Iivesi zeBhayibhile ezithandwayo ezisuka San Lucas 14

Share

—Nuxa benni raca leni acana benni udheti nu ruleꞌa nna gansi bittuba racaruinna quia atti gue tata gueniha lhe gue nan gueniha lhe gue nuila gueniha lhe gue ca xiꞌinniha lhe gue ca betsiniha lhe gue ca danniha lhe gue elha naban gueni lhe läga aca aca nua benni udheti nu ruleꞌa.

Benni bittu dhielhana uchíana lo nu satena lo niꞌa quia, attiba ttu benni nuja crusi gueni diana atta ttána lo nua, unnuha nna bittuguaba bi elha ralhana acana nu udheti nu ruleꞌa.

Cumu nuxaba benni nu la labana runna dequi ancana nu ra xxeni leni, Tata Do Iyyabaaha unie eyadigaa leni, nu rechida gaa leniha nna uni Benniha acana nu ra xxeni leni.

Aníaguaba lebiꞌi, gansi nuxa ttule bittu udhequile iyá nu te guele, läga aca acale benni udheti nu ruleꞌa.

Gansi nux ttule raquinle udole ttu yoꞌo nu aca ixe coa, ¿läba primerxa ebíale ulaba lele gue ttixa tsia gue nua qui anáchu ugüiale gansi guaca ni nu te guele uluxale nua? Cumu gansi dhulole ucoale cimientu gue yoꞌoha, nianna bittu dhale uluxale nua, lania nna iyába ca nu iláquinna nua, dhulocana edacaquinna guele, innácana: “Unbiyuu du-ni nna udulona rudona yoꞌo, ttiaca bittu udána uluxan na.”

Lu nna atti unlu ttu laní, tseerla gaxlu ca nu bittu te guecani, ca benni recu niꞌa nácani lhe ca benni xi lhe ca nu xua locani lhe. Lania nna carbárulu. Cumu ca unní nna bittu aca eguixacana guelu, ttiaca lu nna dhílu elha tsee atti isía sá eyadha ca benni beni nu anca tsee lheꞌe ca baa-na.

’Tseeba rixuu deti-na, ttiaca gansi enitti ixe gueni, lärga aca eyona ixe attu libe. Tsa lärgabi ixuuna, ni de cuena lo yu, niguaba qui tsiana lheꞌe bebi lhe. Denuala nna iruꞌuna na. Atta rieninle nu ria-ni nna tsitsi gualdo nagale qui sadú lele.