Iivesi zeBhayibhile ezithandwayo ezisuka San Lucas 3

Share

Juan oporomongarai jave hína, Jesús oñemongaraika avei. Ha pe ha'e oñembo'e jave, ára ojepe'a ha oguejy hi'ári Espíritu Santo pykasúicha. Ha oñehendu peteĩ oñe'ẽva yvágagui, ha he'íva: --Nde hína che ra'y ahayhúva, che aiporavo vaekue.

Juan katu he'i chupe kuéra: --Che niko añetehápe ýpe pomongarai, ha oime peteĩ oútava pene mongarai Espíritu Santo ha tatápe. Ha'e ipokatuve che hegui, ha chéve ija'ỹva ajora chupe ipy rehegua sãnte jepe.

Peikóke ojehecha porã haguã pende rehe pejevyha Ñandejára gotyo, ha ani peiko peje: ‘Ore niko Abraham ñemoñare’, ha peimo'ã ndojehu mo'ãiha peẽme mba'eve. Cháke ha'e peẽme, Tupã ikatuha ko'ã itágui jepe ojapo Abrahámpe iñemoñarerã.

Upéi ave, hácha ojeitýtama yvyra rapóre. Opa yvyra hi'a porã'ỹva guive, ojeitýta ha oñemombóta tatápe”.

Kóva ojehu ojehaiháicha maranduhára*f** Isaías kuatia ñe'ẽme: Oĩ osapukáiva yvy ojeiko'ỹháme: Pembosako'i Ñandejárape haperã pejapo chupe tape ikarẽ'ỹva Umi ñu ipyko'ẽha henyhẽmba vaerã, yvyty ha ijyvateha oñembojojáne, umi tape ikarẽva naikarẽvéima vaerã, ha umi ivaíva toñembojojapa. Opavave ohecháne Tupã oporopysyrõha.”