Iivesi zeBhayibhile ezithandwayo ezisuka लुका 9

Share

तैबै यीशुऐ सारै लोगु लै बोलौ, “अगर कुण मुं पिछ़ु हाण्डणौ च़ाहा, (मैरौ च़ेलौ बौणनौ च़ाहा लौ) सेऊ आपणी इच़्छ़ा पोरु छ़ाड़ा लौ” और आपणौ क्रूस च़ुंगियौ हर रोज़ मुं पिछ़ु हाण्डा लौ।

कैलैकि ज़ुण-कुण आपणौ प्राण बौच़ाउणौ च़ाहा लौ तेसलै परमेश्‍वरा आइलै सौदा री ज़िन्दगी नाईं मिलदी, पर ज़ो मुकालै तयार औलौ तेसलै परमेश्‍वरा आइलै सौदा री ज़िन्दगी मिला आ।

यीशुऐ तेसलै बोलौ, “ज़ो आदमी बाइंदी बारै हौल़ा री आड़ी माथै हाथ छ़ाड़ियौ पिछ़ाऊं देखा सेऊ परमेश्‍वरा रै राज़ा रै लायक नाईं आसतौ।”

लोग पुरै सण्सार पाई बल़ा ई, पर एथरौ का फाइदौ आ आपणौ प्राण खोआ लै पोरु?

ज़ो मेरी ताईं और मेरी शिक्षा री ताईं शर्मिया लौ, ता ज़ेबी हाऊं आदमी रौ छ़ोहरु आपणी, बाबा री और, पवित्र दूतु री शाना देखाइयौ आशु लै, तैबै हाऊं भी शर्मिया ऊ।

पर यीशुऐ तेसलै ज़वाब दैऔ, “शालटा, रै ता रौइणा लै डौई हुआई और च़िड़ु-च़िटकेरु रै रौइणा लै कोल़ै हुआई, पर आदमी रौ छ़ोहरु हुइयौ भी मुकै सुतणा लै आपणौ घौर नाईं आसतौ।”

और च़ेलेऊ लै बोलौ, “ज़ो एस ज़िणौ छ़ोहरु मैरै नावां कौरी अपणावा ई सै मुं अपणावा ई, और ज़ुण कुण मुं अपणावा ई सै मैरौ बाब ज़ुणिऐ हाऊं भेज़ोऊ तेस अपणावा ई। कैलैकि तुमु मांझ़िऐ ज़ुण सारेऊ कु छ़ोटौ बौणा लौ सेऊ बौड़ौ हुआ सा।”