Iivesi zeBhayibhile ezithandwayo ezisuka Luc 3

Yabelana

Jean amabatésa muetso amadenganôni. Na Jésus muetso, amabatésu n’edi. Vamabakangô gôévovo na Nzambé, ôbee ômakukuga. Gédidi SaNzambé gémasuma na gôndé Jésus gô gégoni saménga. Ogi ômookanô ômavovo g’ôba mbe: Ewe te muanami amôtôma amiso. Me nagônyôngéô ti na nzoo na gô môtéma.

Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.

Gabôta géétété samôsôba miônda miedi miamisôba anye tubédani ésima éamisôba gôémenyanganô mbe nômakoa mitéma gôéba wene mônongo oma. Anye nôanyepeda anyene mbe we te ana aAbraham. Nônatasa gô éne. Okô Nzambé anyôngéyiô éyekeda ana aAbraham, andé na ngudi yekoa mataé mema maka ana aAbraham.

N’atsatsee géwangéô géka va mitamba mieétété. Eétété éetso ésabôta miônda miamisôba éngawangô na éngagunyu gô soto.

Vane te vameenanô mane mamatenda Esaïe, môpandôédi amatasa maNzambé gô gésangôge sedi mbe: Te ôgi ône ômaadôngana gô tsenge émagasani mbe: Baani nzéa éaKumu. Tsimamédani buedi nzéa yedi. Nyunduye yetso dingayuésédu gôéwanyédu. Mikôdimie mietso na mivôni na migemige, mingaba éndamba. Mamongome manzéaye mangakonyogo. Madukume manzéaye mangeebédu. Na oma muetso angeena gayanza Nzambé gôéoboo omedi.