Eyokuqala ka‐Samyali 25
25
1WADA wafa u‐Samyali; baza bahlanganiswa o‐Sirayeli bonke, bamlilela, bamncw̔aba endlwini yake e‐Rama.
Wemka u‐Davide, wehla waya entlango ye‐Parane. 2Kwabekuko indoda e‐Mahone, emfuyo yayo yabise‐Karamele; kanjalo indoda leyo ibinkulu kunene; ibinegusha ezingamawaka matatu, nebokwe eziliwaka linye: yabisekucebeni igusha zayo e‐Karamele. 3Igama lalondoda lalingu‐Nabali; negama lomfazi wayo lalingu‐Abigali; yena ebengumfazi ongqondo ilungileyo, nosimilo sihle; kodwa indoda ibilukuni, ibikohlakele ngezenzo kanjako; yabingum‐Kalebi yona. 4Kekaloku u‐Davide weva entlango ukuba u‐Nabali uyaceba igusha zake. 5Waza u‐Davide watuma abafana abalishumi; wayesiti u‐Davide kubafana abo: Nyukelani e‐Karamele, niye ku‐Nabali, nibuze egameni lam ukupila kwake: 6nize nitsho kohleli kamnandi ukuti: Uxolo malube kuwe, uxolo malube nakwindlu yako, uxolo malube nakuko konke unako! 7Sendivile ke ukuba unabacebi: kekaloku abalusi bako bebeko nati, asibonanga; kanjako bekungeko nanye into ebalahlekileyo, yonke imihla abebeko e‐Karamele. 8Buza abafana bako, bokuxelela ke. Ngako mabati abafana aba bafumane ufefe emehlweni ako; ngokuba sisiza ngomhla olungileyo: kaunike oko kusukuba sikufumana isandla sako kwizicaka zako, nakunyana wako, ku‐Davide. 9Bati bakufika abafana baka‐Davide, bateta ku‐Nabali njengalomazwi onke egameni lika‐Davide, bada bati cwaka. 10Waza u‐Nabali wapendula izicaka zika‐Davide, wati: Ngubanina u‐Davide? ngubanina ke unyana ka‐Jese? kuko namhla izicaka ezininzi eziqweshayo ezinye ngezinye ezinkosini zazo: 11sendiya kutabata na isonka sam, namanzi am, nesixe̔lo sam endisixe̔leleyo abacebi bam, ndinike kumadoda endingawazi ukuba angawapina? 12Bandula abafana baka‐Davide bajikela endleleni yabo, babuya, beza bamxelela njengalomazwi onke. 13Wayesiti u‐Davide kumadoda ake: Binqani nonke amaṙele enu. Abinqa ke amanye ngamanye amaṙele awo; no‐Davide wabinqa iṙele lake naye. Aza enyuka emva kwo‐Davide amadoda anga angamakulu mane; aye amakulu mabini ehleli ngasempahleni.
14Koko umfana emnye ebafaneni wamxelela u‐Abigali, umfazi ka‐Nabali, esiti: Bona ke, u‐Davide wasusa izigidimi entlango ukuza kubulisa inkosi yetu; yaza yazituka. 15Kodwa amadoda lawo ebelungile kakulu kuti: besingoniwa, besingalahleki nanye into kanjako, ngayo yonke imihla besihambana nawo, sakubako ezindle: 16ebeludonga kuti nasebusuku nasemini, ngayo yonke imihla sibe sindawonye nawo sizalusa igusha. 17Ngako kaloku, yazi ubone into uya kuyenza; ngokuba ububi sebugqityiwe ngakuyo inkosi yetu, nangakuyo yonke indlu yayo: ngokuba yona ingunyana wobunginingini, kude kungabi nakutetwa kuyo.
18Wandula wanxama u‐Abigali, watabata izonka ezimakulu mabini, nentsuba zeveyine ezimbini, negusha ezilungisiweyo ezintlanu, nezilinganiso zamaqashu ezihlanu, nekulu lezipa zedreyive ezishwenyileyo, namakulu mabini amasimba amakiwane, wazibeka pezu kwamaqwaṙashe. 19Wayesiti kuzo izicaka zake: Dlulani pambi kwam; nanku mna ndisiza emva kwenu. Kodwa akayixelela indoda yake u‐Nabali. 20Kwabekute, esakwele pezu kweqwaṙashe, esihla ngendawo efihlakeleyo yentaba, bona ke, u‐Davide namadoda ake bebesihla besiza kumkaulela; waza wahlangana nabo.
21Kekaloku u‐Davide ebete: Ngenyaniso ndifumane ndagcina konke anako lo entlango, kwada akwamlahleka nanye into kuko konke anako: kanjako ubuyekezile kum okukohlakeleyo esikundleni sokulungileyo. 22Utixo makenje njalo ezintshabeni zika‐Davide, alekele ukwenje njalo, ukuba ndiyashiya kubo bonke anabo kude kukanye ukusa lowo onobudoda!
23Wati u‐Abigali akubona u‐Davide, wanxama, wahlika eqwaṙasheni, wawa ebusweni bake pambi kwo‐Davide, wazitoba ngasemhlabeni, 24wawa ngasezinyaweni zake, wati: Malibe pezu kwam, nkosi yam! ityala elo: kanjalo makesitete isicakakazi sako ezindlebeni zako, uve amazwi esicakakazi sako. 25Inkosi yam maingabeki intliziyo yayo kulendoda yobunginingini, kuye u‐Nabali; ngokuba njengegama lake enjalo yena; ngu‐Nabali#25:25 Oko kukuti: Olibedengu. igama lake, nobubedengu bukuye: kodwa mna sicakakazi sako, andibonanga abafana benkosi yam, abo ububatumile. 26Ngako kaloku, nkosi yam! njengokuba ehleli uyehova, nanjengokuba uhleli nompefumlo wako, unguye uyehova okunqandileyo ekuzeni ngegazi, ukuba uzipindezelele ngesako isandla: ngako kaloku, mababe njengo‐Nabali abazintshaba zako, nabafunela inkosi yam ububi. 27Nakaloku, elitamsanqa elizisiweyo sisicakakazi sako enkosini yam, makelinikwe kubo abafana abahambayo ezinyaweni zenkosi yam. 28Sixolele ke isilandu sesicakakazi sako: ngokuba uyehova eya kuyenzela inkosi yam ngenyaniso indlu eqinileyo; ngokokuba inkosi yam isilwa ukulwa kukayehova, nokuba inkohlakalo ingafunyanwanga kuwe ngemihla yako. 29Noko kuvukile umntu ukukuputuma, nokufuna umpefumlo wako: kodwa umpefumlo wenkosi yam wobotshelwa esiqunyeni sobomi kuyehova, utixo wako; nompefumlo wentshaba zako uya kuwusaula pakati kwesigingqi sesisaulo. 30Kwakuya kuti, nxa uyehova aya kwenzela inkosi yam njengako konke okulungileyo akutetile ngawe, nanxa aya kukumisela ube yinkosi pezu kwo‐Sirayeli; 31oku akuyi kwandula kube sisigexiso kuwe, nesiku̔bekiso sentliziyo kuyo inkosi yam, okokuba upalazile igazi kungeko tuba, nokokuba inkosi yam izipindezelele ngokwayo: kodwa nxa uyehova aya kwenzela inkosi yam okulungileyo, wandul’ ukukumbula isicakakazi sako.
32Waza u‐Davide wati ku‐Abigali: Makabongwe uyehova, utixo wo‐Sirayeli, okutumileyo namhla nje ukuza kundikaulela. 33Kanjako maitanyusanqeliswe intelekelelo yako, mautanyusanqeliswe nawe, ondibambileyo namhla nje ekuzeni ngegazi, ukuba ndizipindezelele ngesam isandla. 34Ngokuba okunene, njengokuba uyehova, utixo wo‐Sirayeli, ehleli, ondinqandileyo ekukwenzeleni ububi, ukuba ubunganxamanga ukuza kundikaulela, ngenyaniso bekungayi kusaliselwa u‐Nabali kude kukanye ukusa namnye onobudoda! 35Wandula u‐Davide wamkela esandleni sake oko abemzisele kona, wati kuye: Nyuka uye ngoxolo endlwini yako; kangela, ndipulapulile ilizwi lako, ndibukile ubuso bako.
36Wasuka u‐Abigali weza ku‐Nabali; kekaloku bona ke, ebenesidlo endlwini yake njengesidlo sokumkani; yati intliziyo ka‐Nabali yacwayita pakati kwake, ngokuba enxilile kakulu; ngako akamxelela nto, encinane nenkulu, kwada kwakanya ukusa. 37Kwabekute kusasa, yakuba iveyine ipumile ku‐Nabali, wandula umfazi wake wamxelela ezizinto: yaza intliziyo yake yafa pakati kwake, wada waba njengelitye. 38Kwaye kute emva kwemihla yanga ilishumi, uyehova wambeta u‐Nabali, wada wafa. 39Waza u‐Davide, akuva ukuba u‐Nabali ufile, wati: Makabongwe uyehova, opikisile impikiso yesigxekwa sam esandleni sika‐Nabali, nesicaka sake wasisonga enkohlakalweni; ngokuba inkohlakalo ka‐Nabali uyehova eyibuyisile pezu kweyake intloko.
Wandula watuma u‐Davide, wateta no‐Abigali, ukuba amtabatele kuye abe ngumfazi. 40Zati zakufika izicaka zika‐Davide ku‐Abigali e‐Karamele, zateta kuye, zisiti: u‐Davide usitumile kuwe, ukuba akutabatele kuye ube ngumfazi. 41Waza wesuka, watoba ngobuso ngasemhlabeni, wati: Nasi isicakakazi sako sibe ngumkonzikazi ukuhlamba inyawo zezicaka zenkosi yam. 42Wanxama ke wesuka u‐Abigali, wakwela eqwaṙasheni, enesihlanu sentombi zake ezihamba ezinyaweni zake; waza walandela izigidimi zika‐Davide, waba ngumfazi wake. 43Kanjako u‐Davide wamzeka u‐Ahinohame wase‐Yezerele: baba ngabafazi bake nabo bobabini. 44Kodwa u‐Saule ebenikile u‐Mikali intombi yake, umfazi ka‐Davide, ku‐Faliti unyana ka‐Layishe, obengowase‐Galime.
Currently Selected:
Eyokuqala ka‐Samyali 25: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.