1
ST. JOHN 4:24
Ottawa New Testament, Penteteuch and Psalms 1874
Oojechaugoowe suh owh Kesha‐Muhnedoo: egewh dush ahnuhmeätahwahjig, mahnoo oogahezheähnuhmeätahwahwaun emuh oojechaugoowaung kuhya dabwawining.
Thelekisa
Phonononga ST. JOHN 4:24
2
ST. JOHN 4:23
Gagah suh tebishkoosamahgud, me dush noongoom debishkoosag, uhpe egewh quuhyuk anuhmeähjig kaähnuhmeätuhwahwaud enewh Wayoosemindjin emuh oojechaugoowaung kuhya emuh tabwawining: me muh enewh denoowun owh Wayoosemind nanduhwanemahjin cheähnuhmeätahgood.
Phonononga ST. JOHN 4:23
3
ST. JOHN 4:14
Ahwagwan dush kamenequagwan ewh nebee neen kameenug kah wekah tahkishkahbahgwase; ewh dush nebee kameenug tahahtane emuh weyowing ewh oondahebaun mwahkejewunenig emuh kahgega‐bemahdezewining.
Phonononga ST. JOHN 4:14
4
ST. JOHN 4:10
Jesus dush oogenuhquatuhwaun, oo‐oo keënaud, Kishpin kekanduhmunbun ewh oomeegewawin owh Kesha‐Muhnedoo, kuhya anandahgoozid owh, Meenuheshin anik, kedahgenundooduhmahwah, kuhya dush kedahgemeenik ewh bemahdezewine‐nebee.
Phonononga ST. JOHN 4:10
5
ST. JOHN 4:34
Jesus dush oo‐oo oodenaun, Mesuh ewh neen nemeejim cheëzhechegayaun azhenunduhwandung owh kahpeëzhenahzhahood, kuhya chekezhetooyaun ewh ooduhnookewin.
Phonononga ST. JOHN 4:34
6
ST. JOHN 4:11
Oo‐oo dush oodegoon enewh equawun, Tabaningayun, kahween gagoo kedahyaunse neebe‐nahtahgun, demeyahnekahda dush ewh oondahebaun: ahneende dush wandenuhmun ewh bemahdezewine‐nebee?
Phonononga ST. JOHN 4:11
7
ST. JOHN 4:25-26
Owh dush equa oodenaun, Nekekandaun chewetuhgwishing Messias, Christ azhenekahzood; uhpe dush ketuhgwishing, kuhkenuh ahnooj gagoo ningahweendah-mahgoonaun. Jesus dush oodenaun, Neen suh ganoonenaun nindow.
Phonononga ST. JOHN 4:25-26
8
ST. JOHN 4:29
Pewahbuhmik pazhik enene kahweenduhmahwid kuhkenuh ahnooj gagoo kahezhechegayaun: ahwe nuh mahbuh owh Christ?
Phonononga ST. JOHN 4:29
Home
Bible
Plans
Videos