Iivesi zeBhayibhile ezithandwayo ezisuka Pula 15

Share

A woosa ɓa ne : « Ɗu kerah keeh-keeh woo kiŋ ngo, mi yi Nikiɗi Koohiŋ ɗu, te ɗu haɓɗee in ci ŋ amb ne ceɗ yurah ɗah, ɗu ɓekoh nof in ci ŋ nakoh, te ɗu haɓiɗ haɓɗaah ci jen ɗah, ŋ heyɗi yipkiɗe kosaay nga ɗu findi ŋ tumoh na ɓi Misra. Laam ñam Nikiɗi yi na wirɗee ɗu. »

Nikiɗi a yi hatiliŋ ngo nee ! A yi Heɗ ƴeekiŋ ngo. A yi hirip po nee ! Ŋ hey ɗe ƴeeke. Nikiɗi a yi Koohiŋ ngo nee ! Ŋ hey ɗe ɗaape. A yi Koohiŋ baabiŋ ngo nee ! Ŋ hey woye yakkiŋ ɗe.

A yinde kooh mand na ɗa nee Ŋ kooh caŋ ɓooɓa ? A yinde na siñaarɗe sagu hool ? A Nikiɗi nee ! A yinde Kooh neƴƴohu nee ? A Nikiɗi nee ! Po a carra ƴeeku nee ? A Nikiɗi nee ! A tumee in feyohiɗ ee Findiifu nee ?

Nikiɗi waaɗohaaɗiŋ ɗa nee Wa na ɓoƴsukeeɗi. Fu yurhiɗiɗ cuuɓiŋ ɗa fu tos Na hatiliŋ ɗa nee ! Fu yii ɓay ɓa Nikiɗi nee Ɗiskaŋ ɗa hoolɗa.

Wa ɓa kaɗ po ɓa reesa ɗiska na woyse Mara, masuɓ raakeen nga, waaye ɓa mineeɗaa an, wa nikee aayiɗ hak weɗ tah ɗiska teekuusa Mara (aay). Ŋ ineem, mboolnda lahtukeeɗa ŋ Musaa, ɓa woosa ne : « Ɓoo na hee ye ane ? » Musaa kiimmba Nikiɗi na leehuk. Nikiɗi teeɓpa ɗe ndooɗ, a ɓekkaa ŋ masma, wa hannda min anu. Ŋ ndaam, Nikiɗi eɗta Israayel ca nakoh ciŋ ɗe na haɓɗaah. A nammba ɓa markisuk.