Iivesi zeBhayibhile ezithandwayo ezisuka लुका 8

Share

ज़ो बीज आच़्छ़ी ज़मीना दी पौड़ौ थौ, सौ भौरी फौल़ा। तेथरौ मतलब इणौ आ कि कुछ़ लोग परमेश्‍वरा रौ वच़न आच़्छ़ै कौरीऐ शुणाई और तेस वच़ना माथै च़ाला ई और विश्वासा दी बौड़ाई इणै आदमी तेस बीजा बाशीऐ ई ज़ो बीज शौ पाथै फौल़ा आ।”

और ज़ो बीज झ़ाड़िऊ मांझ़िऐ पौड़ौ थौ सेऊ खौड़ी ना उखरांदौ। तेथरौ मतलब इणौ आ। कि कुछ़ लोग परमेश्‍वरा रौ वच़न शुणाई। बासिऐ धौतरी री च़िन्ता दी, रुपाऐ-पैसै, ज़िन्दगी रै सुखा दी फसियौ परमेश्‍वरा रै विश्वासा दी नाईं बौड़दै।

ज़ो बीज पथरियाल़ी ज़मीना दी पौड़ौ तेथरौ मतलब आ इणौ, कि लोग खरकच़ार खुशी कौरीऐ वच़न माना ई पर ज़ैबै विश्वासा री वज़ाह कु केज़ौ भी कौष्ट या सताव आशा, तैबै सै फेटी फशटा ई कैलैकि सै परमेश्‍वरा रौ वच़न आपणै ज़िवा दी नाईं बसाल़दै।

तैबै यीशुऐ तिऊं च़ेलेऊ लै बोलौ, “तुमारौ विश्वास कियै थौ?” तैबै सै डौरी गौऐ हैरान हुइयौ आपु मांझ़िऐ चौपड़िदै लागै, “इयौ कुण औलौ इणौ पा कि पाणी और बागुरा लै हुकम दिआ इऐ एसरी बूश माना ई?”

ज़ो बीज बाटा दी पोड़ौ तेथरौ मतलब आ कि कुछ़ लोग परमेश्‍वरा रौ वच़न ता ई शुणा पर आपणै ज़िवा दी ना छ़ाड़दै, तैबै शैतान तिंउरै ज़िवा कु खरकच़ार आशीयौ परमेश्‍वरा रौ वच़न च़ोरा, ताकी लोग विश्वास कौरीयौ छ़ुटकारौ ना पा।

कैलैकि कोई भी च़ीज़ मेरी नौज़री कु छ़िपी औन्दी ना आसती, ज़ो पौगड़ौ ना कौरियाली, और ना ई कुछ़ छ़ुपौंदौ आसतौ, ज़ो प्याशै दी ना आणियालौ।

ज़ैबै तिऐं छ़ेउड़ीऐ देखौ कि यीशु कै पौतौ लागी गौ आ तैबै सै कांबी-कांबीऔ यीशु काऐ आशी और यीशु री लातेऊ माथै पौड़ीयौ सारेऊ लोगु काऐ बोलदै लागी कि मुंइऐ केज़ै कारण यीशु छ़ुंऔ आ और आबै हाऊं एकदम किणी च़ांगी हुई गोई। यीशुऐ तिंआलै बोलौ, “धीया, तैरै विश्वासा कौरीऐ तू ठीक हुई ई शान्ति कौरीऐ डेऊ।”

तैबै तिऊं च़ेलेउऐ नज़दीक डेइयौ यीशु उज़ीयाऔ और बोलौ “गुरुजी-गुरुजी आमै नाश ई औन्दै लागौ औन्दै।” तैबै यीशु उठौ और तेज़ बागुर और पाणी रौ छ़ालौ डांटौ, तैबै सै पाणी रै छ़ालै और तेज़ बागुर शान्त हुई और शाई पौड़ी गोई।