Genesis 5
5
Pi’in ni owchen Adam nge yan i mada’ ngak Noah nge pifak
(1 Kronicles 1:1–4)
1Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.#Gen 1:27–28 2I sunumeg be’ nib mo’on nge be’ ni bpin, me fal’eg wa’athrow, me tunguy fithingrow ni “Girdi’”.) 3Nap’an ni gaman 130 e duw rok Adam, min gargeleg bochi pagel ni fak nib fil ya’an, me tunguy fithingan ni Seth. 4Ni gargelnag Seth, ma 800 e duw niki par Adam nib fos miki fakay boch e bitir 5me yim’ nike gaman 930 e duw rok.
6Nap’an ni gaman 105 e duw rok Seth, min gargeleg bochi pagel ni fak ni Enosh, 7tomuren ni kan gargeleg Enosh miki par Seth nib fos nge yan i gaman 807 e duw. Miki fakay boch e bitir 8me yim’ nike gaman 912 e duw rok.
9Nap’an ni gaman mereb i ragag e duw rok Enosh, min gargeleg bochi pagel ni fak ni Kenan, 10tomuren ni kan gargeleg Kenan. Miki par Enosh nib fos nge yan i gaman 815 e duw. Miki fakay boch e bitir 11me yim’ nike gaman 905 e duw rok.
12Nap’an ni gaman medlip i ragag e duw rok Kenan, min gargeleg bochi pagel ni fak ni Mahalalel, 13tomuren ni kan gargeleg Mahalalel miki par Kenan nib fos nge yan i gaman 840 e duw. Miki fakay boch e bitir 14me yim’ nike gaman 910 e duw rok.
15Nap’an ni gaman nel’ i ragag nge lal e duw rok Mahalalel, min gargeleg bochi pagel ni fak ni Jared, 16tomuren ni kan gargeleg Jared miki par Mahalalel nib fos nge yan i gaman 830 e duw. Miki fakay boch e bitir 17me yim’ nike gaman 895 e duw rok.
18Nap’an ni gaman 162 e duw rok Jared, min gargeleg bochi pagel ni fak ni Enok, 19tomuren ni kan gargeleg Enok miki par Jared nib fos nge yan i gaman 800 e duw. Miki fakay boch e bitir 20me yim’ nike gaman 962 e duw rok.
21Nap’an ni gaman nel’ i ragag nge lal e duw rok Enok, min gargeleg bochi pagel ni fak ni Methuselah. 22Tomuren ni kan gargeleg Methuselah miki par Enok nib fos ni 300 e duw ngi i liyor ngak Got miki fakay boch e bitir. 23Miki par nib fos nge yan i gaman 365 e duw rok. 24I par Enok ni be fol rok Got, ma aram mada kun guy ni bochan e ke fek Got.#Heb 11:5
25Nap’an ni gaman 187 e duw rok Methuselah, min gargeleg bochi pagel ni fak ni Lamek, 26tomuren ni kan gargeleg Lamek miki par Methuselah nib fos ni 782 e duw. Miki fakay boch e bitir 27me yim’ nike gaman 969 e duw rok.
28Nap’an ni gaman 182 e duw rok Lamek, min gargeleg bochi pagel ni fak 29me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.#5:29 NOAH: Re ngachal ney ni Hebrew e gowa fare bbugithin ni “toffan.” 30Tomuren ni kan gargeleg Noah miki par Lamek nib fos ni 595 e duw. Miki fakay boch e bitir 31me yim’ nike gaman 777 e duw rok.
32Ma fa’an ni gaman 500 e duw rok Noah, me fakay dalip i pagel, ni aram Shem, Ham nge Jafeth.
Currently Selected:
Genesis 5: YAP
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2007 Bible Society of Micronesia. Released under the Creative Commons CC-BY-SA license 4.0.