Iivesi zeBhayibhile ezithandwayo ezisuka लुका 14

Share

“अगर कुण मुकाऐ आशा लौ, सेऊ आपणै मां-बाब, छ़ेउड़ी, छ़ोहरु और भाई बौइणी इदरा झ़ांऊ कि आपणै प्राणा कु भी ज़ादौ मुं आइलै प्यार कौरा। नाईं ता सेऊ मैरौ च़ेलौ नाईं बौणी बौल़दौ।

और ज़ुण-कुण आपणौ क्रूस नाईं उठावा लौ, और मुं पिछ़ु नाईं आशा लौ सेऊ भी मैरौ च़ेलौ नाईं बौणी बौल़दौ।

कैलैकि ज़ुण आपुलै बौड़ौ बौणा आ तेस छ़ोटौ चाणा ई, और ज़ुण कुण आपुलै छ़ोटौ बौणा लौ तेस चाणा ई बौड़ौ।

इणै कौरीऐ तुमु मांझ़िऐ कु, ज़ुण-कुण आपणौ सब कुछ़ ना छ़ाड़ा लौ सेऊ मैरौ च़ेलौ नाईं बौणी बौल़दौ।”

तुमु मांझ़िऐ इणौ कुण आ ज़ुण बौड़ौ घौर चाणनौ च़ाहा लौ और बोशियौ पैहलै कीमत नाईं ज़ोड़ा लौ कि मुकै एती बजट आसती की नाईं? कियै इणौ ना च़ांई हुऔ कि पौई पाइयौ उपरै ना चाणुऔ नाईं, और लोग इणै देखीयौ तेसरौ मज़ाक उड़ाउंदै लागा, कि एऊ आदमी चाणदै लागौ पर उपरै ना चाणी बौल़ौ।

पर ज़ेबी तू रोटी दिया लौ ता गरीब, लौंगड़ै, टुण्डै और शेड़ै लोग औटाऐ। तैबै तू भौलौ हुआई, कैलैकि तिउंकै वापिस दैणा लै कुछ़ ना आसतौ, पर ज़ेबी धौर्मी लोग ज़िउंदै औआ लै तेबी ताउंलै एथरौ इनाम मिला।”

“लूण ता आच़्छ़ौ आ पर अगर लुणा रौ स्वाद बिगड़ी जा लौ, ता तेस केज़ी च़िज़ा कौरी लुणुऔ चाणा ई? सेऊ ना ता ज़मीना दी खादी रै कामा दी आशदौ, तेस ता लोग बाइरै शोटाई। अगर तुमै सौमझ़णौ च़ाहा ई, ता तुमै ध्याना दैऔ कि तुमै का शुणाई।”