Iivesi zeBhayibhile ezithandwayo ezisuka Saŋ 19

Share

Yensa baruuhi mees ayéj: - Iyoo! H’eñantane ikaan nip ikankaan mees. Adédet! Balóbi nim mees ajíigun k'aniiro.

Angu Yensa n'afeeremne maro dohohunom adédet ayéj: - Naham baaru k'iruuh! Kanda aji úfegi ayéji nim, ki nim apútulin Hañaañeno h’aññaañne fam a gubaarhu biniirohánom.

Agida ayikyik na utaalibeŋo mu Yensa aninkne a hafithinem. Angu Yensa bafégi utaalibeŋo m'aninkne a hafithinem n'awonnáne na a gúbidhu nunom, ayéj nunom: - Ingah! Lahar ummu ininkaman n’ulahne úbákán. Aŋoolin ayéj utaalibeŋo úmár: - Ingah! Lahar ummu ininkaman n'ulahne nunkon. Angu afúrumi a waato ámár, utaalibeŋo úmár adooh nunku Yensa akaanam nunom k’adoohom ba a díkinem.

Angu f'andékne imbi Yensa, anlahunam n'aniiro, k'angu muñmuñindeŋeŋ hananam. Kanda usoldaaro úduko adooh kilibithinem k'acuk Yensa a gusaal. Bacukem, muheeno m'alahunne ingi baaruŋo afúror.

Agida, hómár apútulinne h’aññaañne fam a Hañaañeno. Aññañaañ na anyéj: Dammuñmuñin jahunkunom, haani úngonduk. Nim gaññaañne a Hañaañeno. Mara ñammi básedo muñmuñindeŋeŋ hádiku Yensa. Bíduko aññañaañ a Hañaañeno mees anyéj: Anninghineh wúuro m'ancukne.

andoohálindem dinlihano. Bandoohálindem, andék anfúr a saariŋo. Banfúri a saariŋo, andékirem ba a kantígo k'aretuhne «Jahunku bigofo.» Ingi gúlokunin guhebároŋo «Golgota» ganyéjehne.

Aŋŋayam bukaano iniman úmár umaasa ba buyeefihinem. K'angu andooh jakanku jálindo anyab akaan ininkaman bompenku umaasa. Bambollay, anhooburindem a bigofo. Angáágárám tabén takeen iniman ni ñammaasaŋo angáágáhne tabéno takeeno.