KAYOHANE I 3:1-24
KAYOHANE I 3:1-24 IZIBHALO EZINGCWELE (XHO75)
Bonani uthando olungaka asenzele lona uYise, olu lokuba sibizwe ngokuba singabantwana bakaThixo. Ngenxa yoko ihlabathi alisazi thina, ngokuba lingamazanga yena. Zintanda, ngoku singabantwana bakaThixo. Akukabonakali ke into esiya kuba yiyo; ke siyazi ukuba, xa athe wabonakala, sofana naye; ngokuba siya kumbona njengoko anjalo. Bonke ábanalo eli themba kuye, bazenza nyulu, njengokuba yena enyulu. Bonke abasenzayo isono benza okuchasene nomthetho; sona isono sikukuchasana nomthetho. Niyazi ke ukuba yena wabonakaliswa, ukuze azithwale azisuse izono zethu; kananjalo akukho sono kuye. Bonke abahlala kuye àboni; bonke abonáyo abambonanga, abamazanga nokumazi. Bantwanana, makungabikho namnye unikhohlisayo; lowo ubenzayo ubulungisa lilungisa, njengokuba yena elilungisa. Lowo usenzayo isono ungokaMtyholi; ngokuba uMtyholi woné kwasekuqalekeni. Wabonakaliselwa oku uNyana kaThixo, ukuze ayichithe imisebenzi kaMtyholi. Bonke abazelwe nguThixo abenzi sono, ngokuba imbewu yakhe ihleli kubo; kananjalo abanakona, ngokuba bezelwe nguThixo. Babonakala ngaloo nto abantwana bakaThixo, nabantwana bakaMtyholi. Bonke abangenzi bulungisa àbangabakaThixo, nalowo ungamthandiyo umzalwana wakhe. Ngokuba le yintshumayelo enayivayo kwasekuqalekeni, ukuba sithandane; singabi njengoKayin, obengowongendawo, wambulala umninawa wakhe. Wambulalelani na? Ngokuba imisebenzi yakhe ibingendawo, ke yona eyomninawa wakhe ibinobulungisa. Musani ukumangaliswa, bazalwana bam, ukuba ihlabathi linithiyile. Thina siyazi ukuba sidlule ekufeni, sangena ebomini, ngokuba sibathanda abazalwana. Lowo ungamthandiyo umzalwana uhleli ekufeni. Lowo umthiyileyo umzalwana wakhe usisibulala-mntu; niyazi ukuba akukho sibulala-mntu sinobomi bungunaphakade buhleliyo kuso. Ngale nto silwazile uthando, kuba yena wasincamela ubomi bakhe; nathi ke sifanele ukubancamela abazalwana ubomi bethu. Osukuba ke enayo impilo yeli hlabathi, aze ambone umzalwana wakhe eswele, azivalele iimfesane zakhe kuye, luthini na ukuhlala uthando lukaThixo ngaphakathi kwakhe? Bantwanana bam, masingathandi ngazwi nangamlomo; masithande ngezenzo nangenyaniso. Siyazi ngale nto ke ukuba singabenyaniso; siya kuzileleza iintliziyo zethu phambi kwakhe. Ngokuba ukuba intliziyo yethu iyasigweba, uThixo mkhulu kunentliziyo yethu, ezazi izinto zonke. Zintanda, ukuba intliziyo yethu ayisigwebi, sinokungafihlisi kuye uThixo; nesithi sikucele siyakwamkela kuye, ngokuba imithetho yakhe siyigcina, sizenze izinto ezikholekileyo emehlweni akhe. Nguwo lo umthetho wakhe, ukuba sikholwe ligama lonyana wakhe, uYesu Kristu, sithandane njengoko wasiwiselayo umthetho. Lowo uyigcinayo imithetho yakhe uhleli kuye, naye uhleli kulowo. Sazi ngale nto ke, ukuba uhleli kuthi ngoMoya lo wasinikayo.
KAYOHANE I 3:1-24 IBHAYIBHILE (XHO96)
Hayi ubukhulu bothando lukaThixo uYise kuthi! Uthando lwakhe lukhulu kangangokuba ude athi uThixo singabantwana bakhe. Kambe ke singabo ngenene. Yiyo loo nto lingasiqondi nje ihlabathi; noThixo kaloku alimazi. Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu. Umntu owenza isono waphula umthetho kaThixo. Isono kaloku kukwaphula umthetho. Niyazi kaloku ukuba uKrestu weza kucamagushela isono; ibe ke akanasono yena. Ngoko ke lowo umanyene noKrestu uyazilumla esonweni. Lowo ungazilumliyo esonweni akakamboni uKrestu, engazani nokwazana naye. Musan' ukulahlekiswa, bantwana bam: Ngumntu olungisayo olilungisa, kanye njengoko noKrestu elilo. Umntu ongumoni ufuze uSathana, yena wonayo kwasekuqaleni. UNyana kaThixo ke wezela kanye into yokuba abhangise umsebenzi kaSathana. Lowo ke ungumntwana kaThixo akoni rhoqo. Kaloku uzelwe nguThixo yena. Umntwana kaThixo kaloku akanakuhlalela ukona. Nguwo lo ke umahluko phakathi kwabantwana bakaThixo nabakaSathana: Umntu ongenzi okulungileyo nongawathandiyo amanye amakholwa, asingomntwana kaThixo. Kaloku sanikwa lo myalelo wokuba sithandane kwasekuqaleni. Masingafani noKayen ke owafuza umtyholi wagwinta umntakwabo. Kwakutheni ukuze amgwinte umntwakwabo? Kwakungenxa yokuba izenzo zikaKayen zazigwenxa, kodwa ezomntakwabo zazilungile. Bahlobo bam, sanukumangaliswa xa abantu beli hlabathi benithiyile. Kaloku thina siphumile ekufeni sangena ebomini. Loo nto ke icaciswa kukuba siyawathanda amawethu. Umntu ongenalo uthando usantyumpantyumpeka ekufeni. Nabani na ke omthiyileyo uwabo sisigwinta, ibe ke niyazi ukuba akukho sigwinta sinabo ubomi obungunaphakade. Inkqu yothando siyibona kule nto yokuba uKrestu anikele ubomi bakhe ngenxa yethu. Ngokunjalo ke nathi sifanele ukuba sibunikele ubomi bethu ngenxa yamawethu. Ukuba umntu omi kakuhle ngezinto zobu bomi ubona uwabo eswele, aze amvimbe into engamncedayo, angatsho njani loo mntu ukuba unalo uthando lukaThixo entliziyweni yakhe? Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo. Nantso ke into ebonakalisa ukuba singabenyaniso, yaye asinasazela phambi koThixo. Kanti ke, nokuba siyalahlwa sisazela sethu, yena uThixo osaziyo ngokupheleleyo, unenceba kunesazela sethu. Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe. Umyalelo wakhe uthi masizinikele kwigama loNyana wakhe uYesu Krestu, sithandane nanjengokuba wasiyalelayo. Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.
KAYOHANE I 3:1-24 Contemporary Xhosa Bible 2024 (CXB24)
Bonani uthando olungaka asenzele lona uYise, olu lokuba sibizwe ngokuba singabantwana bakaThixo. Ngenxa yoko ihlabathi alisazi thina, ngokuba lingamazanga yena. Zintanda, ngoku singabantwana bakaThixo. Akukabonakali ke into esiya kuba yiyo; ke siyazi ukuba, xa athe wabonakala, sofana naye; ngokuba siya kumbona njengoko anjalo. Bonke abanalo eli themba kuye, bazenza nyulu, njengokuba yena enyulu. Bonke abasenzayo isono benza okuchasene nomthetho, kuba isono sikukwaphula umthetho. Niyazi ke ukuba yena wabonakaliswa, ukuze azithwale azisuse izono zethu; kananjalo akukho sono kuye. Bonke abahlala kuye aboni; bonke abonayo abambonanga, abamazi nokumazi. Bantwanana, makungabikho namnye unikhohlisayo; lowo ubenzayo ubulungisa lilungisa, njengokuba yena elilungisa. Lowo usenzayo isono ungokaMtyholi; ngokuba uMtyholi wona kwasekuqalekeni. Wabonakaliselwa oku uNyana kaThixo, ukuze ayichithe imisebenzi kaMtyholi. Bonke abazelwe nguThixo abenzi sono; ngokuba imbewu yakhe ihleli kuye; kanjalo akanakona, ngokuba ezelwe nguThixo. Babonakala ngaloo nto abantwana bakaThixo, nabantwana bakaMtyholi. Bonke abangenzi bulungisa abangabakaThixo, nalowo ungamthandiyo umzalwana wakhe. Ngokuba le yintshumayelo enayivayo kwasekuqalekeni, ukuba sithandane; singabi njengoKayin, obengowongendawo, wambulala umninawa wakhe. Yini na ukuba ambulale? Ngokuba eyakhe imisebenzi ibingendawo, ke yona eyomninawa ibinobulungisa. Musani ukumangaliswa, bazalwana bam, ukuba ihlabathi linithiyile. Siyazi ke ukuba sidlule ekufeni, sangena ebomini, ngokuba sibathanda abazalwana. Lowo ungamthandiyo umzalwana uhleli ekufeni. Lowo umthiyileyo umzalwana wakhe usisibulala-mntu; niyazi ukuba akukho sibulala-mntu sinobomi bungunaphakade buhleliyo kuso. Ngale nto silwazile uthando, kuba yena wasincamela ubomi bakhe; nathi ke sifanele ukubancamela abazalwana ubomi bethu. Osukuba ke enayo impilo yeli hlabathi, aze ambone umzalwana wakhe eswele, azivalele iimfesane zakhe kuye, luthini na ukuhlala uthando lukaThixo ngaphakathi kwakhe? Bantwanana bam, masingathandi ngazwi nangamlomo; kodwa ngezenzo nangenyaniso. Siyazi ngale nto ke ukuba singabenyaniso; siya kuzileleza iintliziyo zethu phambi kwakhe. Kaloku ukuba intliziyo yethu iyasigweba, uThixo mkhulu kunentliziyo yethu, ezazi izinto zonke. Zintanda, ukuba intliziyo yethu ayisigwebi, sinokungafihlisi kuye uThixo; nesithi sikucele siyakwamkela kuye, ngokuba imithetho yakhe siyigcina, sizenze izinto ezikholekileyo emehlweni akhe. Nguwo lo umthetho wakhe, ukuba sikholwe ligama lonyana wakhe, uYesu Kristu, sithandane njengoko wasiwiselayo umthetho. Lowo uyigcinayo imithetho yakhe uhleli kuye, naye uhleli kuye. Sazi ngale nto ke, ukuba uhleli kuthi ngoMoya lo wasinikayo.
KAYOHANE I 3:1-24 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Bonani utando olungakanana asinikile lona UYISE, lwokuba sibizwe ngabalusapo LUKATIXO! Ngenxa yoku ilizwe alisiqondi, ukuba belingamqondanga yena. Batandwa! kaloku silusapo LUKATIXO, kanti akukabonakaliswanga into esiya kuba yiyo: kodwa siyazi ukuba, xeshekweni abonakaliswayo, soba sifana naye; kuba siya kumbona njengokuba enjalo. Nosukuba enalo itemba eli pezu kwake, yena uyazicokisa, njengokuba yena lowo ecokisekile. Osukuba esenza isono, uyakwenza nokugqita umteto; ewe isono sikuko ukugqita umteto. Kanjalo niyazi ukuba yena lowo wabonakaliswa, ukuze izono zetu azisuse; nokuba akuko sono kuye. Osukuba ehlala kuye akoni: osukuba esona, akambonanga, akamazanga kanjalo. Lusatshana! makungabiko onikohlisayo: owenza ubulungisa ulungile, njengokuba yena lowo elungile. Owenza isono ungowakuye u‐Satane; kuba u‐Satane esona kwa sekuqaleni. Wabonakaliselwa kwa oku unyana KATIXO, ukuba ayici̔te imisebenzi ka‐Satane. Osukuba ezelwe NGUTIXO akenzi sono, kuba imbewu yake ihlala kuye; akangone ke, kuba ezelwe NGUTIXO. Ngako oku bayabonakala abalusapo LUKATIXO nabalusapo luka‐Satane: osukuba engenzi ubulungisa akangowakuye UTIXO, kwa nalowo ungamtandiyo umzalwana wake. Ngokuba siso esi isishumayelo enasivayo kwa sekuqaleni, sokuba sitandane. Singabi njengaye u‐Kayine, obengowakuye okohlakeleyo, wambulala umninawe wake. Wambulala ngenxa yanina ke? Ngokuba imisebenzi yake ibikohlakele, kodwa eyomninawe wake ibilungile. Ningati nqa, bazalwana bam! ukuba ilizwe liyanitiya. Siyazi tina ukuba sipumile ekufeni sangena ebomini, kuba sitanda bona abazalwana: lowo ungamtandiyo umzalwana wake uyahlala ekufeni. Osukuba emtiya umzalwana wake unguye umbulali: niyazi ke ukuba akuko mbulali onabo ubomi obungunapakade buhlala kuye. Ngako oku siyaluqonda utando, ukuba yena lowo wabeka pantsi ubomi bake ngenxa yetu: nati ke sifanelwe kukubeka pantsi ubomi betu ngenxa yabo abazalwana. Kodwa yena osukuba enayo imfuyo yelilizwe, ati umzalwana wake ambone esekusweleni, amvalele umbilini wake, luti nina utando LUKATIXO ukuhlala kuye? Lusatshana lwam! ukutanda kwetu makungabi ngelizwi nangolwimi, makube ngesenzo nangenyaniso. Kwa ngako oku siyazi ukuba singabakuyo inyaniso, nokuba siya kuncami sa intliziyo zetu pambi kwake. Ngokuba xeshekweni intliziyo yetu isigwebayo, UTIXO umkulu kuyo intliziyo yetu, uyazazi zonke izinto kanjalo. Batandwa! xeshekweni intliziyo yetu ingasigwebiyo, sinalo ukalipo ngakuye UTIXO: nako oko sisukuba sikucela, siyakwamkela kuye, ngokuba imiyalelo yake siyigcina, nezinto ezikolekileyo ebusweni bake sizenza. Nguwo ke lo umyalelo wake, wokokuba sikolwe egameni lonyana wake u‐Yesu Kristu, nokuba sitandane, njengokuba wasinikayo umyalelo. Nalowo uyigcinayo imiyalelo yake uyahlala kuye, naye yena uyahlala kuye. Kwa ngako oku siyazi ukuba uyahlala kuti, ngo KWOMOYA asinikileyo.
