Iivesi zeBhayibhile ezithandwayo ezisuka LUQAASI 14

Share

«Anewa daannohu annasi, amasi, galtesi, oososi, meyaanna labbaa roduuwasinna heeshshosi anenni roorse baxannoha ikkiro, rosaancho'ya ikka didandaanno.

Masiqalasi duqqe hoode'ya daannokkihu, ane rosaancho ikka didandaanno.

Isonoo gotti assannohu, heeshshi yaanno; isonoo heeshshi assannohu, gotti yaanno.

Hattonni ki'ne giddo ayino afi'rinore baala ane daafira yee agura hoogiro, ane rosaancho ikka didandaanno» yii.

«Ki'ne giddonni mittu mine mi'nara kairo, mageeshshi woxi hasiisannosiro, ikkanno geeshshi woxi noosironna hoongosiro ofolle dimalanno? Gaata dadhe kae mi'ne guda hoogeenna minu doogo uurre gatannoha ikkiro, sa"annohu baalu qacifatannosi. ‹La'e kuni manchi mine hanafi're kae guxxa hoogino› yaanni qacifatannosi.

Jila jilatto woyite, buxane, laanshaabbinore, naafootanna illiweeloota woshshi. Hatto assittoro, insa qola dandiitannokki daafira maassamatto. Keeraano ka'anno barrano Maganu bado qolannohe» yiisi.

Yesuusi qole, «Maxine danchate; maxinimmase muude hoogguro kayinni mayinni coommitanno? Baattote woy ha'rishshate ikkitannokki daafira, fushshine hunnanni. Macca noohu macciishsho!» yii.