ᒉᓂᓯᔅ 15
15
ᑭᔐᒪᓂᑑ ᑮᐊᔓᑕᒪᐙᒡ ᐁᐸᕒᐊᒪᓐ
1ᐅᐅ ᑕᔥ ᐁᑮ ᐃᔥᒀ ᐃᔑᓭᓂᒃ, ᐁᐸᕒᐊᒻ Abram ᑮᐃᔑᓇᒻ ᐁᑮ ᓅᑕᐙᒡ ᑳᑎᐯᒋᑫᓂᒡ ᐁᑮᐃᑯᒡ, ᑫᑯ ᓭᑭᓯᑫᓐ, ᐁᐸᕒᐊᒻ, ᓃᓐ ᐅᔕ ᑳᐋᑰᔥᑲᐎᓈᓐ᙮ ᑭᑎᐸᐊᒫᑰᐎᓐ ᓴ ᑲᔦ ᐐᑫ ᑕᒥᒑ᙮
2ᐁᐸᕒᐊᒻ ᑕᔥ ᑮᐃᔑ ᓇᑴᑕᒻ, ᑮᓐ ᑳᑎᐯᒋᑫᔭᓐ ᑭᔐᒪᓂᑑ, ᐌᑯᓀᓐ ᑕᔥ ᑫᒦᔑᔭᐸᓐ? ᑳᐐᓐ ᐄᑐᒃ ᐊᐱᓅᒌᔥ ᓂᑕᔮᐙᓰ᙮ ᐊᐊ ᑕᔥ ᑳᐐ ᑎᐯᑕᕽ ᓂᑕᔭᐄᒪᓐ, ᐊᒦ ᐊᐌ ᐁᓬᐃᐄᓴᕒ Eliezer ᐌᑎ ᑎᒫᔅᑲᓯᕽ Damascus ᑳᐅᒌᒡ᙮ 3ᑫᔮᐱ ᑕᔥ ᑮᐊᓂ ᐃᑭᑐ, ᐁᒦᔑᓯᐗᓐ ᑕᔥ ᐊᐱᓅᒌᔕᒃ, ᐯᔑᒃ ᓴ ᑳᐸᒦᑕᒪᐎᒡ ᐅᑲ ᑎᐯᑖᓇᓐ ᓂᑕᔭᐄᒪᓐ, ᑮᐃᑭᑐ᙮
4ᐃᓇᔥᑫ ᑕᔥ ᑳᑎᐯᒋᑫᓂᒡ ᐅᑮᐃᑰᓐ, ᐊᐊ ᓴ ᐃᓂᓂ ᑳᐸᒦᑕᐎᒃ ᑳᐐᓐ ᐊᐊ ᐅᑲ ᑎᐯᑕᓰᓇᓐ ᑭᑕᔭᐄᒪᓐ; ᐊᐊ ᓴ ᐱᑯ ᑭᐐᔭᐎᕽ ᑳᐐ ᐅᒌᒡ, ᒦ ᓴ ᐊᐌ ᑫᑎᐯᑕᕽ ᑭᑕᔭᐄᒪᓐ, ᐅᑮᐃᑰᓐ᙮ 5#Rom 4.18; Heb 11.12. ᐊᑾᒌᕽ ᑕᔥ ᑳᑎᐯᒋᑫᓂᒡ ᐅᑮ ᐃᔑᐎᓂᑰᓐ ᐁᑮᐃᑯᒡ, ᐃᓇᔥᑫ ᑭᒋ ᑮᔑᑯᕽ ᐃᓈᐱᓐ, ᑲᑴᒋ ᐊᑭᒻ ᐗᓇᑯᔕᒃ ᑕᑲ ᒋᑲᔥᑭᑑᐗᓀᓐ᙮ ᒦ ᓴ ᑫᑕᔑᐙᒡ ᑭᐲᐌᓰᒪᒃ ᑳᑕᔑᐙᒡ ᐗᓇᑯᔕᒃ, ᐅᑮᐃᑰᓐ᙮
6 # Rom 4.3; Gal 3.6; Jas 2.23. ᐁᐸᕒᐊᒻ ᓴ ᑕᔥ ᐅᑮ ᑌᐺᑕᐙᓐ ᑳᑎᐯᒋᑫᓂᒡ᙮ ᒦᑕᔥ ᑳᑮ ᐃᓇᑭᒥᑯᒡ ᐁᑾᔭᒀᑎᓯᒡ᙮
7ᐅᐅ ᑕᔥ ᑳᑎᐯᒋᑫᓂᒡ ᐅᑮᐃᑰᓐ, ᓃᓐ ᐅᔕ ᑌᐯᒋᑫᒡ ᑳᑮ ᓵᑭᒋᐎᓂᒃ ᐁᕒ Ur ᐆᑌᓈᕽ, ᑳᓬᑏᔭ Chaldea ᐊᑮᕽ, ᐁᐐ ᒦᓂᓈᓐ ᐅᐅ ᐊᑭ ᑮᓐ ᒋᑎᐱᓇᐌᐎᓯᔭᓐ, ᐅᑮᐃᑰᓐ᙮
8ᐁᐸᕒᐊᒻ ᑕᔥ ᐅᑮ ᑲᑴᒋᒫᓐ, ᑌᐯᒋᑫᔭᓐ ᑭᔐᒪᓂᑑ, ᐋᑎ ᐃᑕᔥ ᑫᑮ ᐅᒋ ᑭᑫᑕᒫᓐ ᓃᓐ ᒋᑎᐱᓇᐌᐎᓯᔮᓐ, ᑮᐃᑭᑐ᙮
9ᐅᐅ ᑕᔥ ᐅᑮ ᐃᔑ ᓇᑴᑖᑰᓐ, ᐲᑕᒪᐎᔑᓐ ᒋᓂᓱᐱᐴᓉᐙᒡ 3 ᐅᔥᑭ ᐱᔑᑭ, ᓅᔐ ᒫᓇᑎᒃ ᑲᔦ, ᐊᔮᐯ ᒫᓇᒑᓂᔥ ᑲᔦ᙮ ᐲᑕᒪᐎᔑᓐ ᑲᔦ ᑭᒋ ᐅᒦᒦ, ᐅᒦᒦᓭᔅ ᑲᔦ᙮ 10ᑲᑭᓇ ᑕᔥ ᐅᑮ ᐲᑕᒪᐙᓐ ᐅᓄ ᑭᔐᒪᓂᑑᓐ, ᒦᑕᔥ ᑳᐃᔑ ᑖᑖᔥᑭᔣᒡ᙮ ᑴᑴᒃ ᐃᑕᔥ ᐅᑮ ᐃᔑ ᐱᒥᔑᒫᐞ ᐁᑮ ᐅᒋᔥᑲᐎᔑᒫᒡ᙮ ᐱᓀᔒᔕᐞ ᐃᑕᔥ ᐐᓐ ᑳᐐᓐ ᐅᑮ ᑖᔥᑭᔣᓰᐞ᙮ 11ᒥᑕᔅᑭᑎᒀᓈᑫᓯᐗᐞ#15.11 ᒥᑕᔅᑭᑎᒀᓈᑫᓯ: ᒦᐗᒃ ᓴ ᐃᑭ ᑭᒋ ᐱᓀᔒᔕᒃ ᑳᒥᑕᔅᑭᑎᒀᓀᐙᒡ ᑳᑮ ᐊᒸᐙᒡ ᐊᔭᐋᐎᔕᐞ ᑳᓂᐳᓂᒡ᙮ ᑕᔥ ᐃᐃᒫ ᑮᐴᓃᐗᐞ ᐁᔑ ᐊᐱᓂᒡ ᐊᔭᐋᐎᔕᐞ᙮ ᐁᐸᕒᐊᒻ Abram ᐃᑕᔥ ᐅᑮ ᐅᔕᐙᐞ᙮
12 # Job 4.13,14. ᐊᐲ ᑕᔥ ᑮᓯᓲᓐ ᐁᐊᓂ ᐸᑭᔑᒧᓂᒡ, ᐁᐸᕒᐊᒻ ᑮᐊᓂ ᑭᒋ ᑭᐸᑭᑾᔑ᙮ ᐐᑫ ᑕᔥ ᑮᑲᔥᑮᑎᐱᑲᓂᓂ ᑮᑯᑖᒋ, ᑮᑲᒀᓂᓴᑲᒪᒋᐅ ᑲᔦ᙮ 13#Exo 1.1-14; Act 7.6. ᑭᔐᒪᓂᑑᓐ ᑕᔥ ᐅᑮᐃᑰᓐ, ᑫᒋᓈᒡ ᓴ ᑭᑫᑕᓐ ᑭᐲᐌᓰᒪᒃ ᒋᐲᐎᑌᐎᐙᒡ ᐌᑎ ᐸᑳᓐ ᐊᑮᕽ᙮ ᒦ ᓴ ᐃᐌᑎ ᑫᑕᔑ ᐸᒦᑖᑫᐙᒡ ᒋᑲᒀᑕᑲᓄᑮᐃᑣ, ᑳᐐᓐ ᑲᔦ ᑾᔭᒃ ᑕᑑᑕᐙᓰᐗᒃ ᓃᐙᒃ 400 ᑕᓱ ᐱᐴᓐ ᒥᓂᒃ᙮ 14#Exo 12.40,41; Act 7.7. ᓂᑲ ᓇᓇᐊᓯᒫᐞ ᐃᑕᔥ ᐃᐃ ᐯᒫᑎᓯᓂᒡ ᑫᑲᒀᑕᑲᓄᑮᐃᑯᐙᒡ ᐌᑎ ᐸᑳᓐ ᐊᑮᕽ᙮ ᐊᐲ ᑕᔥ ᓇᑲᑕᒧᐙᒡ ᐃᐃ ᐊᑮᓂ, ᐐᑫ ᓴ ᑕᑭᒋ ᐌᓅᑎᓯᐗᒃ᙮ 15ᑮᓐ ᐃᑕᔥ ᐐᓐ ᑭᑲ ᐅᑎᓵᐸᑖᓐ ᒋᑭᒋ ᐊᑭᐌᓰᐎᔭᓐ᙮ ᐌᐌᓂ ᓴ ᑭᑲ ᓂᑉ, ᒦᔥ ᒋᓇᐃᓂᑰᔭᓐ᙮ 16ᐹᓂᒫ ᑕᔥ ᓃᐐᕽ ᑮᐊᓂ ᐋᓂᑫ ᐊᔮᐙᒡ ᑭᐲᐌᓰᒪᒃ ᒦᑕᔥ ᐃᐃ ᐸᔦᔥ ᐅᐅᒫ ᐊᑮᕽ ᒋᐱ ᑕᑯᔑᓄᐙᒡ, ᐋᓃᔥ ᑳᐐᓐ ᒪᔑ ᐅᒋᒋᓭᓯᓂᓂ ᒋᓇᓇᐊᓴᒀᐸᓐ ᐁᒧᕒᐄ Amorites ᑳᑎᓄᐎᐙᒡ ᐁᔑ ᒪᒫᔒᐙᒡ, ᐅᑮᐃᑰᓐ᙮
17ᐊᐲ ᑕᔥ ᑮᓯᓲᓐ ᑳᐸᑭᔑᒧᓂᒡ, ᐐᑫ ᐁᑲᔥᑮᑎᐱᑲᓂᓂᒃ, ᐅᑮ ᐙᐸᒫᓐ ᐃᑕᔥ ᐃᔥᑯᑌ ᐊᑭᑾᓐ ᐁᐹᔥᑭᓀᓱᓂᒡ, ᐃᐃ ᑲᔦ ᐙᓴᑯᓀᒋᑲᓐ ᐁᐃᔥᑯᑌᐗᓂᓂᒃ ᐃᐃᒫ ᐁᐱᐱᒥ ᐊᔮᓂᒃ ᓇᓴᐗᔭᐄ ᐁᔑᐊᔮᓂᒡ ᐊᔭᐋᐎᔕᐞ ᑳᑮ ᑖᔥᑭᔣᒡ᙮ 18#Act 7.5. ᒦᑕᔥ ᐃᐃ ᐁᑮᔑᑲᓂᓂᒃ ᑭᔐᒪᓂᑑᓐ ᐁᐸᕒᐊᒻ ᑳᑮᐃᔑ ᐊᔓᑕᒫᑯᒡ ᐁᑮᐃᑯᒡ, ᑭᐲᐌᓰᒪᒃ ᓴ ᓂᒦᓈᒃ ᐅᐅ ᐊᑭ, ᒋᐅᒋ ᒫᒋᓭᓂᒃ ᓰᐲᕽ ᐄᒋᐸᑮᕽ ᐁᔮᓂᒃ, ᐲᓂᔥ ᐌᑎ ᑭᒋ ᓰᐱᕽ ᐃᔫᐸᕒᐁᑏᔅ Euphrates; 19ᐅᑕᑮᒥᓂ ᑲᔦ ᐃᐃ ᑮᓃ Kenites ᑳᑎᓄᐎᐙᒡ, ᑫᓂᓰ Kenizzites ᑳᑎᓄᐎᐙᒡ, ᑳᑦᒪᓃ Kadmonites ᑳᑎᓄᐎᐙᒡ, 20ᔑᑾ ᐁᑦ Hittites ᑳᑎᓄᐎᐙᒡ, ᐯᕒᐃᓰ Perizzites ᑳᑎᓄᐎᐙᒡ, ᐅᕒᐁᐹ Rephaites ᑳᑎᓄᐎᐙᒡ, 21ᐁᒧᕒᐄ Amorites ᑳᑎᓄᐎᐙᒡ, ᑫᓇᓐ Canaanites ᑳᑎᓄᐎᐙᒡ, ᑭᕒᑲᔒ Girgashites ᑳᑎᓄᐎᐙᒡ, ᔑᑾ ᒌᐸᔅ Jebusites ᑳᑎᓄᐎᐙᒡ᙮
Currently Selected:
ᒉᓂᓯᔅ 15: OJBS
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Ojibwe Shorter Bible (Syllabic Script) © 2008 Canadian Bible Society