Eyokuqala yokumkani 5
5
1KEKALOKU u‐Hirame, ukumkani we‐Tire, wasusa izicaka zake ukuya ku‐Solomone; ngokuba ebevile okokuba bamtambisile yena abe ngukumkani esikundleni soyise: ngokuba u‐Hirame ebemtandile u‐Davide ngamaxesha onke. 2Wandula watuma u‐Solomone ku‐Hirame ukuti: 3Wena uyamazi u‐Davide ubawo ukuba ebekohliwe kukwaka indlu egameni likayehova, utixo wake, ngenxa yemfazwe ezibe zimngqonga, wada uyehova wazibeka ngapantsi kwemizantsi yenyawo zake. 4Kodwa ngoku uyehova, utixo wam, undipumzile ngamacala onke, kungeko umalane, kungeko nebaqo elibi. 5Kekaloku bona ke, ndiyacinga ukwaka indlu egameni likayehova, utixo wam, njengokuba ebeteta uyehova ku‐Davide ubawo, esiti: Unyana wako, lowo endiya kummisa esikundleni sako pezu kweterone yako, nguye oya kwaka indlu egameni lam. 6Ngako kaloku xela ukuba kundigaulelwe imiti yesedare e‐Lebanone; zaye izicaka zam ziya kuba nezako, nomvuzo wezicaka zako ndowunika kuwe, njengako konke uya kukutsho: ngokuba usazi wena ukuba akuko pakati kwetu namnye okwaziyo ukugaula imiti njengama‐Tsidone.
7Kwabekute, akuva u‐Hirame amazwi ka‐Solomone, wandula wavuya kakulu, wati: Makabongwe uyehova namhla nje, onike ku‐Davide unyana olumkileyo pezu kwababantu bakulu. 8Waza watuma u‐Hirame ku‐Solomone ukuti: Ndivile oko utumile kum ngako; ndiya kuyenza yonke intando yako ngemiti yesedare, nangemiti yeberoshe: 9izicaka zam ziya kuhla nayo e‐Lebanone ziyise elwandle; ndandiya kuyisa ngemitantatu pezu kwolwandle kulondawo uya kunditumela ilizwi ngayo, ndize ndiyicite kona, wandule wena uyisuse: kanjako wena uya kufeza intando yam, ngokunika abendlu yam ukudla.
10Kwa njalo ke u‐Hirame wanika u‐Solomone imiti yesedare nemiti yeberoshe, njengayo yonke intando yake. 11Waza u‐Solomone wanika u‐Hirame ikore ezingamawaka angamashumi mabini zenqolowa, ibe kukudla kwabendlu yake, nekore ezimashumi mabini zeoli enqushelweyo: wenje njalo u‐Solomone ukunika u‐Hirame ngomnyaka ngomnyaka. 12Kekaloku uyehova wampa u‐Solomone ubulumko, njengokuba ebetetile kuye: kwaye kuko uxolo pakati kwo‐Hirame no‐Solomone, balwenza ucebano bobabini.
13Waye ukumkani u‐Solomone wenyusa isitabataba kubo bonke o‐Sirayeli; isitabataba eso besingamawaka angamashumi matatu amadoda. 14Waza wawatuma e‐Lebanone, amawaka alishumi ngenyanga ngenyanga ngokuguqulelana: inyanga inye ebese‐Lebanone, inyanga zimbini ebesekaya: waye u‐Adonirame epezu kwesitabataba eso. 15Kanjako u‐Solomone wabenamawaka angamashumi asixe̔nxe abetwala imitwalo, namawaka angamashumi asibozo ababazi ezintabeni; 16ngapandle kwenkosi zabongama baka‐Solomone ababepezu kwomsebenzi, amawaka matatu anamakulu matatu, ezibe zinobukosi pezu kwabantu abawenza umsebenzi. 17Waxela ukumkani, baza banqikela amatye amakulu, amatye anqabileyo, kuze kusekwe indlu leyo ngamatye aqandulweyo. 18Bati abaki baka‐Solomone nabaki baka‐Hirame bawaqandula, kwa nama‐Gebali: kwa njalo ke balungisa imiti namatye ukuba kwakiwe indlu leyo.
Currently Selected:
Eyokuqala yokumkani 5: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.