IINDUMISO 62
62
UThixo ukuphela kwenqaba ekhoyo
Kumongameli. KuYedutun. Umhobe kaDavide.
1Úthozamele kuThixo kwaphela umphefumlo wam;
Kuvela kuye ukusindiswa kwam.
2Nguye kwaphela iliwa lam, umsindisi wam,
Ingxonde yam; andiyi kushukunyiswa kakhulu.
3Kunini na nisuka indulumbane emntwini?
Kunini na nimncinitha nonke niphela, enjengodonga oluzimkayo, enjengothango oluwayo?
4Bagqibé kwelokuba bamtyhale bamsuse ekuphakameni kwakhe kuphele;
Bakholene namanga;
Basikelela elowo ngomlomo, embilinini yabo bayatshabhisa. (Phakamisani.)
5Thozamela kuThixo yedwa, mphefumlo wam,
Ngokuba livela kuye ithemba lam.
6Nguye kwaphela iliwa lam, umsindisi wam,
Ingxonde yam; andiyi kushukunyiswa.
7KunoThixo ukusindiswa kwam nozuko lwam;
Iliwa lokunqaba kwam nehlathi lam likuThixo.
8Kholosani ngaye ngamaxesha onke, nina bantu;
Phalazani intliziyo yenu phambi kwakhe.
UThixo ulihlathi kuthi. (Phakamisani.)
9Bangumphunga kwaphela onyana boluntu, ngamanga oonyana bamadoda;
Esikalini• bangenyuka,
Bangumphunga bephelele.
10Musani ukukholosa ngokudla abantu,
Ningazenzi into engeyanto ngento exhakamfuliweyo.
Yakwanda imfuyo, musani ukuyinyamekela.
11Uthethé nto-nye uThixo,
Ezi zinto zimbini ndizivile:
Ukuba amandla ngakaThixo,
12Nenceba yeyakho, Nkosi yam;
Ngokuba uyababuyekeza, elowo ngokwezenzo zakhe.
Currently Selected:
IINDUMISO 62: XHO75
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Bible Society of South Africa 1975. Used with permission. All rights reserved.