Lukə Vari ze du Dan mə Kəɗam məni Lukə wây'i:
Vari ze du Dan mə Kəɗam məni Lukə wây'i:
Dan mə Kəɗam məni Lukə wây' nə wə ta' i Dan mə Kəɗam rum wə zə sôwâ daŋ'ŋ. Lukə cu ta' Zezu ndə Bə Siɗ sôwâ Zuwif taw mi, ama ce' ndə Bə Siɗ sôwâ nya daŋ'ŋ. Lukə keɓ zu dan Zezu njeŋ kədan mum wây' ne kə bây um Teyofil. Mum təŋ Dan mə Kəɗam rum kə in dan wa vra' Zaŋ Baptistə, kə vra' Zezu ɓay wa dan gi nyêw ndaya. Mum faŋ in dan wa sin məni Zaŋ gi ɓay vari məni Herodə kaw num ge ta so daŋgay'i. Mum in dan wa baptem məni Zaŋ gi ne kə Zezu ɓay wa vari məni Satan ɓu numu. Kəki rum, mum in dan wa sin məni Zezu gi wə nya Galile: Wə nya rum, Zezu ka' dan ne kə sôwâ, mum ta' kwa ne nday ɓay mum car gaɓ sôwâ cem ceme. Mum faŋ in dan wa gaŋ Zezu dak nya Galile hâ Jeruzalem. Kəki rum, mum in dan wa kwa cem cem məni gi wə so Jeruzalem kə ndo vun bəka Zezu wa nya. Mum ndo' vun dan rum kə in dan wa mar Zezu kə vari məni Ifray par Zezu mbə mar, vari məni Zezu ta' tu rum ne kə sum ta zə rum, ɓay vari məni Ifray tle num ta wafraya.
Lukə wây' dan cem cem məni sôwâ məsin məni wây' Dan mə Kəɗam, cu wây' mi kuni, ce' ndə: Nyem cem cem məni Mari kə Zakariya ɗâ (1.46-55, 1.67-79), ɓay dan daw ji cime məni ta so Betlehem kədan handay kar Zezu (2.8-20). Dan mə gəgan wa "swə mə ɓay mə nya Samari" (10.20-37) ɓay dan mə gəgan wa "vay məni vi'i" (15.11-32).
Vari ɓul Dan mə Kəɗam məni Lukə wây'i:
1. Ze dan rumu 1.1-4
2. Vra' Zaŋ Baptistə kə Zezu 1.5—2.52
3. Sin məni Zaŋ Baptistə gi 3.1-20
4. Zaŋ gi baptem ne kə Zezu ɓay Satan ɓu numu 3.21—4.13
5. Sin məni Zezu gi wə nya Galile 4.14—9.50
6. Zezu gaŋ dak nya Galile hâ so Jeruzalem9.51—19.27
7. Kwa cem cem məni gi wə so Jeruzalem kə so cem cem mə rəka rum kə ndo' vun bəka Zezu wa nya19.28—23.56
8. Ifray par Zezu mbə mar, Zezu ta' tu rum ne kə sum ta zə rum, ɓay Ifray tle num ta wafraya 24.1-53
Currently Selected:
Lukə Vari ze du Dan mə Kəɗam məni Lukə wây'i:: KMN
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Le Nouveau Testament et Psaumes en Peve © Alliance Biblique du Tchad, 2014.