uIsaya 54:4-8

Musani ukoyika; ngokuba aniyi kudana, aniyi kuma; kuba uya kulilibala ihlazo lobutsha bakho yaye akuyi kuba salikhumbula ihlazo lobuhlolokazi bakho. Ngokuba indoda yakho nguMenzi wakho; NguYehova wemikhosi igama lakhe; noMkhululi wakho, oyiNgcwele kaSirayeli; Uya kubizwa ngokuba nguThixo wehlabathi lonke. Ngenxa yokuba uYehova ukubize njengomfazi oshiyiweyo nomphefumlo onentlungu, nanjengebhinqa eliselula xa elahliwe, utsho uThixo wakho. Ndakushiya umzuzwana omncinane; ndiya kukubutha ngemfesane enkulu. Ngomkhukula woburhalarhume ndabusithelisa ubuso bam kuwe okwephanyazo; ndiya kuba nemfesane kuwe ngenceba engunaphakade; utsho uMkhululi wakho uYehova.