Iivesi zeBhayibhile ezithandwayo ezisuka San Lucas 3

Share

Wi Jesús kwchobnis worñee no kchoobnis Juan kchësy meñ. Aan mentre noyutiitsni Jesús Dios, lëë kpaa byaly aan lëë xKyalbini Ntson Dios sëëd sëëb sinak tu palom byab lady xaa. Ni lëë xaa biñ tsiy tu xaa nii xñee: —Lii nak xiñaa. Xkëstyoon lii. Naa kwlel.

Per lëë Juan chëb lo meñ: —Nli naa xchoobnis lëë do con nis, per lëë xaa nii kiid tsiñee lëën kpi kchoobnis meñ nii kniladzy xtiits Dios con Kyalbini Ntson, ni lëë xaa ksaksi meñ nii knilasty con ki. Por mastre non xaa lon, ni parñee sinchuñaa kxakaa tuukidy lab xaa xkiiñdyaa.

Kol kpañ sinak xñabey Dios parñee kak nyoo nii nli lëë do ptikche styoo do lo Dios. Kak nyaady to nii Abraham nak pxosy to. Por nli xñen schilo kuñ Dios kyo re xiñ Abraham.

Ni lëë kiib yag kaa tse so mbës parñee chug silu yag nii xkyëdy nex, aan lëëw tso lo ki. Singo ktsyool meñ nii xtikchedy styoo lo Dios.

Lëë Juan nak xaa nii xseety profet Isaías worñee pkëë xaa leñ xlibre xaa: Son meñ tsiy xaa tsiñee lëë xaa kñee lo meñ tañ, këb xaa: “Kol kxixkwaa nëz nii tedy xaa nii xñabey. Kol kwii tu nëz tubli. Kchësy laañee kë yoo kyaktsë, ni kchësy laañee sob kiy kyak tubli, kchësy nëz nii xtee vuelt kchooli, ni kchë kyeech nii no lo nëz kyaktsë. Ni kchësy meñ kan kiid xaa nii kteelaa meñ.”