndandiya kuyinika kuwe. Waza wayifungela ngokuti: Into usukuba uyicela kum, ndokunika yona, kude kube sisiqingata sobukumkani bam. Yapuma ke yati kunina: Ndocela nto nina? Wayesiti: Intloko ka‐Johane umbapitizeshi. Yaza yaselingena ngobunxamo kukumkani, yacela, isiti: Nditanda ukuba undinike kwa ngoku pezu kwesikotile intloko ka‐Johane umbaptizeshi. Waba lusizi kakulu ke ukumkani lowo; kodwa, ngenxa yesifungo sake nabo babehleli ekutyeni ndawonye naye, akatanda ukuyibandeza. Waza ukumkani waseletuma umvaṙashi, wayalela ukuba kuziswe intloko yake. Wapuma ke waya wamnqumla intloko entolongweni apo, wayizisa intloko yake pezu kwesikotile, wayinika kwintombazana leyo; yaza intombazana yayinika kunina. Bati bakuva abadisipile bake, beza basusa isidumbu sake, basibeka encw̔abeni.