Iivesi zeBhayibhile ezithandwayo ezisuka Luku 8

Share

Ba ŋɔtɛ ka kuyɛkɛŋ kuyɔhɔy koŋ baŋ, bɛna thɔyande iŋ biya bi yuyɛ thampa thaŋ beŋ e bindɛ huŋ putiyɔ, e bindɛ huŋ kɔsina ka thathukuma thakɛnamɛŋ, e niya kuthithi haaŋ e fuŋuna munahaŋ.

Ba ŋɔtɛ ka thaka haŋ baŋ, bɛna thɔyande iŋ biya bi yuyɛ thampa tha ka Masaala thaŋ beŋ, kɛrɛ yaagbani beŋ ndo, dethuwa nanhulu baŋ haŋ ndo, wuthimɔy wu ka huwɔmɛtiya haŋ wuŋ ndo see niŋ thɔɔ ka thukuma, awa biya bibɛina sa punku fuŋuna munahaŋ.

Ba ŋɔtɛ ka kuthara koŋ baŋ bɛna thɔyande iŋ biya bi yuyɛ thampa thaŋ beŋ e bindɛ thɛŋ yɛrɔkɔ iŋ mayehitɔkɔ, kɛrɛ thɛŋ tha thɔɔ wusunŋɔy ka thathukuma namɛŋ thaŋ. Bindɛ ni hɔkɔŋ lanɛya ba malɔkɔ mathurɔy, kɛrɛ naa lɔkɔ ba kugbɛrɛŋɛŋ koŋ baŋ tɛŋ nthɔŋ, bindɛ ŋɔti.

Huna tepe Yisɔs ka bakarandeni nama beŋ, na “Mbɛ ba sa beŋ niye lanɛya?” Kɛrɛ bindɛ fooma ni kukabanɛ ka payɔ ka tete, e tɛpiyande, na “Mbɛ woŋ, wo ni yamari huru haŋ woŋ iŋ thamunkulu thaŋ, e thɛŋ niŋ putiyɔ?”

Paka ba ŋɔtɛ ka gboŋa baŋ baŋ bɛna thɔyande iŋ bi yuyɛ thampa tha ka Masaala thaŋ beŋ, kɛrɛ Wayi Womandiŋ woŋ Sithani see. Wundɛ see fuŋuŋ thampa thabɛina ŋaye ka thathukuma namɛŋ thaŋ, ba haliko na sa bindɛ niye lanɛya e niyo kisi.

“Bɛyi na ka ba nunɔkɔy ba sa nɔŋ kuta nagberekethe; bɛyi na ka ba gbundu ba sa nɔŋ biya kɔthɔ, maa ba sa nɔŋ kiya ka waŋ.

Naa kute hati yɛrɛmɛ woŋ ba dɔma na ndɛ kothiyo, wundɛ see kaŋ thɛna e si ŋɔta ka ŋathaki ŋa ka Yisɔs. Kɛna gbonkoy wundɛ ka kupɛnkintiyande ku ka biya fooma mu dɔmɛ haaŋ wundɛ boheke Yisɔs na, iŋ nɔŋ na pethiye wundɛ kɔɔ hanthe. Huna tepe Yisɔs, na “Hatiŋ woŋ, lanɛya bakɛnda petheŋ yina; kaa iŋ mathɛbɛ.”

Kɛna key bakarandeni beŋ ka Yisɔs ka e niŋ ka thɔhina, e tɛpa, na “Karimɔkɔ, karimɔkɔ, miŋ bohe muluto?” Kɛna ŋayinɔkɔy Yisɔs. Wundɛ pinde huru haŋ iŋ thamunkulu thabukuyuwɛ thaŋ, na “Thɛbaŋ,” kɛna thebe muŋ nayeŋ.