Iivesi zeBhayibhile ezithandwayo ezisuka Baroma 12

Share

Mu si ke mwa ikenya hahulu ku za lifasi le, kono mu tuhele Mulimu a mi fetule mwahali, a fetule minahano ya mina. Kihona mu ta kona ku utwisisa s'a lata Mulimu, se ili se sinde, se si mu tabisa, ni se si kondile.

Cwale banabahesu, Mulimu h'a lu bonisize sishemo sa hae ka nzila ye cwalo, na mi lapela kuli mu mu fe bupilo bwa mina inge sitabelo, ili sitabelo se si kenile, mi se si ka mu tabisa. Ki ona mukwa wa niti wa ku sebeleza Mulimu.

Mu be ni tabo kabakala sepo ya mina. Mu tiye lipilu mwa manyando, mi mu lapele ka mutundamenyi.

U si ke wa komwa ki bumaswe, kono u kome bumaswe ka bunde.

Mu latane sina mo ba latanela batu ni bahabobona, mu nze mu kutekana ka musa.

Lilato li swanezi ku ba la niti luli. Mu toye se si maswe, mi mu kumalele ku se sinde.

Mu like mo mu konela kaufela ku pila ka kozo ni batu kamukana.

Mu si ke mwa kutisa bumaswe, balikani ba ka, kono mu tuhele buhali bwa Mulimu bu lukise litaba. Kakuli ku ñozwi kuli, “Ki na ya ta kutiseza. Ki na ya ta likanyisa, ku bulela Mulena.”

Mu sebeze ka tata, mi mu si ke mwa ba buzwa. Mu sebeleze Mulena ka pilu ye na ni mafulofulo.

Kabakala mpo ya sishemo y'a ni file Mulimu, ni mi bulelela cwana kaufel'a mina. Mu si ke mwa ikupula kuli mu ba batuna hahulu ku fita mo mu inezi. Mu be ni mihupulo ye bonisa ku ishuwa kwa mina, mi yo muñwi ni yo muñwi wa mina a ikatule ka tikanyo ya tumelo y'a mu file Mulimu.

Haiba mutu a mi eza maswe, mu si ke mwa mu eza maswe ni mina. Mu eze kamita zeo mu ikutwa kuli ki ze nde kwa batu kamukana.

Mu be ni moya u li muñwi kwa batu kaufela. Mu si ke mwa ikuhumusa, kono mu eze ka buikokobezo ze nyinyani ze mu kupiwa ku eza. Mu si ke mwa ipona butali.

Mi hape ku ñozwi kuli, “Haiba ya ku toile a shwile tala, u mu fe lico. Haiba a nyolilwe, u mu fe mezi. Ka ku eza cwalo, u ka mu zieza ni ku mu swabisa.”

Mu kupe Mulimu ku tohonolafaza ba ba mi nyandisa. Mu mu kupe ku ba fuyaula, isiñi ku ba kuta! Mu tabe ni ba ba tabile, mi mu lile ni ba ba lila.

Mu ikabele ze mu na ni zona ni banabahabo mina ba balumeli ha ba li tokwile, mi mu amuhele hande baenyi.

Lu na ni lilama ze ñata fa mubili u li muñwi, mi lilama zeo kaufela li eza misebezi ye fapahana. Kamukwaoswana, niha lu li ba bañata cwalo ni luna, lu mubili u li muñwi ku Kreste, mi lu ngungahanyizwe yo muñwi ku yo muñwi sina lilama ze fapahani za mubili u li muñwi.