Iivesi zeBhayibhile ezithandwayo ezisuka Kèʼlo 15

Yabelana

Abram biímé kinyo ke NYùY TàR, NYùY TàR nèn lì wun ji wír woo là jay bìʼ shilív she wù‑uù wayin e wun wùn.

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí NYùY TàR, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

NYùY TàR nèn lì Abram, e fəə̀ shó fo ndzə, e sùúy sho jii, «Leéy yúví, e tàŋ mejiy mè, a fèn dzə̀ à tàŋ. Á mo rám yée wíy a dzə.»

Wù ku nèn yù jí NYùY TàR, a yì suuy jii, «Wìr və̀n yòʼ wíy a dzə njìlaʼ wò. Kù wíy a dzə wán woo wò vito.»

NYùY TàR suúy shó jii, «Á kiíy feyì feyì jii, rám yée wíy dù, a dzə viŋgwìy e wòŋ wúmóʼó wo bó yòʼ dzəə̀n wóv, e wìy a rèŋ vikwàn fó kiyá ghii kweè, aá wáa nyàvrì aáwune.

Yii bèy, Abram bìnèr jii, «Éè NYùY TàR woo Taà Ndzə, a dzə̀ vilaámé vé vi dzəə yiì yiì ka ke juŋ ki e mò, a m dzə̀ là wán, a njìlaʼ wom dzə̀ Elieser woó Damaskus?»

Á *mensaŋ me Nyùy‑iì gwàrìn wùn Abram e kishiíy fóo fèy, a suúy jii, «M fó woŋ və̀n e rám yée, e kèʼ fo ndzəv yeé Ejiv, e dù, e bàʼ e ndzəv ye wiyí, ye dzəə̀n Yufret.

A kí wíy lì kiyá ghii kweè, é bo rám yée kfə́n é bàm fen, bìʼ fo vinyo ve wìr veé Amor ve bi ví yóʼ ne kùʼ, e mèé ve a dzə̀ m màʼ ŋgeʼ aáwuné kitu.»