Eyokuqala ka‐Samyali 26
26
1KEKALOKU aba‐Zifi beza ku‐Saule e‐Gibeha, besiti: u‐Davide akazimeli na endulini ye‐Hakila, ngapambi kwobala? 2Waselesuka u‐Saule, wehla waya entlango yase‐Zifi, enaye amadoda anyuliweyo akwa‐Sirayeli angamawaka matatu, ukumfuna u‐Davide entlango yase‐Zifi. 3Waza u‐Saule wati waca endulini ye‐Hakila, engapambi kwobala, ngasendleleni: kodwa u‐Davide wahlala entlango, wabona ukuba u‐Saule uze emva kwake ngasentlango. 4Ngako u‐Davide watuma intlola, wazi ukuba u‐Saule selezile ngenyaniso.
5Wesuka ke u‐Davide, weza kulondawo apo u‐Saule abete waca kona: waza u‐Davide wabona indawo apo u‐Saule ebelele kona, no‐Abenere unyana ka‐Nere, inkosi yomkosi wake: kekaloku u‐Saule ebelele pakati kwodonga lwenqwelo, bati abantu bati waca ngokumngqonga. 6Wandula wateta u‐Davide, wati ku‐Ahimeleki um‐Hete, naku‐Abishai unyana ka‐Tseruya, umninawe ka‐Jowabi, esiti: Ngubanina oya kuhla nam ukuya ku‐Saule emnqubeni? Waza u‐Abishai wati: Mna ndiya kuhla nawe. 7Kwa njalo u‐Davide no‐Abishai beza ebantwini ebusuku; kekaloku nanku u‐Saule elele ubutongo pakati kwodonga lwenqwelo, nentshuntshe yake igxunyekiwe emhlabeni ngasentlokweni yake; kodwa u‐Abenere nabantu bebelele ngokumngqonga. 8Wandula u‐Abishai wati ku‐Davide: Utixo uluyekelele namhla utshaba lwako esandleni sako; ngako kaloku, makendimbetele ngentshuntshe emhlabeni kube kanye, ndandingayi kumpindela. 9Waza u‐Davide wati ku‐Abishai: Ungamtshabalalisi: ngokuba ngubanina ongolulayo isandla sake ngakuye umtanjiswa kayehova, aze angabi natyala? 10Wabuya wati u‐Davide: Njengokuba uyehova ehleli, nguyehova oya kumbeta; umhlaumbi umhla wake uya kuza ukuba afe, umhlaumbi uya kuhlela ekulweni, andule abube: 11ubunzima mabube kum buvela kuyehova, ukuba ndiyasolula isandla sam ngakuye umtanjiswa kayehova! Kodwa ngoku kaususe intshuntshe engasentlokweni yake, negubu lamanzi, sihambe ke. 12Waye u‐Davide wasusa intshuntshe negubu lamanzi endaweni yentloko ka‐Saule; baza bemka ke: kwaye kungeko namnye obebona, nobesazi, nobevuka; ngokuba bona bonke bebelele butongo, ngokuba ubutongo obukulu bukayehova bebuwile pezu kwabo.
13Wandula u‐Davide wawela waya pesheya, wema pezu kwococoyi lwentaba, ekude; umgama omkulu upakati kwabo. 14Waza u‐Davide wabiza kubo abantu, nakuye u‐Abenere unyana ka‐Nere, esiti: Akupenduli na, Abenere? Wasuka wapendula u‐Abenere, wati: Ungubanina wena obizayo kukumkani? 15Wayesiti u‐Davide ku‐Abenere: Akuyindoda na? ngubanina nofana nawe kwa‐Sirayeli? yinina ke ukuba akuyilindanga inkosi yako ukumkani? ngokuba bekungena omnye wabantu ukuza kutshabalalisa ukumkani inkosi yako. 16Ayilungile lento uyenzileyo. Ehleli nje uyehova, nifanelwe kukufa, ngokokuba ningayilindanga inkosi yenu, umtanjiswa kayehova. Nakaloku, kangela ipina intshuntshe yokumkani, negubu lamanzi elibe lingasentlokweni yake.
17Waza u‐Saule walazi ilizwi lika‐Davide, wati: Eli lilizwi lako na, nyana wam Davide? Wayesiti u‐Davide: Lilizwi lam, nkosi yam, kumkani! 18Wati kanjalo: Kunganina ukuba inkosi yam yenje nje ukuputuma isicaka sayo? ngokuba iyinto nina endiyenzileyo? yiyipina inkohlakalo esesandleni sam? 19Ngako kaloku maiti inkosi yam ukumkani ike ive amazwi esicaka sayo. Ukuba nguyehova okuvusileyo ngakum, makasezele irumba lomnikelo wokudla: kodwa ukuba ngabo onyana babantu, mabaqalekiswe bona pambi kwoyehova; ngokuba bendigxotile namhla ukuba ndingazibandakanyeli kwilifa likayehova, besiti: Hamba, ukonze otixo bambi. 20Ngako kaloku, malingawi igazi lam ngasemhlabeni pambi kwobuso bukayehova: ngokuba ukumkani wo‐Sirayeli epumile ukufuna intakumba inye, njengokuba kuzingelwa isikwatsha ezintabeni.
21Wandula wati u‐Saule: Ndonile; buya, nyana wam Davide! ngokuba ndingasayi kukupata kakubi, ngenxa yokuba umpefumlo wam ubunqabile emehlweni ako namhla nje: bona ke, ndenzile ngobudenge, ndiposisile ngokuninzi kakulu. 22Waza u‐Davide wapendula wati: Nantsi intshuntshe yokumkani: makake omnye wabafana awele, ayitabate. 23Wanga uyehova angabuyisela kubo bonke ngabanye ubulungisa babo nenyaniso yabo: ngokuba uyehova ebekunikele namhla esandleni sam, kodwa bendingavumi ukwolula isandla sam ngakuye umtanjiswa kayehova. 24Kanjako bona ke, njengokuba umpefumlo wako ubusenziwa mkulu namhla nje emehlweni am, kwa njalo mawenziwe mkulu umpefumlo wam emehlweni kayehova, ade andisindise kubo bonke ubunzima. 25Wandula u‐Saule wati ku‐Davide: Mautanyusanqelwe wena, nyana wam Davide! uya kukwenza kakulu ke, uya kumana ukweyisa kanjalo. Waza u‐Davide wahamba ngendlela yake, no‐Saule wabuyela endaweni yake.
Currently Selected:
Eyokuqala ka‐Samyali 26: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.