Eyokuqala yokumkani 11
11
1KODWA ukumkani u‐Solomone watanda abafazi bezinye intlanga abaninzi, ngapandle kwentombi ka‐Faro, ama‐Mowabikazi, aba‐Hamonikazi, ama‐Edomekazi, ama‐Tsidonekazi, nama‐Hetekazi; 2abentlanga abete uyehova elusatsheni luka̔‐Sirayeli: Aniyi kungena kuzo, kanjalo zona aziyi kungena kuni; ngenyaniso, ziya kupambukisa intliziyo yenu ukuya emva kwotixo bazo: kwa kubo aba wanamatela u‐Solomone ngotando. 3Wayenabafazi abangamakulu asixe̔nxe, bengamakosikazi, namashweshwe angamakulu matatu: bada abafazi bake bapambukisa intliziyo yake. 4Ngokuba bekute ngexesha lobudala buka‐Solomone, abafazi bake bapambukisa intliziyo yake ukuya emva kwotixo bambi; yaye intliziyo yake yayingakolisekile ngakuyehova, utixo wake, njengentliziyo ka‐Davide uyise. 5Ngokuba u‐Solomone ebelandela u‐Hashetorete utixokazi wama‐Tsidone, no‐Milikome intshontsho yaba‐Hamoni. 6Waye u‐Solomone kanjalo ekwenza okukohlakeleyo emehlweni kayehova, engakolisi ukulandela uyehova, njengo‐Davide uyise. 7Oko wayaka u‐Solomone indawo epakamileyo ku‐Kemoshe intshontsho yama‐Mowabi, entabeni epambi kwe‐Yerusaleme, naku‐Moleke intshontsho yosapo luka‐Hamoni. 8Wayesenzela bonke abafazi bake bezinye intlanga kwa ngokunjalo, abaqumisayo babingelela kotixo babo.
9Waza waqumba uyehova ngakuye u‐Solomone, ngokuba intliziyo yake ipambukile kuyehova, utixo wo‐Sirayeli, obebonakele kuye kabini, 10wamyalela ngalendawo, ukuba makangalandeli otixo bambi: kodwa akagcina oko wamyalelayo uyehova. 11Ngako wati uyehova ku‐Solomone: Ngenxa yokuba iko lento kuwe, ukuba akugcinanga ucebano lwam nezimiselo zam endikuyaleleyo ngazo, ndiya kuṙazula ngenyaniso ubukumkani obu kuwe, ndibunike kwisicaka sako. 12Andiyi kukwenza oku noko emihleni yako, ngenxa ka‐Davide uyihlo wako; ndobuṙazula esandleni sonyana wako. 13Kodwa andiyi kuṙazula ubukumkani bonke; isizwe sinye ndosinika kunyana wako, ngenxa ka‐Davide isicaka sam, nangenxa ye‐Yerusaleme endiyinyulileyo.
14Waza uyehova wamvusela u‐Solomone umalane, u‐Hadade um‐Edome: yena ebengowenzalo yokumkani e‐Edome. 15Ngokuba bekute, akuba u‐Davide ebese‐Edome, nxa u‐Jowabi inkosi yomkosi ebenyukile ukuya kuncw̔aba abahlatyiweyo, seebulele nje bonke ababudoda e‐Edome; 16(ngokuba u‐Jowabi ebesala kona inyanga zantandatu, no‐Sirayeli bonke, wada wanqamla bonke ababudoda e‐Edome;) 17wandula wesaba u‐Hadade, yena namadoda atile angama‐Edome ezicakeni zoyise kunye naye, ukuya e‐Jipete; waye u‐Hadade engumfana omncinane. 18Baye besuka e‐Midiyane, beza e‐Parane; batabata amadoda nabo e‐Parane, bada bafika e‐Jipete, ku‐Faro ukumkani we‐Jipete; owamnika indlu, wamabela ukudla, wamnika nomhlaba. 19Waza u‐Hadade wafumana ufefe olukulu emehlweni ka‐Faro, wada wamnika abe ngumfazi udade womfazi wake, udade ka‐Tapenesi ukumkanikazi. 20Wati udade ka‐Tapenesi wamzalela u‐Genubate, unyana wake, obelunyulwa ngu‐Tapenesi endlwini ka‐Faro; waza u‐Genubate wasendlwini ka‐Faro pakati kwonyana baka‐Faro. 21Kekaloku akuva u‐Hadade e‐Jipete, ukuba u‐Davide walala noyise bake, nokuba u‐Jowabi inkosi yomkosi ufile, wati u‐Hadade ku‐Faro: Ndindulule, ukuba ndiye elizweni lam. 22Wandula wati u‐Faro kuye: Pofu uswele nto nina kum, ukuba, bona ke, ufuna ukuya elizweni lako? Wayesiti: Akuko nto; kodwa kaundindulule noko.
23Kanjako utixo wamvusela omnye umalane, u‐Rezone unyana ka‐Eliyada, owesaba ku‐Hadadezere ukumkani we‐Tsoba inkosi yake. 24Wada wahlanganisela kuye amadoda, waba yinkosi yebandla, okuya u‐Davide wababulala abase‐Tsoba: basuka baya e‐Damakusi, bahlala kona, bapata ubukumkani e‐Damakusi. 25Wayengumalane yena ko‐Sirayeli yonke imihla ka‐Solomone, ngapandle kwobubi abebenza u‐Hadade: wayetiya o‐Sirayeli, wapata ubukumkani pezu kwe‐Siriya.
26No‐Jerobome unyana ka‐Nebati, um‐Eferata wase‐Tsereda, isicaka sika‐Solomone, onina ebenegama elingu‐Tseruha, umhlolokazi, kwa naye wapakamisa isandla ngakuye u‐Solomone. 27Nantsi indawo wapakamisa isandla ngakuye ukumkani ngayo: u‐Solomone waka i‐Milo, wavingca intanda zesixeko sika‐Davide uyise. 28Kekaloku indoda leyo, u‐Jerobome, ibiliṙoti elikalipileyo: waza u‐Solomone, akubona indodana leyo ukuba yawenza umsebenzi, wayongamisa pezu kwawo wonke umtwalo wendlu ka‐Josefe. 29Kwaza kwati ngeloxesha, akuba u‐Jerobome epumile e‐Yerusaleme, wandula u‐Ahiya um‐Shilo, umprofite, wamfumana endleleni; waye yena ezinamekile ngengubo entsha; babebodwa bobabini endle: 30waza u‐Ahiya wabamba ingubo entsha ebikuye, wayiṙazula ibe ziziziba zilishumi linazibini; 31wayesiti ku‐Jerobome: Zitabatele iziziba zibe lishumi; ngokuba esitsho uyehova, utixo wo‐Sirayeli, ukuti: Bona ke, ndiya kuṙazula ubukumkani esandleni sika‐Solomone, ndinike wena izizwe ezilishumi: 32(kodwa isizwe sinye soba sesake, ngenxa yesicaka sam u‐Davide, nangenxa ye‐Yerusaleme, isixeko endisinyulileyo kuzo zonke izizwe zo‐Sirayeli:) 33ngenxa yokuba bandishiyile, nokuba batobile pambi kwo‐Hashetorete utixokazi wama‐Tsidone, no‐Kemoshe utixo wama‐Mowabi, no‐Milikome utixo wosapo luka‐Hamoni, bengahambanga nje ezindleleni zam, ukwenza okufaneleyo emehlweni am, kwa izimiselo zam nezigwebo zam, njengo‐Davide uyise. 34Kodwa andiyi kususa ubukumkani bonke esandleni sake; koko ndiya kumenza abe yinkosi yonke imihla yokudla kwake ubomi, ngenxa ka‐Davide isicaka sam, endamnyulayo, ngokuba wabegcina imiyalelo yam nezimiselo zam: 35kodwa ndiya kususa ubukumkani esandleni sonyana wake, ndibunike kuwe, kwa izizwe ezilishumi. 36Nakunyana wake ndiya kunika isizwe sinye, ukuze u‐Davide isicaka sam abe nesibane ngamaxesha onke ebusweni bam e‐Yerusaleme, isixeko endisinyulele mna, ukuba ndibeke igama lam kona. 37Kanjalo wena ndokutabata, wauya kupata ubukumkani pezu kwako konke okukanukwayo ngumpefumlo wako, ube ngukumkani pezu kwo‐Sirayeli. 38Kwakuya kuti, ukuba uya kupulapula konke endikuyalelayo ngako, uhambe ezindleleni zam, wenze okufaneleyo emehlweni am, ukugcina imimiselo yam nemiyalelo yam, njengokuba wenje njalo u‐Davide isicaka sam, ndiya kwandula ndibe nawe, ndikwakele indlu eqinileyo, njengokuba ndimakele u‐Davide, ndikunike o‐Sirayeli. 39Ndandiya kubandezela inzalo ka‐Davide ngenxa yoku; kodwa akuyi kuba njalo amaxesha onke. 40Ngako u‐Solomone wafuna ukumfisa u‐Jerobome. Wandula wesuka u‐Jerobome, wesabela e‐Jipete, ku‐Shishaki ukumkani we‐Jipete, wabeko e‐Jipete kwada kwafa u‐Solomone.
41Kekaloku isisalela semicimbi ka‐Solomone, nako konke wakwenzayo, nobulumko bake, ayiba̔lwanga na yona encwadini yemicimbi ka‐Solomone? 42Nexesha u‐Solomone wabepata ubukumkani ngalo e‐Yerusaleme pezu kwo‐Sirayeli bonke, ibiyiminyaka engamashumi mane. 43Wada u‐Solomone walala noyise bake, wancw̔atywa esixekweni sika‐Davide uyise; waza u‐Rehobome unyana wake waba ngukumkani esikundleni sake.
Currently Selected:
Eyokuqala yokumkani 11: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.