ᒉᓂᓯᔅ 22
22
ᐁᐸᕒᐊᐋᒻ ᑮᑲᓅᓂᓐᒡ ᒋᐸᑭᑎᓈᒡ ᐋᐃᓯᑰᓐ
1 # Heb 11.17-19. ᓈᓈᑫ ᑕᔥ ᐁᐊᓂ ᐃᔑᓭᓂᒃ, ᐁᐸᕒᐊᐋᒻ Abraham ᐅᑮ ᑲᑴᒋᐃᑰᓐ ᑭᔐᒪᓂᑑᓐ᙮ ᒦᑕᔥ ᐅᐅ ᑳᐃᑯᒡ, ᐁᐸᕒᐊᐋᒻ᙮
ᐅᐅ ᑕᔥ ᐅᑮ ᐃᔑ ᓇᑴᑕᐙᓐ, ᐅᐅᒫ ᓂᑕᔮ᙮
2 # 2Ch 3.1. ᐅᐅ ᑕᔥ ᑭᔐᒪᓂᑑᓐ ᐅᑮᐃᑰᓐ, ᑕᑲ ᓅᑯᒻ ᒫᒌᔥ ᑭᑯᓯᔅ ᑳᒥᒋ ᐯᔑᑯᒡ ᐋᐃᓯᒃ Isaac, ᐋᐱᒋ ᑳᔕᐌᓂᒪᒡ᙮ ᐌᑎ ᐃᔑᐎᔥ ᒧᕒᐋᔮ Moriah ᐊᑮᕽ᙮ ᑫᐙᐸᑕᐃᓈᓐ ᑕᔥ ᐯᔑᒃ ᑭᒋ ᐗᒋᐤ, ᒦ ᓴ ᐃᐌ ᑫᔑ ᐸᑭᑎᓇᒡ ᐊᐊ ᑭᑯᓯᔅ ᒋᐸᑭᑎᓈᓱᐙᑫᔭᓐ, ᓃᓐ ᒋᒦᔑᔭᓐ, ᐅᑮᐃᑰᓐ᙮
3ᐐᐸᑭᔐᑉ ᑕᔥ ᐁᐸᕒᐊᐋᒻ ᑮᐗᓂᔥᑳ, ᐅᑮ ᑾᔮᒋ ᐅᔑᑑᓇᓐ ᐙᐸᑭᑎᓇᕽ ᐊᐲ ᐐᐸᑭᑎᓈᓱᒡ, ᐁᑮ ᐅᓇᐱᓈᒡ ᐅᒫᔑᒥᑕᑎᒨᒪᓐ᙮ ᓃᔑᓐ ᑕᔥ ᑲᔦ ᐅᑕᓄᑮᐋᑲᓇᐞ ᐅᑮ ᑕᑯ ᐐᒌᐙᐞ, ᑮᒫᒌᓈᒡ ᐅᑯᓯᓴᓐ ᐋᐃᓯᑰᓐ Isaac᙮ ᒦᑕᔥ ᑳᐃᔑ ᐸᓯᑸᒡ ᐁᑮ ᐃᔖᒡ ᐋᑎ ᑭᔐᒪᓂᑑᓐ ᑳᑮᐃᑯᒡ ᒌᔖᒡ᙮ 4ᐁᐊᓂ ᓂᓱᑯᓇᑳᓂᒃ ᑕᔥ ᐁᐸᕒᐊᐋᒻ ᐅᑮ ᑌᐹᐸᑖᓐ ᑳᑮᐃᓂᓐᒡ ᒌᔖᒡ᙮ 5ᐁᐸᕒᐊᐋᒻ ᑕᔥ ᐅᑮᐃᓈᐞ ᐅᑕᓄᑮᐋᑲᓇᐞ, ᒦ ᐅᒫ ᐊᔮᒃ, ᐊᐊ ᑲᔦ ᒫᔑᒥᑕᑎᒻ᙮ ᓃᓇᐎᓐᑦ ᑕᔥ ᐐᓐ ᐊᐊ ᑸᐎᓭᔅ ᐌᑎ ᓇᐗᒡ ᐙᓴ ᓂᐐ ᐃᔖᒥᓐ, ᐁᐐ ᐊᐎ ᐊᓇᒥᐋᔮᕽ, ᓂᑲ ᐱ ᐊᔐ ᑮᐌᒥᓐ ᑕᔥ ᐊᐲ, ᐅᑮᐃᓈᐞ᙮
6ᐁᐸᕒᐊᐋᒻ ᑕᔥ ᐅᑮ ᐅᑖᐱᓈᓇᓐ ᒥᓴᓐ ᑫᐋᐸᒋᑑᐙᒡ ᐴᑕᐌᐙᒡ ᐐᐸᑭᑎᓈᓱᐙᒡ, ᐁᑮ ᒦᓈᒡ ᐋᐃᓯᑰᓐ ᒋᐱᒥᐎᑑᓂᒡ᙮ ᐐᓐ ᑕᔥ ᑳᑮ ᑭᔖᔐᓂᒃ ᑳᐃᔥᒀᑭᔐᓂᒃ, ᒨᑯᒫᓐ ᑲᔦ ᐅᑮ ᐱᒥᐎᑑᓐ᙮ ᒦᑕᔥ ᑳᐃᔑ ᒫᒑᐙᒡ ᐁᑮ ᐊᓂ ᓃᔓᐅᐅᓭᐙᒡ᙮ 7ᐋᐃᓯᑰᓐ ᑕᔥ ᐅᑮᐃᑰᓐ, ᓂᑌᑌ᙮
ᒦᔥ ᑳᐃᔑ ᓇᑴᑖᐙᒡ, ᐅᐅᒫ ᓂᑕᔮ ᓂᑯᓯᔅ, ᐅᑮᐃᓈᓐ᙮
ᐋᐃᓯᑰᓐ ᑕᔥ ᐅᑮᐃᑰᓐ, ᐃᓇᔥᑫ ᑭᑕᔮᓐ ᐃᔥᑾᑭᔐ ᐙᐴᑕᐙᑫᔭᓐ, ᒥᓴᓐ ᑲᔦ ᑭᑕᔮᓇᓐ, ᐋᑎ ᑕᔥ ᐊᐊ ᒫᓇᒑᓂᔐᔅ ᑫᐸᑭᑎᓈᓱᐙᑫᔭᕽ, ᐅᑮᐃᑰᓐ᙮
8ᐁᐸᕒᐊᐋᒻ ᑕᔥ ᑮᐃᑭᑐ, ᑭᔐᒪᓂᑑ ᓴ ᑕᐅᑎᓇᒫᓱ ᒫᓇᒑᓂᔐᓴᓐ ᑫᐋᐸᑎᓯᓂᒡ ᐐᐸᑭᑎᓈᓱᐎᓐᒡ, ᑮᐃᑭᑐ᙮ ᒦᔥ ᑳᐊᓂᔑ ᓃᔓᐅᐅᓭᐙᒡ ᐃᓂ ᐅᑯᓯᓴᓐ᙮
9 # Jas 2.21. ᐊᐲ ᑕᔥ ᐁᑮ ᐊᓂ ᑕᑯᔑᓄᐙᒡ ᑭᔐᒪᓂᑑᓐ ᑳᑮᐃᑯᐙᒡ ᒌᔖᐙᒡ, ᐁᐸᕒᐊᐋᒻ ᑮᐅᓈᐱᑭᓂᑫ, ᒥᓴᓐ ᑲᔦ ᐅᑮ ᐅᓈᑯᓯᑑᓇᓐ ᐃᐃᒫ ᐗᑭᒐᔭᐄ᙮ ᒦᑕᔥ ᑳᐃᔑ ᒪᒫᒋᑾᐱᓈᒡ ᐅᑯᓯᓴᓐ ᐁᑮ ᐱᒥᔑᒫᒡ ᐃᐃᒫ ᐅᓈᐱᑭᓂᑲᓂᕽ, ᐗᑭᒋ ᒥᔑ ᑲᔦ᙮ 10ᐁᐸᕒᐊᐋᒻ ᑕᔥ ᐅᑮ ᐅᑖᐱᓈᓐ ᒨᑯᒫᓐ ᐁᐐ ᓂᓵᒡ ᐃᓂ ᐅᑯᓯᓴᓐ᙮ 11ᑳᑎᐯᒋᑫᓂᒡ ᐅᑌᒐᓬᐃᒥᓂ angel ᑕᔥ ᐅᑮ ᑲᓅᓂᑰᓐ ᐁᑮᐃᑯᒡ, ᐁᐸᕒᐊᐋᒻ ᐁᐸᕒᐊᐋᒻ᙮
ᒦᔥ ᑳᐃᔑ ᓇᑴᑕᕽ, ᐅᐅᒫ ᓂᑕᔮ᙮
12ᒦᑕᔥ ᑳᐃᑯᒡ, ᑫᑯ ᑫᑰᓐ ᑑᑕᐙᑫᓐ ᑫᐅᒋ ᐐᓴᑫᑕᕽ ᐊᐊ ᑭᑯᓯᔅ᙮ ᓅᑯᒻ ᑕᔥ ᓂᑭᑫᑖᓐ ᐁᑭᑌᓂᒪᒡ, ᐁᓇᐃᑕᐗᒡ ᑲᔦ ᑭᔐᒪᓂᑑ, ᐋᓃᔥ ᑳᐐᓐ ᐊᐙᒡ ᐸᑮ ᑭᓵᑭᑕᒪᐎᓰ ᐊᐊ ᑳᒥᒋ ᐯᔑᑯᒡ ᑭᑯᓯᔅ᙮
13ᐁᐸᕒᐊᐋᒻ ᑕᔥ ᑮᐊᔨᓈᐱ, ᑌᐺ ᐄᑐᒃ ᐅᑮ ᐙᐸᒫᓐ ᐊᔮᐯ ᒫᓇᒑᓂᔕᓐ ᐁᑭᒋᐙᑾᒋᓂᒡ ᐅᑌᔥᑲᓂᓃᕽ ᑳᑮ ᐃᔑ ᐱᑾᑯᐹᓂᒃ᙮ ᒦᑕᔥ ᑳᐃᔑ ᓈᓯᑲᐙᒡ ᐃᓂ ᐊᔮᐯ ᒫᓇᒑᓂᔕᓐ ᐁᑮ ᐸᑭᑎᓈᓱᐙᑫᒡ, ᑳᐐᓐ ᑕᔥ ᒣᒬᒡ ᐅᑯᓯᓴᓐ ᐅᑮ ᐸᑭᑎᓈᓰᓐ᙮ 14ᒦᑕᔥ ᐅᐅ ᑳᐃᔑᓂᑳᑕᕽ ᐃᐃᒫ ᑳᑮ ᐃᔑᐊᔮᐙᒡ, ᑳᑎᐯᒋᑫᒡ ᑳᔑ ᐅᑎᓇᒫᑫᒡ᙮ ᓅᑯᒻ ᑕᔥ ᑫᔮᐱ ᑳᑮᔑᑲᒃ ᐃᔑᓂᑳᑌ, ᑳᑎᐯᒋᑫᒡ ᐅᑭᒋ ᐗᒌᒥᕽ ᐃᔑ ᐅᑎᓇᒫᑫ᙮
15ᑳᑎᐯᒋᑫᓂᒡ ᐅᑌᒐᓬᐃᒥᓂ ᑕᔥ ᒦᓇᐙ ᐅᑮ ᑲᓅᓂᑰᓐ ᐁᐸᕒᐊᐋᒻ, 16#Heb 6.13,14. ᓃᓐ ᓴ ᐱᑯ ᓂᐐᓱᐎᓐ ᓂᑖᐸᒋᑑᓐ ᐅᐅ ᑳᔑ ᐊᐱᒧᔮᓐ᙮ ᑫᐃᓂᓈᓐ ᓴ ᐋᐱᒋ ᑭᑲ ᐌᓅᒋ ᔕᐌᓂᒥᑰᓐ ᐋᓃᔥ ᑭᑮ ᐃᔑᒋᑫ ᑳᑮᐃᓂᓈᓐ᙮ ᑳᐐᓐ ᑲᔦ ᑭᑮ ᓵᑭᑕᒪᐎᓰ ᑳᒥᒋ ᐯᔑᑯᒡ ᑭᑯᓯᔅ᙮ 17#Heb 11.12. ᑫᑫᑦ ᑕᔥ ᑭᑲ ᑭᒋ ᔕᐌᓂᒥᓐ, ᐋᐱᒋ ᓴ ᓂᑲ ᐃᔑᐋᒃ ᑭᐱᐌᓰᒪᒃ ᒋᑕᔑᐙᒡ ᑖᐱᔥᑰ ᐗᓇᑯᔕᒃ ᑳᑕᔑᐙᒡ ᐃᔥᐱᒥᕽ ᑮᔑᑯᕽ, ᑳᑕᓶᐙᐗᑲᒃ ᑲᔦ ᒥᑖᐗᕽ ᓈᓀᐤ ᑭᒋᑲᒦᕽ᙮ ᑭᐲᐌᓰᒪᒃ ᓴ ᑲᔦ ᐅᑲ ᔖᑰᒋᐋᐙᐞ ᑫᒦᑳᓂᑯᐙᒡ᙮ 18#Act 3.25. ᐃᐃᒫ ᓴ ᑭᐲᐌᓰᒥᕽ ᑳᑕᓶᐙᓇᑭᓯᐙᒡ ᐯᒫᑎᓯᐙᒡ ᐅᐅᒫ ᐊᑮᕽ ᐁᔮᐙᒡ ᑕᐅᒋ ᔕᐌᑖᑯᓯᐗᒃ ᐋᓃᔥ ᑮᓐ ᑭᑮ ᓇᐃᑕᐤ ᑳᑮ ᐃᔑ ᑲᓅᓂᓈᓐ, ᐅᑮᐃᑰᓐ᙮ 19ᐁᐸᕒᐊᐋᒻ ᑕᔥ ᑮᑮᐌ ᐃᔖ ᑳᑮ ᐃᔑ ᓇᑲᓈᒡ ᐅᑕᓄᑮᐋᑲᓇᐞ᙮ ᒦᑕᔥ ᑳᐊᓂ ᐃᔖᐙᒡ ᐆᑌᓈᕽ ᐲᐊᕒᔒᐸ Beersheba ᑳᑮ ᐃᔑᓂᑳᑌᓂᒃ᙮ ᒦᑕᔥ ᐃᐃᒫ ᐁᐸᕒᐊᐋᒻ ᑳᐃᔑ ᑲᐯᔑᒡ᙮
ᓀᐅᕒ ᐅᐲᐌᓰᒪᐞ ᐁᑕᔑᒥᒥᓐᒡ
20ᓈᓈᑫ ᑕᔥ ᐁᐸᕒᐊᐋᒻ Abraham ᐅᑮ ᑭᑫᑖᓐ, ᒥᓬᑲᐗᓐ Milcah ᓂᔣᓱ 8 ᐊᐱᓅᒌᔕᐞ ᐁᑮ ᓂᑖᐎᑭᐋᑕᒪᐙᓂᒡ ᐃᓂ ᐐᒋᑭᐌᔭᓐ ᓀᐅᕒ Nahor ᑳᐃᔑᓂᑳᓱᓂᒡ᙮ 21ᒦᔥ ᐅᐅ ᑳᐃᔑᓂᑳᓱᓂᒡ, ᐊᔅ Uz ᓂᑕᒻ ᑳᓂᑖᐎᑭᓂᒡ, ᐹᔅ Buz, ᑫᒻᔪᐌᓬ Kemuel ᑳᑮ ᐅᑯᓯᓯᓂᒡ ᐁᕒᐊᒪᓐ Aram, 22ᑫᓴᑦ Chesed, ᐁᓱ Hazo, ᐱᓬᑖᔥ Pildash, ᒋᑦᓬᐊᑉ Jidlaph, ᑲᔦ ᐯᑦᔪᐁᓬ Bethuel᙮ 23ᐯᑦᔪᐁᓬ ᓴ ᑮᐊᓂ ᐅᑖᓂᓯ ᐅᕒᐃᐯᑲᐗᓐ Rebekah᙮ ᒦᐗᐞ ᐅᐅ ᓂᔣᓱ 8 ᑸᐎᓭᓴᐞ ᑳᑮ ᓂᑖᐎᑭᐋᓂᒡ ᐃᓂ ᒥᓬᑲᐗᓐ ᓀᐅᕒᐊᓐ Nahor ᑳᑮ ᐅᓈᐯᒥᓂᒡ᙮ ᐁᐸᕒᐊᐋᒻ ᐄᑐᒃ ᑎᐱᓇᐌ ᑮᐅᐐᒋᑭᐌ ᐃᓂ ᓀᐅᕒᐊᓐ᙮ 24ᐃᓂ ᑕᔥ ᐐᓐ ᐅᑖᓂᑫ ᐐᐎᓂ ᐅᕒᐆᒪ Reumah ᑳᐃᔑᓂᑳᓱᓂᒡ, ᐅᑮ ᓂᑖᐎᑭᐋᓂ ᐅᐅ ᑳᑮ ᐃᔑᓂᑳᓱᓂᒡ ᑏᐸ Tebah, ᑫᐊᒻ Gaham, ᑌᐊᔥ Tahash, ᐃᓂ ᑲᔦ ᒣᐊᑲ Maacah ᑳᑮ ᐃᔑᓂᑳᓱᓂᒡ᙮
Currently Selected:
ᒉᓂᓯᔅ 22: OJBS
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Ojibwe Shorter Bible (Syllabic Script) © 2008 Canadian Bible Society