प्रेरितों के काम 6
6
याईय्या पक्का जीमू डाऊ सेवककु गा कालामु
1डी दिनेन जब चेलाकू गा संख्या भेबाव बळातिंजू लज्जे, मेटे यूनानी कुरकू एठा इब्रानी कुरकू चेलाकू गा खिलाफबेन कुरू-कुरू लज्जे, कि हर दिन सेवकाई गेन आलेगा विधवाकु गा देखभाल बान दोडो। 2मेटे डी बारह कलामके मिंकू चेलाकू यरूशलेम शहर गा दूसरा विश्वासीकु के इकु मेरान हाकोटे मंडीके, “आले कलामके मिंकू चेलाकूके आलेगा टेमो परमेश्वर गा वचन इथू गेन बिबातातिंज होना, न कि चचारा-आनु गा सेवा दडा गेन थंदळके। 3इनिघल्जी हे डाईचो, आपेगा याईय्या पक्का जीमू डाऊ सनाकुके जो पवित्र आत्मा एठा दिमाग टे भेट्टिके टासो कालाम्जोम, कि आले दिकुके इनी कामय लिंजेन थंदळकूवा। 4पेनो आलेनी प्रार्थना वचन गा खाबोर एठा शिक्षा जिऊ गेन चालुका थंदळवा।” 5इनी बातो सेबाई मंडलीकुन अच्छा घाईय्ये, एठा दिकुनी स्तिफनुस जीमू म्या कोरो के जो विश्वास एठा पवित्र आत्मा टे भेट्टिके डा, फिलिप्पुस, प्रुखुरुस, नीकानोर, तीमोन, परमिनास एठा अन्ताकिया शहर थंदळ मिंकू निकुलाउस के जो यहूदी धर्म गेन हेन डा, कालाम्जे नेच। 6एठा दिकुके कलामके मिंकू चेलाकू सम्मान सालेकु एठा प्रार्थना डा टे डी कामय दडा घल्जी ठहरातिंज्केनेच। 7एठा परमेश्वर गा वचन फैलातिंजू लज्जे एठा यरूशलेम शहर गेन चेलाकू गा गिनती बळातिंजे एठा यहूदी याजककु गा म्या खाट समूह नी भी यीशु मसीह गेन विश्वास गा इनी खाबोर स्वीकार डाके।
स्तिफनुस गा जेलेन केडू
8स्तिफनुस कृपा एठा शक्ती गेन भेट्टी टे कुरकू गेन खापेट-खापेट अचम्बो कामय एठा चिन्हा टीपे चाले डा। 9पेनो अदा कुरकू नी स्तिफनुस गा खिलाफबेन डाके। डीच डी आराधना जगा गा मुख्या डा डीचके गुलामी टे आजादी मंडी डा, डी कुरकू कुरेनी एठा सिकन्दरिया शहरनौर टे एठा किलिकिया जिल्हा एठा आसिया जिल्हानौर टे डा। इनी कुरकू स्तिफनुस गा सेंग्गोन हिंज-मान लज्जे। 10पेनो डीचनी जो चोचकाभी मंडीके दिकु दियागा जवाब बान जिडुका, चोयाकी पवित्र आत्मा नी डीचके खाट दिमाग टे मंडी गेन मदत डाके। 11एने लिंजेन गुलामी टे आजादी के कुरकू नी थोळासा सनाकुके स्तिफनुस बारेन लाबळ मंडी घल्जी भाळकातिंजकेकु। मेटे डी सनाकु मंडी लज्जे, “आलेनी इनिज्के मूसा गा नियम एठा परमेश्वर गा खिलाफबेन निंदा गा बातो मंडीटे आजुम्के होय।” 12दिकुनी स्तिफनुस खिलाफबेन कुरकू, यहूदी जुना सनाकु, एठा मूसा गा नियम इथूमिंकू के भाळकातिंजकेकु एठा दिकुनी हेंडो स्तिफनुस के उठाकेनेच डो एठा डीचके खाटसभा सम्मान सैय्येनेच। 13देटेन दिकुनी लाबाळ गवाही घाल्के दिकुनी स्तिफनुस लिंजेन इनी आनोवा टोकाके, “येटेन कोरो इनी चोखरा जगा एठा मूसा गा नियम गा खिलाफबेन मंडी बान आरा। 14चोयाकी आलेनी डीचके मंडीटे आजुम्के होय, कि इनिज्का यीशु नासरी इनी मंदिर के ऊलटाएबा, एठा डी रितीनौर के बदलाएवा जो मूसानी आलेके जिले होय।” 15मेटे सेबाई कुरकू नी जो खाटसभान सुबांके डा, डीच डेके-डेके धोटे दियागा चेहरा स्वर्गदूतकु चेहरा रोंगो चमकातिंज टे डोके।
Currently Selected:
प्रेरितों के काम 6: GOKNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.