Iivesi zeBhayibhile ezithandwayo ezisuka Yɔni 11

Yabelana

Yisɔs dome kɛnama, na “Yama ŋayaŋ biya ka tuka haŋ e bindɛ dunkune sii baŋ. Wɔ yo wɔ wo yama ni lanɛya, hali atukɛ ma, ndɛ kɔŋ hɛlɛŋ niyɔ iŋ sii. Awa wɔ yo wɔ wo niyɔ iŋ yaŋ awa e ndɛ niya yama lanɛya, ndɛ sa nɔŋ nda tuku. E niyeŋ huŋ lanɛya?”

Yisɔs dome ka Matha, na “E yaŋ tha hɛ yina tepe ba dɔma na mɛnɛ yi kɔŋ ni lanɛya, yi kɔŋ kutu na sɛmbɛ ba ka Masaala baŋ tɔŋinɔkɔ?”

Yisɔs buluŋ manɛɛni.

Naa yuye Yisɔs huseri haŋ haŋ baŋ, ndɛ tepe ba dɔma, na “Nthoonaŋ kiŋ kiŋ baŋ sa niŋ kɔri hali. Kɛrɛ ndɛ thoono haliko Masaala be kutu yiki. Awa wuna hɛlɛŋ Hati ka Masaala woŋ dunkuno yiki maŋaye ka nthoonaŋ kiŋ kiŋ baŋ.”

Naa thanki nthɔŋ nɛŋ Yisɔs tɛpa, ndɛ yele thampa wuŋatɛ ka thinthi e dɔma, na “Lasarɔsi, fuŋa ka yoma haŋ.” Ka thagbɛmgbɛŋ thabɛina Lasarɔsi wo tukɛ woŋ fuŋ ka yoma haŋ, thɛnkɔ mɛnɛ ŋathaki nama ŋaŋ niyɔ muyukɔy iŋ nnɛkithɛŋ kihuhɛ, awa e yaha nama haŋ niyɔ huhuitɔy iŋ thika bahuhɛ. Huna dome Yisɔs kɛnamɛŋ, na “Pɛɛkaŋ niŋ, ndɛ be key.”

Wuŋ niyɔy Yisɔs na nkinikiniŋ wumandiŋ naa ndɛ key ka yoma ka, awa yoma haŋ kuthaŋ kuna nde, e raka humandiŋ ŋatho ka biiyando kɛ ka kuthaŋ koŋ.

Naa thanki nthɔŋ nɛŋ ndɛ gbonkiya ka bakarandeni beŋ, ndɛ dome ntiŋ kɛnamɛŋ, na “Nyathiki ntuŋ Lasarɔsi na ŋɔyɛ ka nine, kɛrɛ yaŋ kɔŋ key yaŋ be niŋ ka thɔhɔŋ ka nine haŋ.”