Iivesi zeBhayibhile ezithandwayo ezisuka UISAYA 55

Share

“Kaloku ingcinga zam azifani nezenu, neendlela zenu azifani nezam,” utsho yena uNdikhoyo!

“Njengokuphakama kwezulu emhlabeni ziphakamile neendlela zam kunezenu, kanti ke zikwanjalo neengcinga zam.

Funani uNdikhoyo esenokufumaneka; bhenelani kuye ngoku asekufutshane.

Umntu okhohlakeleyo makahlukane nobubi, netshijolo maliyeke ukuyila ubutshijolo. Maliguquke, lize kuNdikhoyo; yena wosuka abe novelwano lilo. Malize kuThixo wethu, kuba yena uxolela kangangoko.

*UNdikhoyo unimema esenjenje: “Yizani nonke nina ninxaniweyo; yizani xa ninonke, nanga amanzi. Yizani nonke, nabo bangenamali; thengani, naku ukutya nitye. Yizani nizenzele kwiwayini nobisi; xa iyonke loo nto sisimahla.

Ilizwi lam nqwa nekhephu nemvula: ziphuma esibhakabhakeni, kanti ke azigoduki ngaphandle kokumanzisa umhlaba, zikhulise izityalo, umlimi zimnike imbewu, olambileyo zimnike ukutya. Likwanjalo ke nelizwi endilithethayo: alibuyi lilambatha, koko liyawufezekisa umnqweno wam, liliqaqambise icebo lam.

Nophuma nimemelela ngovuyo, nihambe ningumngcelele owonwabileyo. Iintaba neenduli phakathi kwenu zosuka zingqokole zitsho ngengoma, amahlathi nemithi atsho ngentswahla luvuyo.

Bekani indlebe, nize kum; phulaphulani, nixhamle ubomi. Ndonenzela umnqophiso waphakade, ndiniphathe ngezibele endazithembisa uDavide