Iivesi zeBhayibhile ezithandwayo ezisuka Lugu 14

Share

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Tɔɓəi nana ɓa gə́ un kag-dəs ləa un ne rəw goom’g el ndá yeḛ askəm to njekwakilam el tɔ.

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Togə́bè ɓa nana ɓa mbuna sí’g gə́ uba néje ləa lai ya̰ el ndá yeḛ askəm to njekwakilam el tɔ.

See na̰ ɓa mbuna sí’g loo gə́ a gə ra kəi gə́ duu dɔ loo ndá see a rəm si naŋg gə mba tura goo laree gə́ a kudu keneŋ koo see a kaskəm rəa tɔlee bém ya wa, nà banelə loo gə́ yeḛ tum gin kəi gə mba ra mba̰ ɓa lar rəa na tas aree oo loo rəa tɔlee bém el ndá dəwje d’a kogee pana: Dəw neelé tum gin kəi gə mba ra, nɛ lé dumee təs.

Nɛ loo gə́ i ra naḭ lé ndá maji kari ɓar njéndooje ləm, gə njé gə́ dəb rɔ dee wəi wɔ-wɔ ləm, gə njémədje ləma, gə njékəmtɔje ləm tɔ. Yen ɓa rɔi a leli ne ɓəi mbata deḛje neelé d’askəm kwa səi noji godə maree’g el, nɛ ndɔ gə́ njémeekarabasurje d’a teḛ bwa-yoo’g ɓa d’a kwa səi noji godə maree’g ɓəi.

Kad lé to né gə́ maji ya, nɛ ɓó lé kad lé tel to dədələ ndá ŋga see ɗi ɓa d’a ra ne karee tel rii gogo ɓəi wa. Lée d’ɔm dɔ naŋg’d loo kára ba ndá naŋgee a majel ləm, əsé dɔ ɓiri-ɓisi’g kara majel ləm tɔ, nɛ d’a kunda gə mee loo pə-pə ɓa. Nana ɓa gə́ mbia to gən ndá maji karee ur mbia oo ne ta nee ya.