Iivesi zeBhayibhile ezithandwayo ezisuka Umshumayeli 2

Share

Ngokuba umntu olungileyo ebusweni bake emnika ubulumko, nokwazi, novuyo; kodwa umoni uyamnika umsebenzi wokuhlanganisa nokubuta, ukuba anike kolungileyo ebusweni BUKATIXO. Oku kokungendawo nokukatazeka kwomoya nako.

Akuko nto elungele umntu ngapezu kwokuba atye, asele, awuvise umpefumlo wake ubuyolo kuwo umzamo wake. Ndayibona nalento ukuba yavela esandleni SIKATIXO. Ngokuba ngubanina ongatyayo, ngubanina onganxamelayo, ngapezu kwam?

Ndaza ndabeka ngakuyo yonke imisebenzi ezibe ziyenzile izandla zam, nangakuwo umzamo endibe ndizamile ngako ukuyenza: kekaloku bona ke, konke bekukokungendawo nokukatazeka kwomoya; ewe, akuko nzuzo ngapantsi kwelanga.

Nako konke akubizayo amehlo am andikubambanga kuwo; andiyinqandanga intliziyo yam nakwomnye umhlali: ngokuba intliziyo yam ibivuya ngawo wonke umzamo wam; oku ke bekusisabelwa sam sivela kuwo wonke umzamo wam.

Ndandula ndabona ukuba ubulumko buyagqitisela ubudenge, kwa njengokuba ukukanya kugqitisela ubumnyama.

Olumkileyo amehlo ake asentlokweni yake, kanti osidenge uyahamba ebumnyameni; sendiyazi noko, kwa mna, ukuba bohlelwa sisihlo sinye bonke.

Ngokuba kuko umntu omzamo wake ungobulumko, nangokwazi, nangokukutala; kanti wowushiyela umntu ongazamanga ngawo ube sisabelwa sake. Oku nako kokungendawo nobubi obukulu.