Ivangeli ka‐Maraki 2:1-17

WATI kekaloku, nxa sekuntsuku, wabuya wangena e‐Kapenayume; kwaye kuvakala ke ukuba usendlwini. Kwaza kwasekuhlanganisana abaninzi, zada azabi senakubamkela nendawo zangaselucangweni: wayeliteta kubo ilizwi ke. Kekaloku beza kuye bezisa umntu onesifo sokushwabanisa, etwelwe sisine samadoda. Baza bati, bekohliwe kusondela kuye ngenxa yesihlwele, banqika isifulelo apo ebekona, bati bakuba bebegqobozile, bahlisa uku̔ko wabelele kulo onesifo sokushwabanisa. Wabona ke u‐Yesu ukolo lwabo, wati konesifo sokushwabanisa: Nyanandini! uxolelwe izono zako. Kwaye kuko ababa̔li abatile behleli kona, becamanga ezintliziyweni zabo, ngokuti: Yinina ukuba lo enje njalo ukuziteta ingxeko? ngubanina ongazixolelayo izono, kupela mnye e NGUTIXO? Waselenakana u‐Yesu emoyeni wake, ukuba bacamanga njalo pakati kwabo, wati kubo: Nizicamangela nina ezizinto ezintliziyweni zenu? okona kulula kukupina; ukuti konesifo sokushwabanisa: Uxolelwe izono zako; ukuti: Suka, upate uku̔ko lwako, uhambe; kusinina? kodwa ukuze nazi ukuba unyana wesintu onegunya emhlabeni ukuxolela izono, (wati konesifo sokushwabanisa:) nditi kuwe: Suka, upate uku̔ko lwako, uye endlwini yako. Waselesuka ke, walupata uku̔ko, wapuma ebusweni babo bonke; bada bamangaliswa bonke, bamdumisa UTIXO, besiti: Asizanga sibone okunje. WAZA wapuma wabuya waya ngaselwandle; sati sonke isihlwele seza kuye, wabafundisa ke. Waza edlula nje wabona u‐Levi, unyana ka‐Alefeyu, ehleli endaweni yokwamkela iminikelo, wati kuye: Ndilandele. Wesuka ke, wamlandela. Kwaza kwati, akuhlala pantsi endlwini yake, kwahlala nento eninzi yababuti beminikelo naboni ekutyeni ndawonye no‐Yesu nabadisipile bake: ngokuba bebebaninzi, bamlandela ke. Baza ababa̔li nabafarisi, bakumbona esitya kunye nababuti beminikelo naboni, bati kubadisipile bake: Yinina ukuba atye asele kunye nababuti beminikelo naboni? Waza u‐Yesu evile nje wati kubo: Abomeleleyo abasweli gqir̔a; ngabafayo abalisweleyo. Andeza ukubiza abalungileyo, koko ndize ukubiza aboni baguquke.