MATIUS 19
19
Passipelakang
19:1-12
(Mark. 10:1-12)
1Sungka'i maemmo lapau injo Isa, Ia a'lampamu battu ri Galilea na ambattui ri tana Yudea ha'leanna Balang Yordan. 2Lohe tau a'rurung-rurung minahang ri Ia na Ia lapakagassing ngase'i. 3Jari rie'mo tau Farisi mange ri Isa laassare passo'ri ri Ia. Akkuta'nangi, ”Apa ripakkulleangi se're inni bura'ne lapela' bahinenna manna apa jua saba'na?” 4#Kej. 1:27, 5:2Appihali Isa, ”Gelepai muisse' ma'nassana Ia appaa'jari rupatau minang ripakaramulana a'bua' tau bura'ne surang bahine? 5#Kej. 2:24Ia pole appau: Injomo saba'na tau bura'ne inni labokoi ammanna surang idonna na asse'rei surang bahinenna, sa'genna tau rua injo a'jarimu se're batangkale. 6Ri appakonjona iyai gelemo rua, mingka se're. Injomo saba'na, apa numaeng lapasse're Allataala gelei akkulle lapassipelakang rupatau.” 7#Ul. 24:1-4; Mat. 5:31Lakuamo mange ri Ia, ”Ampa appakonjo, apa pade' saba'na Musa lapassuroangi laassare sura' talla' ampa rie' bura'ne lapela' bahinenna?” 8Lakua Isa mange ri iyai, ”Kanara terasa'na atimu jari Musa lapa'biangiko mupela' bahinemmu, mingka minang ripakaramulana gelei appakonjo. 9#Mat. 5:32; Luk. 16:18; 1 Kor. 7:10-11Mingka Nakke appau ri kaui: Inai jua lapela' bahinenna, passangadinna rikanara sangkili, maeng injo a'bahine tau maraeng, ia assangkili todo'i.” 10Akkuta'nangi ana'-ana' gurung injo mange ri Ia, ”Ampa appakonjo passala'na pakkalabinianna se're inni bura'ne surang bahine, la'bi bajikangi andamuki akkalabini.” 11Mingka appaui Isa mange ri iyai, ”Gele iangase'na tau akkulle lapahang pau injo, iyai jua tau risare injo pangisse'. 12Rie' tau gele akkulle akkalabini saba' rilassukang appakonjo battu ri pompong idonna, na rie' tau ripaa'jari appakonjo ri tau maraeng, na rie' todo' lapakaappakonjo kalenna kanara Pakkaraengang Suruga. Inai rie' pappahanna parallui lapipahangi.”
Isa ambarakkaki ana'-ana'
19:13-15
(Mark. 10:13-16; Luk. 18:15-17)
13Maeng injo rie'mo tau ngerang ana'-ana' ki'di' mange ri Isa, solanna Ia lapatompang limanNa rateang ulunnai na lapangera dowaangi; mingka ana'-ana' gurunNa kuku'i ri tau lohe injo. 14Mingka appaui Isa, ”Lappasangi ana'-ana' intu, akolalo ampang-ampangi battu mae ri Nakke; saba' tau assimpole injo intu laampunnai Pakkaraengang Suruga.” 15Maeng injo lapatompammu limanNa rateang ulunnai na menna injo Ia a'lampai battu ri injo.
Taruna kalumannyang
19:16-26
(Mark. 10:17-27; Luk. 18:18-27)
16Rie' se're tau taruna mange ri Isa, na akkuta'nangi, ”Guru, panggeokang baji' anteeang parallu kugeokang lakuuppai tallasa mannannungang?” 17Appihali Isa, ”Apa saba'na kau akkuta'nang mae ri Nakke passala anteeang nubaji'? Se're jua nubaji'. Mingka ampa kau a'ra' antama' lalang ritallasa mannannungang, turukilalo sikonjo parentana Allataala.” 18#Kel. 20:13-16; Ul. 5:17-20Lakua tau injo mange ri Isa: ”Parenta anteeang?” Appaui Isa, ”Ako muno, ako assangkili, ako a'lukka', ako a'jari sa'bi bura, 19#Kel. 20:12; Im. 19:18; Ul. 5:16pakala'biri ammammu surang idommu na kamaseanglaloi parammu rupatau assimpole mukamaseanna kalemmu.” 20Lakuamo taruna injo mange ri Ia, ”Iangase'na injo maemmu kugeokang, makala rie' juapa pole nuparallu?” 21Appaui Isa mange ri ia, ”Ampa kau a'ra' sangka', a'lampako, balukangi iangase'na pa'barang-barangammu na pa'dahu-dahuangi injo mange ri tau kaasi-asi, jari nguppako pa'barang-barangang ri Suruga, maeng injo battuko mae na minahangko ri Nakke.” 22Rilalangngere'na pau injo, a'lampai taruna injo lalang risimpung pa'mai', saba' lohe pa'barang-baranganna.
23Appaui Isa mange ri ana'-ana' gurunNa, ”Sitoje'na Nakke appau mange ri kaui, sanna' sukkara'na tau kalumannyang inni laantama' ri Pakkaraengang Suruga. 24Sikalipa pole Nakke appau mange ri kaui, la'bi lo'morangi sikaju unta antama' ri balo jarung nala se're tau kalumannyang antama' ri Pakkaraengang Allataala.” 25Hattu lalangngere'na ana'-ana' gurung injo, sanna' takkajanna'na na lakua, ”Ampa appakonjo, inaimo laakkulle ripakasalama'?” 26Latangara ngase'i Isa na appaui, ”Mange ri rupatau passala inni gelei ma'ring, mingka ri Allataala tide' nugele ma'ring.”
Passahalang minahang ri Isa
19:27-30
(Mark. 10:28-31; Luk. 18:28-30)
27Maeng injo appaui Petrus mange ri Isa, ”Kambe inni maeng tabokoimu iangase'na na minahangkang ri Kau; jari apamo latauppa?” 28#Mat. 25:31; Luk. 22:30Appaui Isa mange ri iyai, ”Sitoje'na Nakke appau mange ri kaui, rihattu riappaa'jari injo muliang, ampa Ana' Rupatau attolong ri kadera kala'biranNa, kau, tuminahang injo ri Nakke, laattolong todo' rate risampulorua kadera langadeli mange risampulorua pappinangkakang ri Israele. 29Sikuanna tau ripassabakang ArengKu, labokoi saponna, urang siana' bura'nena iyareka urang siana' bahinena, iyareka ammanna iyareka idonna, iyareka ana'-ana'na iyareka kokonna, lalatarimai muliang sallo' a'lappi sibilangang na languppai tallasa mannannungang.
30 #
Mat. 20:16; Luk. 13:30 Mingka lohe tau kaminang riolo laa'jari kaminang riboko, na tau kaminang riboko injo laa'jari kaminang riolo.”
Currently Selected:
MATIUS 19: LAI_SLY
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
@LAI 2012 Indonesian Bible Society (Lembaga Alkitab Indonesia)