Iivesi zeBhayibhile ezithandwayo ezisuka Chɔɔn 16

Share

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Jɛ ti̍ Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ ɛ̍ mu̍-a ji̍-ɛ, nɛ̀ ɛ̍ mu̍ ɛ̍ nu̍ mɔ̀ iě tìh-a taǐn kli̍hgbɛ̍ juo. Ɛ̍ se̍ dǒ ɛ̍ chɛ̀-ɛ sɔ̍n kɛ̍n wlu-i mu̍. Jɛ dɛ̍ ɛ̍ wɔ̌n-aɛ bo ɛ̍ mu̍ wlu, wɛ̀ ɛ̍ iě mɔ̀ dɛ̍ᵻ ìh-a mu̍-a nɛ dě nya̍-ɛ wlùh sèàɛ̍.

Sɔ dě ti̍-a ti̍ we̍-ɛ, mɔ̀-ɔ se̍a dɛ̍ jbǎ dǒ ǎn nynɛ̌ kɛ̍n. Mɔ̀ jbǎ dɛ̍, nɛ̀ mɔ̀-a mu̍ ɛ̍ jě, wɛ̀ mɔ̀-a nmɔ-ɛ iě kwlǎ wɛ̀.

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍. Pò ɛ̍ ji̍-ɛ, nɛ̀ ɛ̍ mu̍ ɛ̍ we̍i̍ flɔn-ɛ dě kmɔ̌ nyɔ̍ we̍ ka u̍h klǐ-a dǒ gblɛ̍n sɔ̀ɛ̀n ke, i̍ slɛ̌-ɛ ke, tìh-a gbɛ̍n-ɛ we̍-ɛ.

Kǎ ɛ̍ nɛ ke dǒ mɔ̀ we̍, mɔ̀-a wlùh gbǎ seɔn kaka, jɛ ǎn mu̍ mɔ̀ jě dode̍. Nɛ̀ mɔ̀-a mu̍ nmɔ. Jɛ ɛ̍ nɔ̀ɔ̍, nyɔ̍-o-nyɔ̍ se̍ ɛ̍ mɔ̀ kwa̍a̍ sà mu̍. “Dǒ weɛ̍ laa̍ di̍i̍-ɛ, nɛ̀ mɔ̀ se̍ ǐn dɛ̍-o-dɛ̍-a tìh i̍ tèle mu̍ dɛ. Tìh-a taǐn ǎn sèàɛ̍ mɔ̀ wlùh, dɛ̍ jɛ mɔ̀-a mu̍-a jbǎ dě ǐn Baa we̍-ɛ, ɔ̍ mu̍ ɛ̍ mɔ̀ nyǐ dǒ ǎn nynɛ̌ kɛ̍n.

Tìh-a taǐn ǎn sèàɛ̍ mɔ̀ wlùh, mɔ̀-a mu̍ fìn mɔ̀ iě sùàɛ̀n pa̍, wɛ̀ kmɔ̌ nyɔ̍ iě nmɔ. Mɔ̀-a wlùh-a mu̍ seɔn gbǎ. Jɛ mɔ̀-a wlùh-a seɔn gbǎ-a mu̍ nmɔ-ɛ sàɛ̀.