Iivesi zeBhayibhile ezithandwayo ezisuka Luc 3

Share

Bumongu bwotsu ne gubatisu, Sesu gwandi ne gubatisu. Gigumbi gi yandi lembilange Nyambi, nzambi ne gutsibuge. Dinyuni diboti dikumusundile ne gidimu gi bongene ne dibembi. Dyufi di Nyambi dikulunu gu nzambi re «Ndyayu wu mwane murime, gu ndyayu nyaveri girondu gi ami gyotsu.»

San negubambile re «Menu nyanubatisi mu mambe. Tumbe agaruge wakibi menu ngudu. Nzabenze gube nesi muvige andi wu gunyangule mukudu pondu tsi andi. Yandi re guse nubatise mu Dinyuni Diboti negu ruvi.

Dyanzanu mambu ma labisi re mutsageninu wenu wakaluge, nevu muri wa buri milunde miboti. Nuyakwekukokisange yenu beni re “mukoku wetu Aberam.” Mbare nyanwambile re nesi memani mame Nyambi benze mekaluse bane be Aberam.

Yabanu ngenze re pivi ya tabuli panzigu yike ve dibandu di muri. Muri wotsu wusaburi milunde miboti wugutabulu wukoku gu ruvi.»

Neve direndilu mu gisangumu gi mubigitsi Esayi: Dyufi di mutu wa gwamugi gu kumu: «Kinzanu mirime mi enu kalulanu mutsageninu. Mudongemine wotsu wugubasisu, mikongu myotsu migubwayimisu. Nzile tsi rekeme, tsi ne meroku tsi gusungeme, nzile tsi yunge tsi gunonzu. Munongumosi pasi dwavingili kanangu dwakinzi dikengi nzile yi aguvyogile nesi aguruge. Mutu yandi wotsu agulabe mukani warugili gu Nyambi.»