प्रेरितों के काम 5
5
पवित्र आत्मा टे लाबळ मंडी
1हनन्याह जीमू म्या कोरो, एठा दियागा जापाएटे सफीरा नी अदा ओटे किजीके, जो दिकुगा डा। 2एठा डेगा भाव गा टे अदा हेजा घल्जी डोके, एठा इनी बातो दियागा जापाएटेन भी मालूम डा, एठा डेगा म्या भागो साटे कलामके मिंकू चेलाकूके जीके। 3पेनो पतरस नी कोम्बाराके, “हे हनन्याह! जो शैतान नी अमा मन गेन पवित्र आत्मा टे लाबळ मंडी गा बिचार येंडाके होय। एठा आमनी अमा किजीके मिनी ओटे गा भाव गा म्या भागो अमा घल्जी डोके होय। 4चोच किकीजी गा पेला डी ओटे अमा बाऊ डा? एठा जब किजेन डा मेटे डेगा भाव अमा कपजान बाऊ डा? अमा मनेन इनी बुरा कामय गा बिचार टोनोगो टे हेन? आमनी कुरकू टे बाने, पेनो परमेश्वर टे लबाळ मंडीके।” 5इनी बातो आजुमटे का हनन्याह ओटेन बोचोएन, एठा डीच गोएन, एठा सेबाई आजुम मिंकून भेबाव हिगरा टे बोचोएन। 6डाबोलटे जावनकु नी हेन डो दियागा म्हाळा आरुटे बल्लान सैय्ये डो गळातिंज्के। 7अंदजोटे आफाई घंटा बादोन दियागा जापाएटे, जो चोचकाभी डायेन डा बान मालूम, तलान हेन। 8मेटे पतरस नी दियाटे कोम्बाराके, “चोच आपिंज बर्खिंजनी डी ओटे एटोगेन का किजीके डा?” डीचनी जवाब जीके, “हां, एटोगेन का।” 9पतरस नी दियाटे कोम्बाराके, “येटेन चोच बातो होय, कि आपिंज बर्खिंज प्रभु गा आत्मा गा अंदजो घल्जी म्याका सेंग्गोन राजेन? डोगे अमा साना के गगाळातिंज मिंकू दारोजोन का टेंगेंके होय, एठा दिकु आमकेभी बल्लान साकोम्बा।” 10मेटे देटेन तुरुटो दियागा नंगा मेरान ओटेन बोचोएन एठा डीच गोएन एठा जवानकुनी तलान हेंडो डीचके गोएन का डोकेनेच, एठा बल्लान साटे दियागा सानाटे गा मेरान गळातींजकेनेच। 11यरूशलेम शहर गेन सेबाई मसीह गा मंडली लिंजेन एठा इनी बातो गा सेबाई आजुम मिंकून भेबाव हिगरा बाकायेन।
कलामके मिंकू चेलाकू द्वारा चिन्हा एठा चमत्कार
12कलामके मिंकू चेलाकू द्वारा घोनेच चिन्हा एठा अचम्बो कामय कुरकू गा तलान घाले डा, एठा मसीह सेबाई विश्वासी म्या चित्तो टे सुलैमान गा साफारीन गोलाऊ डा। 13पेनो जो कुरकू नी आए टाएन यीशु लिंजेन विश्वास बान दोडुका डा, दिकु तलाटे जेकाभी विश्वासीकु गा सेंग्गोन जुळातिंजू गा हिम्मत बान डाऊ डा। 14फिरभी जादा-टे-जादा विश्वासीकु प्रभु गेन हेंडो बेल्लाएन, एठा जापाएकु-सनाकु गा म्या खाट समुदाय आरोएन। 15जो चोचकाभी कलामके मिंकू चेलाकू दडा लक्के होय डेगा वोजीटे कुरकू बिमारीकु के साळाक्कोन सब साटे, पारकोमनौर एठा चटाई लिंजेन गीटीचकु डा, ताकी जब पतरस हेनकी, मेटे दियागा साईली का दिकु तलाटे जेका लिंजेन बोचोयु। 16यरूशलेम शहर गा आसो-पासो गा पुरानौर टे भी घोनेच कुरकू बिमारी एठा भूतोकु मुके सतातींजके मिंकूके कलामके मिंकू चेलाकू साकु डा, एठा दिकु सेबाईकु सजाऊ डा।
कलामके मिंकू चेलाकूके जेलेन केखेट
17मेटे खाटयाजक एठा दियागा सेबाई सोपतीकु जो सदूकीयों गा समुदाए गा डा, दिकु कलामके मिंकू चेलाकू टे जुलू लज्जे। इनिघल्जी दिकुनी दिकुगा खिलाफबेन कामय दडा गा निर्णय डाके। 18कलामके मिंकू चेलाकू उठाटे जेलेन केटकेकु। 19पेनो रातो प्रभु गा म्या स्वर्गदूत नी जेल गा दारोजो उघळाटे दिकुके बल्लान ओटटे मंडीकेकु, 20“सेने, यरूशलेम गा मंदिर गेन टेंगेंटे, कुरकू के इनी हमेशा गा जीवन गा बारेन घाले।” 21कलामके मिंकू चेलाकू ठायका फेजेरका यरूशलेम गा मंदिर गेन ओले एठा जैसा दिकुके स्वर्गदूत नी घाल्के डा शिक्षा जिऊ लज्जे। पेनो खाटयाजक एठा दियागा सोपतीकुनी हेन खाटसभा के एठा इस्राएली कुरकू गा सेबाई जुना सनाकुके गोलाकेकु, एठा जेलेन खाबोर कुल्के कि दिकुके साकु। 22पेनो मंदिर गा जागली मिंकुनी देटेन आदिरजे डो दिकुके जेलेन बान दोडुका, एठा हिराटे घाल्के, 23“आलेनी जेलके खाट ध्यान टे बांदोटे, एठा जागली मिंकूके बल्लान दाराजोन टेंगेंटे डोकेकु। पेनो जब दारोजो उगळके, मेटे तलान जेका बान घाटाडुका।” 24जब यरूशलेम गा मंदिर गा जागलीमिंकू गा मुख्या एठा मुख्यायाजक कुनी इनी खाबोर आजुम्के, मेटे दिकुगा बारेन भारी चिंतान बोचोएन कि येनेगो चोच हाल डाऊवा। 25एटोगेन जेकानी हेंडो डीचके घाल्के, “डोगे, दिकुके आमनी जेलेन केटकेकु डा, डी कोरो यरूशलेम गा मंदिर गेन टेंगेंटे कुरकू के इथूलक्के।” 26जब दिकुनी इनी आजुम्के, मेटे यरूशलेम गा मंदिर गा जागलीमिंकू गा मुख्या जागलीमिंकू गा सेंग्गोन मंदिरेन ओले, देटेन ओलेडो कलामके मिंकू चेलाकूके खाट चावळी गा सम्मान सालेकु, पेनो जबरदस्ती टे बाने। चोयाकी दिकु कुरकू टे हिगरा डा, कि कुरकू घोटा लेचा-लेचाटे दिकुके घोचकुवा। 27जब दिकु खाटसभा गा सम्मान टेगेनके डा मेटे खाटयाजक नी दिकुटे कोम्बाराके, 28“चोच आलेनी आपेके हुशार टे घाल्टे हुकूम बान जिडुका डा, कि आपे इनी जीमू टे बाकी इथू? फिरभी आपेनी सेबाई यरूशलेम शहर के आपेगा शिक्षा टे भेट्टिकेकुवा होय एठा आपे इनी कोरो गा घोगेज गा आनोवा जबरदस्ती आले लिंजेन येंडा चाहतावा।” 29मेटे पतरस एठा अलग्गो कलामके मिंकू चेलाकू जवाब जीके, “कोरोकु गा हुकूम टे खाट्टे परमेश्वर गा हुकूम गा पालन दडाका आलेगा कामय होय। 30आलेगा आजा दादाकु गा परमेश्वर नी यीशु के गोएन मिठाच जाटे जीटाकेनेच, डीचके आपेनी क्रूस लिंजेन लाटकातिंजटे घोच्केनेच डा। 31डीचके का परमेश्वर नी प्रभु एठा उध्दार दडामिठाच ठहरातिंजटे हेजा गा जेवना टी टे खाट आरुकेनेच, ताकी इस्राएली कुरकू इकुगा बुरा सोच-बिचारनौर एठा कोरानौर टे परमेश्वर गा कोनेन मोराएन एठा दियागा द्वारा आपना पापो टे मापोएकेच होना। 32आले इनी बातो गा गवाह होय एठा पवित्र आत्मा भी, डीके परमेश्वर नी डीचके जीके होय, जो दियागा हुकूम मनातिंजेवा होय।” 33जब चावळी गा मुख्याकुनी इनी आजुम्के मेटे दिकु कलामके मिंकू चेलाकूके घोगेच चाहता डा। 34पेनो गमलीएल जीमू म्या फरीसि कुरकू नी जो मूसा गा नियम गा गुरूजी एठा सेबाई कुरकू गेन आदर्णीय डा, खाटसभान टेंगेंटे कलामके मिंकू चेलाकूके थोळासा टेमो गा घल्जी बल्लान ओट गा हुकूम जीके। 35मेटे डीचनी कुरकू टे मंडीके, “हे इस्राएली कुरकू, जो चोचकाभी इनी कोरोकु टे दडा चाहतावा होय सोच बिचार टे डाए। 36चोयाकी इनी दिन टे पेला थियूभाग्य इनी दावा मेंबा डाकी इंजभी चोच्का मेना। एठा अंदजोटे उफुन सेद्दी कुरकू दियागा साथो जिऊमिंकू आरोएन। देटेन गोएन, दियागा ममानातिंज सेबाई कुरकू बिगळातिंजे एठा दिकुगा नामो निशान भी बान थंदळकु। 37डेगा बादोन श्रिगीनती गा दिनेन गलील जिल्हान थंदळ मिंकू यहूदा हेन एठा अदा कुरकू हेज कोनेन जेकू। पेनो देटेन गोएन एठा साथो जिऊमिंकूभी इंगन-हुगनजे। 38इनिघल्जी नका इंज आपेटे मंडीवा मेना, इनी कोरोकु टे लेंक्कीन का थंदळे एठा दिकुके एकलाका आराकु एठा सेंडाएकु, चोयाकी अगर येटेन योजना या कामय कोरोकु गा कोनेटे डाऊ मेटेनी उथुरुवा। 39पेनो अगर परमेश्वर गा कोनेटे होय, मेटे आपे डीके चोलाकाभी उथुरे बाने। कही येनेगो बाकी डाऊ, कि आपे परमेश्वर टे भी लडाई मिंकू ठहरातिंजू।” 40मेटे दिकुनी दियागा बातो मनातिंजे एठा कलामके मिंकू चेलाकूके हकोटे मुंडाके कु। एठा दिकुके इनी हुकूम जीके कि दिकु नका टे यीशु गा जीमू टे चोच्का बाकी मंडी एठा डाबोलटे दिकुके आराकेकु। 41दिकु इनी बातो टे कुशोटे खाटसभा गा सम्माटे ओले मेना, कि आले यीशु गा खातिर अपमान सेसेन गा लायको ठहरातिंजे। 42येनेगा हारेक दिन यरूशलेम गा मंदिर गेन एठा उरा-उरा गेन कलामके मिंकू चेलाकू लगातार इथू डा एठा अच्छा खाबोर घागल डा कि यीशु का मसीह होय।
Currently Selected:
प्रेरितों के काम 5: GOKNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.