Iivesi zeBhayibhile ezithandwayo ezisuka Yɔni 12

Yabelana

Wɔ yo wɔ wo thimo ba yama niyiyɛ wali, yɔkɔŋ ndɛ be yama yeŋ. Wuna wo yama niyiyɛ wali woŋ nɔŋ niyɔ ka yaŋ niyɔ ka. Awa Fandaŋ woŋ kɔŋ thiyi yiki wo yama niyiyɛ wali woŋ.”

Wɔ yo wɔ wo thimo tindɛ sii nama baŋ wumandiŋ, ndɛ kɔŋ bɛŋ piriŋiŋ. Awa wɔ yo wɔ wo tha tindɛ thimo sii nama baŋ kafaydo, ndɛ kɔsɔŋ bɛŋ ba ka kɔtɔkɔy nɔŋ.

Yaŋ kɔŋ bena tepe nɔndi baŋ, yɔkɔŋ thaa hunthe ŋɔti ka kupati koŋ e huŋ tuka e hooya haŋ muka, saanuŋ huŋ ntiŋ kɔ tima. Mɛnɛ huŋ tha tuku, huŋ kɔŋ niyɔ thaa hunthe thuŋ.

Yaŋ see kafaydo nɔŋ ka mathɔyande ma ka waŋ, huna wɔ yo wɔ wo yama ni lanɛya, ndɛ sa pɛyɔ ka huntuma haŋ.

Awa mɛnɛ wɔ yo wɔ yuye thampa niŋ thaŋ e ndɛ thɛŋ thana yɛrɔkɔ, yaŋ sa niŋ kɔnsɔŋɔŋ, baa yaŋ tha see ka kɔnsiŋina biya bi kafaydo, kɛrɛ yaŋ see ka niya bindɛ kisi.

Kɛna sekithe Mariyama yoki hunthe hu thiŋɛ mayɔ ma thimɔy huru awa e mɛŋ nde hɛlɛŋ niyɔ ma kahɛ mɔlɔŋ. Ndɛ see mɛŋ koŋe Yisɔs na ka ŋathaki nama ŋaŋ, e ndɛ ŋɛŋ puuthuwa iŋ bɔɔyɛ nama bu ka yaha buŋ. Awa kɛna see huruthimɔy hu ka mayɔ maŋ maŋ haŋ gbanthande ka banka baŋ fooma.

Huna thalinke bindɛ rɔnkɔiŋ e bindɛ gbankita Yisɔs na ka gboŋɛŋ ka e bindɛ kɔ yɛla thampa, na “Miŋ gbuŋunuwɛŋ Masaala na. Thaduba tha kiŋ ka wo see ka keŋ ku ka Mariki woŋ koŋ. Ndɛ na Gbaku wo ka Isirɛli woŋ.”

Yisɔs dome kɛnamɛŋ, na “Lɔkɔ baŋ tɛŋ ntiŋ ba Hati ka Wɔ woŋ niyo yiki wumandiŋ.