ᒉᓂᓯᔅ 16
16
ᓭᕒᐊᐄ, ᐁᑳᕒ ᐃᑕᔥ ᐁᑕᔑᓱᐙᒡ
1ᓭᕒᐊᐄ Sarai ᑕᔥ ᐁᐸᕒᐊᒪᓐ Abram ᑳᑮ ᐅᓈᐯᒥᒡ ᑳᐐᓐ ᐅᑮ ᑲᔥᑭᑑᓰᓐ ᒋᐊᔮᑕᒪᐙᒡ ᐅᓈᐯᒪᓐ ᐊᐱᓅᒌᔕᐞ᙮ ᐅᑮ ᐊᔮᐙᓐ ᑕᔥ ᐃᑴᐎ ᐅᐸᒦᑖᑫᓐ ᐄᒋᐸᑮᕽ ᐌᒌᓂᒡ, ᐁᑳᕒ Hagar ᐁᐃᔑᓂᑳᓱᓂᒡ᙮ 2ᓭᕒᐊᐄ ᑕᔥ ᐅᑮᐃᓈᓐ ᐅᓈᐯᒪᓐ ᐁᐸᕒᐊᒪᓐ, ᐃᓇᔥᑫ ᓴ ᑳᑎᐯᒋᑫᒡ ᑳᐐᓐ ᓂᐸᑭᑎᓂᑯᓰ ᒋᐊᔮᐎᒪᒃ ᐊᐱᓅᒌᔕᐞ᙮ ᑕᑲ ᓈᓯᑲᐤ ᑳᐸᒦᑕᐎᒡ ᐃᑴ ᒋᐐᐯᒪᒡ; ᒫᑭᔖ ᒦ ᐃᒫ ᑫᐅᑎᓇᒀ ᐊᐱᓅᒌᔕᒃ, ᐅᑮᐃᓈᓐ᙮ ᐁᐸᕒᐊᒻ ᑕᔥ ᑮᐃᓀᑕᒻ ᐃᐃ ᑳᑮ ᐃᑭᑐᓂᒡ ᓭᕒᐊᐄᐗᓐ᙮ 3ᒦᑕᔥ ᓭᕒᐊᐄ ᑳᑮ ᒦᓈᒡ ᐅᓈᐯᒪᓐ ᒋᐐᐎᓂᒡ ᐃᓂ ᐁᑲᕒᐆᓐ᙮ ᐋᔕ ᒥᑖᓱ ᐱᐴᓐ ᐅᐅ ᐃᔑ ᐊᐲ ᐁᐸᕒᐊᒻ ᑮᐃᔑᑖᑯᐸᓐ ᐃᐃᒫ ᑫᓇᓐ Canaan ᐊᑮᕽ᙮ 4ᐁᐸᕒᐊᒻ ᐅᑮ ᓈᓯᑲᐙᓐ ᐁᑲᕒᐆᓐ ᐁᑮ ᐐᐯᒫᒡ, ᒦᔥ ᑳᐃᔑ ᑭᑭᔥᑲᐙᐗᓱᓂᒡ᙮ ᐊᐲ ᑕᔥ ᐁᑭᑫᑕᒥᓂᒡ ᐁᑭᑭᔥᑲᐙᐗᓱᓂᒡ, ᒦ ᐃ ᑳᐃᔑ ᒫᒌ ᐋᓇᐌᓂᒫᓂᒡ ᐅᑑᑭᒫᑴᒥᓂ᙮
5ᓭᕒᐊᐄ ᑕᔥ ᐅᑮᐃᓈᓐ ᐅᓈᐯᒪᓐ ᐁᐸᕒᐊᒪᓐ, ᑕᑲᐃ ᑳᔑ ᒫᔑ ᑑᑖᑰᔮᓐ ᑮᓐ ᑭᑲ ᐸᑲᒥᔥᑳᑰᓐ᙮ ᓃᓐ ᐄᑐᒃ ᑭᑮ ᒦᓂᓐ ᐊᐊ ᐃᑴ ᑳᐸᒦᑕᐎᒡ, ᐃᓇᔥᑫ ᑕᔥ ᓅᑯᒻ ᐁᑭᑫᑕᕽ ᐁᑭᑭᔥᑲᐙᐗᓱᒡ, ᓂᑖᓇᐌᓂᒥᒃ᙮ ᑕᑲ ᑳᑎᐯᒋᑫᒡ ᑭᑲ ᐅᓈᑯᓂᑯᓈᓐ ᑮᓇᐎᓐᑦ ᑳᔑ ᓃᔑᔭᕽ ᐊᐌᑴᓐ ᑳᑾᔭᑯᒋᑫᑴᓐ! ᐅᑮᐃᓈᓐ᙮
6ᐅᓈᐯᒪᓐ ᑕᔥ ᐁᐸᕒᐊᒪᓐ ᐅᑮᐃᑰᓐ, ᑮᓐ ᐄᑐᒃ ᑭᑎᐯᓂᒫ ᐊᐊ ᐊᓄᑮᐋᑲᓐ ᒋᑑᑕᐗᒡ ᐋᓃᓐ ᐃᑯ ᑫᔑ ᒥᓍᐸᑕᒪᓐ, ᐅᑮᐃᑰᓐ᙮ ᓭᕒᐊᐄ ᑕᔥ ᑳᐐᓐ ᑾᔭᒃ ᐅᑮ ᑑᑕᐙᓰᓐ ᐁᑳᕒᐆᓐ, ᒦᔥ ᑳᐃᔑ ᒫᒌᐸᐃᐌᓂᒡ᙮
7ᐅᑌᒐᓬᐃᒥᓂ ᑳᑎᐯᒋᑫᓂᒡ ᑕᔥ ᐅᑮ ᐅᑎᓯᑰᓐ ᐁᑳᕒ ᐁᐊᔮᒡ ᐱᑾᑕᑲᒥᒃ ᐁᔑ ᒨᑭᒋᐗᓂᓂᒃ ᓂᐱ᙮ ᒦ ᓴ ᐃᐌᓂ ᒨᑭᒋᐎᓂᐱ ᑳᑮ ᐊᔮᓂᒃ ᒌᑭᑲᓇ ᐁᓇᒧᓂᓂᒃ ᐌᑎ ᐱᑾᑕᑲᒥᒃ ᔔᕒ Shur ᐁᒋᑳᑌᓂᒃ᙮ 8ᒦᑕᔥ ᑳᐃᑯᒡ, ᐁᑳᕒ, ᐌᑕᓄᑮᐋᑲᓂᒥᒃ ᓭᕒᐊᐄ, ᐋᓃᑎ ᑳᐱ ᐅᒌᔭᓐ, ᐋᓃᑎ ᑲᔦ ᐁᔖᔭᓐ? ᐅᑮᐃᑰᓐ᙮
ᐅᐅ ᑕᔥ ᐅᑮ ᐃᔑ ᓇᑴᑕᐙᓐ, ᓂᒫᒌᐸᐃᐙᓈ ᐅᔕ ᓂᑑᑭᒫᑴᒻ ᓭᕒᐊᐄ, ᐅᑮᐃᓈᓐ᙮
9ᐅᐅ ᑕᔥ ᐅᑮᐃᑰᓐ ᐅᑌᒐᓬᐃᒥᓂ ᑳᑎᐯᒋᑫᓂᒡ, ᑮᐌ ᓈᓯᑲᐤ ᑭᑑᑭᒫᑴᒻ, ᐱᓵᓐ ᐸᑭᑎᓂᑎᓱᓐ ᒋᑎᐯᓂᒥᒃ, ᐅᑮᐃᑰᓐ᙮ 10ᒦᑕᔥ ᑳᐊᓃᑯᒡ, ᓂᑲ ᐃᔑᐋᒃ ᓴ ᑭᐲᐌᓰᒪᒃ ᒋᐊᓂ ᑭᒋ ᐹᑏᓄᐙᒡ, ᑳᐐᓐ ᑕᑲᔥᑭᐋᓰᐗᒃ ᒋᐊᑭᒥᑣ ᑫᐊᐲᒋ ᐹᑏᓄᐙᒡ᙮ 11ᐅᑮ ᐊᓂᐃᑰᓐ ᑕᔥ, ᐃᓇᔥᑫ ᓴ ᑭᑭᑭᔥᑲᐙᐗᔅ, ᑸᐎᓭᔅ ᑕᔥ ᑭᑲ ᐊᔮᐙ᙮ ᐃᔥᒣᔭᓬ Ishmael ᓴ ᑭᑲ ᐃᔑᓂᑳᓈ, ᐋᓃᔥ ᑳᑎᐯᒋᑫᒡ ᑭᑮ ᓅᑖᒃ ᐃᐃ ᑳᔑ ᑲᒀᑕᑫᑕᒪᓐ᙮ 12ᒦ ᓴ ᑫᐃᔑᐊᔮᒡ ᑖᐱᔥᑰ ᑳᐋᑲᐎᓯᓯᒃ ᒫᔑᒥᑕᑎᒻ; ᑲᑭᓇ ᓴ ᐊᐎᔭᓐ ᐅᑲ ᔒᑫᓂᒫᓐ, ᑲᑭᓇ ᑲᔦ ᐊᐎᔭᓐ ᐅᑲ ᔒᑫᓂᒥᑰᓐ᙮ ᑳᐐᓐ ᓴ ᑕᐃᔑᑖᓰ ᐁᔑᐊᔮᓂᒡ ᐐᒋᑭᐌᔭᐞ, ᑮᐃᑭᑐᐗᓐ᙮
13ᒦᑕᔥ ᐁᑳᕒ ᑳᐃᔑ ᐐᓈᒡ ᑳᑎᐯᒋᑫᓂᒡ ᑳᑮ ᑲᓅᓂᑯᒡ ᐁᑮ ᐃᔑᓂᑳᓈᒡ, ᑮᓐ ᑭᔐᒪᓂᑑ ᑳᐙᐸᒥᔭᓐ, ᐁᑮ ᐃᑭᑐᒡ ᐁᐙᐸᒪᒃ ᑕᔥ ᑭᔐᒪᓂᑑ, ᔖᑰᒡ ᐃᑕᔥ ᑫᔮᐱ ᓂᐱᒫᑎᔅ? ᑮᐃᑭᑐ᙮ 14ᒦᑕᔥ ᐃᐃᐌ ᐅᑕᐃᐹᓐ ᑳᐅᒋ ᐃᔑᓂᑳᑌᒃ, ᐲᔭᕒ ᓬᐋᐊᐃ ᐅᕒᐆᐃ Beer Lahai Roi᙮ ᒦᑕᔥ ᐁᑭᑑᒪᑲᒃ ᐅᑑᑕᐃᐹᓂᕽ ᐯᒫᑎᓯᒡ ᑳᐙᐸᒥᒡ᙮ ᐃᐃᒫ ᑕᔥ ᓇᓴᐗᔭᐄ ᑲᑌᔥ Kadesh ᐆᑌᓈᕽ, ᐲᕒᐊᑦ Bered ᑲᔦ ᑮᐃᔑᐊᔮ ᐃᐃ ᐅᑕᐃᐹᓐ᙮
15 # Gal 4.22. ᐁᑳᕒ Hagar ᑕᔥ ᐅᑮ ᐊᔮᐙᓐ ᑸᐎᓭᓴᓐ ᑫᐅᑯᓯᓯᓂᒡ ᐁᐸᕒᐊᒪᓐ Abram᙮ ᐃᔥᒣᔭᓬ Ishmael ᑕᔥ ᐅᑮ ᐃᔑᓂᑳᓈᓐ᙮ 16ᐁᐸᕒᐊᒻ ᑕᔥ ᓂᔣᓯᒥᑕᓇᔑᓂᑯᑣᓱ 86 ᑮᑕᓱ ᐱᐴᓉ ᐁᑳᕒᐆᓐ ᑮᓂᑖᐎᑭᑕᒫᑯᒡ ᐃᓂ ᐃᔥᒣᔭᓬᐗᓐ᙮
Currently Selected:
ᒉᓂᓯᔅ 16: OJBS
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Ojibwe Shorter Bible (Syllabic Script) © 2008 Canadian Bible Society